เอเซเคียง 26:7 - Northern Pwo Karen Thai Bible

⁷ “เมะเว๊ ทอดูทึโท๊ทึกแช่ยาเว ไจ้ะเว๊ บี่อี้ง, อี้งเซ้อ, ก ม เฌ๊ฌ้า เนบูคาเนซา กจุ้แฆว้ ลู่ง บาบีโลง, พี่ อ เก กจุ้แฆว้ ดูทึ, เฌ๊นี่ ลู่ง มื่งเค๊ง เฌ๊ ลู่ง ไทระ, ล พ๊าฆ่าง ดี๊ เลาะดึ้ซึ้, ซึ้พู กซี ดี๊ ซึ้พู แอฌี่งแอฌ้อง

เอเซเคียง 26:7 교차 참조

เอซรา 7:12

“อาทาเซอซี กจุ้แฆว้ พี่ อ ดูเละ กจุ้แฆว้ กุ้ แฌ้ นอ, ท้อง เอซรา โพล้งลื่งเท่ออคู, คู ซอง กแช่แยว้ ลู่ง ทมุ้คู ล แฌ้ นอ อ ทอางแม้เลา

อีซยา 10:8

เมะเว๊ อ เว๊ ไคล้ บี่อี้ง “จ โพล้ง ทอคูดู ลแพ นอ, เก กจุ้แฆว้ เลาพะ ล เมะแบ-อ้า?

เยเรมี 25:22

กเย่ กจุ้แฆว้ ลู่ง เว่ง ไทระ, กเย่ กจุ้แฆว้ เว่ง ไซดอง, ดี๊ กเย่ กจุ้แฆว้ ลู่ง เว่ง ปางเล พ้าไท้ะ แว่โค๊ แพ้ อู้ง

เยเรมี 25:9

กแช่ยาเว ไจ้ะเว๊, ‘อี้งเซ้อ, ก ม กุ้ นี่ โพล้ง อ ชื้อ เลาพะ ลู่ง มื่งเค๊ง, ดี๊ ก เพล่ เนบูคาเนซา, กจุ้แฆว้ บาบีโลง, ดี๊ ก ม เฌ๊ฌ้า อ ซื๊งเว๊ ซีง ลแพ เฌ๊ ดึ้ ค่าง อี้ง, ดี๊ โพล้ง ลู่ง เว่ง อี้ง, ดี๊ กเย่ โพล้ง กุ้ชื้อกุ้ชะ ลแพ อี้ง, พี่ โอ วะชวะ, ก ม แม้เฌ๊ฌ้อง อ ซื๊งเว๊ ลแพ นอ เลาพะ, ดี๊ ก ม ดึ้ เกม๊า อ เว๊ เก ท ล้าง ซ้ะเมซ้ะไพล้, ดี๊ เก ทไคล้ ไฌ๊ซ้ะ, ดี๊ เก ท ญ๊องไฆวะ โอโปล้ ก้ะ ล้างชู้ล้างแกย

เยเรมี 4:13

“อี้งเซ้อ, อ เว๊ เฌ๊ทาง บี่ซุ้ดี๊ ทเอิง อ เลาะ ดึ้ซึ้ บี่ซุ้ดี๊ ทแม้อ้า พ้ะดู อ ซ้ะ อ เว๊ อ กซี ลแพ นอ, เพล เละ ไละ พ้ะดู ได้ะ ท เซงทื่งเฌ๊ฌ้อง แบ ก ซื๊งเว๊, อไฌ่บี่อี้ง, ก ม แบ เซงทื่งเฌ๊ฌ้อง ล้อ

เยเรมี 4:7

คี๊ยื่ง ล ดื้ง ไจทาง นี่ ลู่ง อ ล่าง โอคุ้ซูง เย้า ดี๊ โพล้ง แม้เฌ๊ฌ้อง โพล้ง กุ้ชื้อกุ้ชะ นอ อ เฌ๊ เย้า อ เว๊ ไจทางแดไฆวะ อ ทล่างทเกล้ บี่ซุ้ ดึ้ เกม๊า น ที๊งล่างค่างพ้า โอโปล้ก้ะ น เว่ง กุ้ เว่ง นอ, ม แบ ท ญ๊องไฆวะ โอ ก้ะ กูกิ้ โพล้ง ล เปิ่งโอเปิ่งช๊อง เว๊ น่างแฌ้ ล้า แบ

เยเรมี 52:32

อ เว๊ ไคล้ ดี๊ เยโฮยาคี ดี๊ ทย๊างเซิงย๊างซ้ะ, ดี๊ เกล๊าง เอะ เว๊ ล่าง ชี๊น้าง พี่ อฆี๊งอแล้ ฌี้เละ กจุ้แฆว้ ซีง ลแพ, พี่ โอ บาบีโลง พ้า นอ ได้ะ

เยเรมี 6:23

อ ซื๊งเว๊ ลแพ นอ, พอง ทาง คลีงบ้อง ดี๊ พ้าง อ เว๊ ดู้ง ลู่, ล โอ ดี๊ ท ย๊างซ้ะ แบ อ ลู่ง นอ, เซ๊ บี่ซุ้ดี๊ ปางเล จึ้ไท้ะ อ ซ้ะ เซ๊ อ ซื๊งเว๊ เทา กซี ดี๊ แด้เว้ อ ซ้ะ เมาน่าง, บี่ซุ้ดี๊ กแคว๊ นึฆ้าง ดึ้ซึ้ พูมืง ซีโยง-เอ้อ, อ ซื๊งเว๊ เฌ๊ ดึ้ แน้ ล้อ”

เอเซเคียง 17:14

บี่ซุ้ บ้างมื่ง นอ, ม ล้างเพาล้างแช่, ดี๊ แม้ชองทางไท้ อ ซ้ะ ล ซี ล้า แบ, บี่ซุ้ ท แฌแซกต้าง อ ท เอิ้งล้าง นอ, ม โอ เว๊ น๊างบ้อง ล้อ)

เอเซเคียง 23:24

อ เว๊ ม ดึ้ซึ้ แน้ ดี๊ นางดึ้นางชาง, ดี๊ เลาะดึ้ซึ้ พี่ โอ ดี๊ อ คางไร้ะ, ล พ๊าฆ่าง ดี๊ โพล้ง กุ้ชื้อกุ้ชะ อ แฌ้ แอฌี่งแอฌ้อง, อ เว๊ ม ท๊างทาง อ ซ้ะ ดึ้ซึ้ แน้ กุ้ แพ้, ดี๊ นางปด้าง พ้ะดู ดี๊ นางปด้าง พูปี๊, เลา ดี๊ คลื้งโมะ ท้ะ, ดี๊ ก ม อางกีล้าง เอะ-อ้ะ ท ต้ะเซ๊ง, พี่ อ ซื๊งเว๊ ลแพ นอ, ม ต้ะเซ๊ง แน้ บี่ซุ้ดี๊ อ ท ต้ะเซ๊ง อเค้อะอต้าง นอ ล้อ

เอเซเคียง 26:3

อกย้องบี่นอ, ทอดูทึโท๊ทึกแช่ยาเว ไจ้ะเว๊ อี้งเซ้อ, ไทระ, ก เฌ๊ ดึ้ซึ้ แน้ ดี๊ ม เฌ๊ฌ้า โพล้ง กุ้ชื้อกุ้ชะ แอฌี่งแอฌ้อง เฌ๊ ดึ้ซึ้ แน้ บี่ซุ้ดี๊ ปางเล เฌ๊ฌ้า อ บู้ง ลแพ นอ

เอเซเคียง 28:7

ทบี่นอ, แคว่เซ้อ, ก ม เฌ๊ฌ้า โพล้ง ลชื้อแด, เฌ๊ ดึ้ซึ้ แน้ เก โพล้ง แม้ชองแม้จุ้ เท่อ น้ะทึ, ลู่ง โพล้ง กุ้ชื้อกุ้ชะ อซุ้อแกล้ อ เว๊ ม ทึ้ทาง น้ะ, ดึ้ โละซ้ะ ดี๊ ทฌี้ทแอว้ ลู่ง น ทโกงทมอง พ้า ดี๊ ดึ้เดวทื่งแช้ น ทฆี๊งทแล้

ดานีเอง 2:37

จ กจุ้แฆว้, กจุ้แฆว้ ดูเละโท๊เละ กจุ้แฆว้ กุ้ แฌ้, พี่ กแช่แยว้ ลู่ง มุ้คู นี่ เกล๊าง เอะ แน้ บ้างมื่ง, ท อดู้งอยางอซยื๊งอซย้องแอทึ ดี๊ ทฆี๊งทแล้

ดานีเอง 2:47

กจุ้แฆว้ ไคล้ ดี๊ ดานีเอง ไจ้ะเว๊, “ล้างเท่ง เต้ๆ, ล้อ, น กแช่แยว้ เก กแช่แยว้ ดูเละโท๊เละ ท กโช้งกแช่ ลแพ นอ, ดี๊ เก ทอดูทึโท๊ทึกแช่ ดูเละโท๊เละ กจุ้แฆว้ กุ้ แฌ้, เก โพล้ง โล้ ล้างที๊ง ทคิ้ซูงคิ้บีง, เมะเว๊ อ เว๊ โล้ ล้างที๊ง ทคิ้ซูงคิ้บีง อี้ง ซี”

โฮเชยา 8:10

ทึเมะ อ เว๊ อางเล้ง ทาง โพล้ง กุ้ชื้อกุ้ชะ เก อ ฌุ้พาง เท่งซ้ะ ฌี้ นอ ล ไยะ แบ, ก ม กึ้ซยอง-อ้ะ อ เว๊ ล้างแซย้ ทาง ลู่ง กจุ้แฆว้ ท อคูอแน่ ซีง ลแพ อ ทอวีงทยุ้