เอเซเคียง 24:9 - Northern Pwo Karen Thai Bible

⁹ “อกย้องบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง ท เซงทื่งเฌ๊ฌ้อง แบ เว่ง พี่ แบโจ ดี๊ ทซวีง ก ม ดึ้ เกม๊า เซงมื่ง โป้ง นอ ดูทาง ปะ

เอเซเคียง 24:9 교차 참조

อีซยา 30:33

เมะเว๊ ทล่าง ลู่ง เช้า เท่อ อ ฌ่าง นอ, เตะ เว้ เว๊ ไยะเย้า, เอ้อ, แด้ เว้ เว๊ ลู่ง กจุ้แฆว้ อ ฌ่าง, ทล่าง ล้างด้ะ อ เทิง นอ โยะ ดี๊ เล่, ล พ๊าฆ่าง ดี๊ มี ดี๊ เซงมื่ง แอฌี่งแอฌ้อง, เมะเว๊ กแช่ยาเว อ ลี้ง แซทางแซล้าง นอ, บี่ซุ้ดี๊ มีอ้าแพลแช๊ อี อ กล้อง, พี่ เช้า เว๊ เกม๊า อ เค้ทาง นอ ล้อ

อีซยา 31:9

อ ทล่างทุ้กดื้งซ้ะ ม เลาไฆวะ ดี๊ ท เซิงไพ่ซ้ะว้ะ ดี๊ อ เซงคู ลแพ นอ ม ญ๊องไฆวะ ตไก้ยะ แม้ไน เท่อ ดี๊ ท ซ้ะเมซ้ะไพล้ กแช่ยาเว พี่ อ มี โอ ลู่ง ซีโยง พ้า ดี๊ กแช่แยว้ พี่ อ มีอ้า ล่าง โอ ลู่ง เยรูซเลง พ้า นอ, ไจ้ะเว๊ บี่อี้ง ล้อ

เอเซเคียง 21:2

“กโพล้ง อ พู-เอ้อ, เกม๊า แกยฆ้าง เมะ ดึ้ซึ้ เยรูซเลง, ดี๊ ซอง เท่อ ดึ้ ทล่าง ซยื๊งซย้อง ลแพ นอ, เกม๊า โล้ล้าง ท อลู่งอแท๊ ดึ้ ค่าง อีซลาเอง

เอเซเคียง 21:3

ดี๊ โล้ เอะ ค่าง อีซลาเอง บี่อี้ง, กแช่ยาเว ไจ้ะเว๊ บี่อี้ง, อี้งเซ้อ, ก ม ดึ้ แน้, ดี๊ ก ม ทึ้ทาง นี่ น้ะ ลู่ง อ กยุ้ พ้า, ดี๊ ก ม แม้ไฆวะ โพล้งแบกแช่แยว้อซ้ะ ดี๊ โพล้งอ้าโพล้งซ๊าง ไจแดไฆวะ แน้

เอเซเคียง 22:2

“ดี๊ แน้, กโพล้ง อ พู-เอ้อ, น ม ต้ะเซ๊ง เท่อ โบ่?, น ม ต้ะเซ๊ง เว่ง พี่ แบอ้า ดี๊ ทซวีง นอ-อ้า?, ทบี่นอ, น แบ เกม๊า เว่ง นอ, ซีงแฌ๊ แบฆ้ะ ดี๊ อ ท ล้าง ซ้ะลูซ้ะไล้ะ เลาพะ

เอเซเคียง 22:31

ทบี่นอ ก ม ลู๊งล้าง ก ท ซ้ะทาง ล้างแบ อ ซื๊งเว๊, ก ดึ้ เกม๊า อ ซื๊ง เลาไฆวะ ดี๊ ก ท ซ้ะทาง อ มี, ก ม แม้เตาแม้แต๊ อ ซื๊งเว๊ ท๊อง อ ทไพ้ะทแม้ ลู่ง อ คูด้าง”, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 24:10

เกม๊า ทุ้ซยองฆ้าง เซงมื่ง ดี๊ อูงเค้ทาง มี อางฆวี่ง ทแย เมะ ฌี้, ดี๊ ชวี๊งล้าง ท น๊าอวีงน๊าม๊า ดี๊ ทูแพล่ เกม๊า ทฆีง คู่แซว

เอเซเคียง 24:5

เกม๊า ลึนี่ แกะ ลู่ง อ ฌี้ ล ดื้ง ชวี๊งล้าง เซงมื่ง อ เช๊ละ นอ เกม๊า อางฆวี่ง ท่อง อ ละเพา อางฆวี่งโบง ทฆีง พี่ โอ พ้า พ้า นอ ปะ

เอเซเคียง 24:6

“อกย้องบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง ท เซงทื่งเฌ๊ฌ้อง แบ เว่ง พี่ แบโจ ดี๊ ทซวีง เมะเว๊ พ้า พี่ อ พ้า แย๊โค๊ ทางอี ดี๊ ท ทางอี นอ, ล ล้างกลุ้ไฆวะ แบ เกม๊า แม้นี่ ทแย พ๊าลองๆ ล แบ อางลึ ดี๊ ท พอง ไละพู พ้ะดุ้ เท่อ แบ

นาฮูง 3:1

ท เซงทื่งเฌ๊ฌ้อง แบ เว่ง พี่ แบอ้าแบซ๊าง ดี๊ ทซวีงทเซ๊ง โอฆวี้ ดี๊ ท คีงอูง, ดี๊ ท ตมละ ทฆ้าทโฆ่ ล โอโท๊ไฆวะ ดี๊ ท อางฆื๊ง แชอาง แบ

ฮาบากุ้ 2:12

“ท เซงทื่งเฌ๊ฌ้อง แบ โพล้ง พี่ ไต้ทาง เว่ง ดี๊ ทซวีง ดี๊ ช๊างล้าง ตางทาง เว่ง ดี๊ ทอ้าทซ๊าง

2​เทซาโลนีเก 1:8

กแช่ เยซู คริ้ ม แม้ เตา แม้ แต๊ โพล้ง ลู่ง อ ล ฮะ นี่ กแช่ แยว้ แบ, ดี๊ ล คุ้ช๊องแน ท ฌี้ อ ไฌ่ แบฆ้ะ ดี๊ ก กแช่ เยซู คริ้ นอ แบ

ยูด้ะ 1:7

นาง แบ-อ้ะ เฌง โซโดง ดี๊ โกโมรา ดี๊ เฌง อ เบ้า อ เท่ง, กเย่ โพล้ง ลู่ง เฌง พ้า ล แพ นอ, แม้ ท อ้า บี่ ซุ้ ท มุ้คู พู ล เอ้า นอ แม้ เว๊ ปะ, เมะ เว๊ แม้ กแม มืง กแม แคว๊, ดี๊ แม้ กแม เท่อ พะ ไฆวะ น้ะ กชุ้, ท บี่ นอ อซื๊งเว๊ แบ น้ะ แบ โน๊ง ลู่ง มี อ้า พ้า ล้างชู้ ล้างแกย, อ นอ เก ท อ ด้อง ลู่ง โพล้ง กุ้ อ แฌ้ อ ฌ่าง

ท​เน​โพล​ทาง 14:20

ซไบ้ะ แซ นอ แบ ท ไย่ นี่-อ้ะ ลู่ง เว่ง โคล๊ง, ฌ้อง ท ซวีง ลู่ง ท ไย่ นี่ อ ล่าง นอ แยว้ ล้าง ไย้ โยะ เมาะ อ กีโล ซ๊า แย้, เมะ อ โยะ ล โค๊ นอ เมาะ ลี่ง แพล่

ท​เน​โพล​ทาง 16:19

เว่ง พ้ะดู อางน้าง พ้ะ อ ซ้ะ ซ๊า โป้ง, เว่ง กุ้ อ ที๊ง อ ค่าง แบ ท แม้ เฌ๊ฌ้อง ไฆวะ-อ้ะ, กแช่ แยว้ นาง แบ ไท้ เว่ง บาบีโลง ดี๊ เกม๊า โอ้ เว๊ ซไบ้ะ แซ ที๊ง ลู่ง อ โล๊ง พ้า, ซไบ้ะ แซ ที๊ง นอ เมะ เว๊ กแช่ แยว้ อ ท ซ้ะทาง พ้ะดู

ท​เน​โพล​ทาง 16:6

อ ไฌ่ บี่ อี้ง อซื๊งเว๊ซีง แม้ ซี๊ง น พู น ลี้ง, ดี๊ แม้ ซี๊ง โม ไคล้ คิ้ กแช่ แยว้, ท บี่ นอ น เกม๊า อซื๊งเว๊ โอ้ ก้ะ ท ซวีง, อ นอ เกิ้ง ดี๊-อ้ะ เย้า”

ท​เน​โพล​ทาง 21:8

แบเด้าะ เมะ โพล้ง อ ซ้ะ ซยืง, โพล้ง ล ชู่ง ล นะ กแช่ เยซู แบ, โพล้ง ล้างลุ้ ล้างเช้, โพล้ง แม้ ซี๊ง โพล้ง, โพล้ง แม้ กแม มืง กแม แคว๊, โพล้ง เจ่ ท อูง ท โป้, โพล้ง แบ้ ทาง ท เค่ง ท ฌ้าง, ดี๊ โพล้ง กุ้ อ แฌ้ พี่ อ ไคล้ คีงอูง เท่อ, ท ล่าง ลู่ง อ ซื๊ง เว๊ อ ฌ่าง นอ, เมะ เว๊ มี พี่ อ เค้ ทาง ดี๊ ท ซ อวี้ง น๊า ม๊าง พ้า, อ นอ เมะ เว๊ ท ซี๊ง คี๊ง พ๊า ล พ๊า นอ ล้อ”