เอเซเคียง 23:3 - Northern Pwo Karen Thai Bible

³ อ เว๊ คี๊ง แฌ้ นอ, แม้ อ ซ้ะ เก เค๊เซ๊มืง ลู่ง อีไย้ะ พ้า, อ เว๊ แม้ อ ซ้ะ เก เค๊เซ๊มืง, ล โค๊ ลู่ง อ มืงน้าง แค๊ เย้า, พี่ นอ อ เว๊ อ นู่ง คี๊ง แพ้ แบ ท ได้ะเด้า, ดี๊ อ นู่งคี๊ง เช๊งเกล้ง นอ แบ ท พองแบต้องแบ-อ้ะ

เอเซเคียง 23:3 교차 참조

เยเรมี 3:9

เป๊งนี่ อ แคว่ เว๊ อ ท เอโบ้งเอพะ แช่ น้ะ ได้ะ นอ, อ เว๊ ดึ้ เกม๊า ที๊งล่างค่างพ้า แบอ้าแบซ๊าง ลู่ง ท ลี้ เอโบ้งเอพะ ดี๊ ไล๊ ดี๊ เซง มื่งเทิง

เอเซเคียง 16:15

“แบเด้าะ น อางกีล้าง ซ้ะ ลู่ง น ทฌี้ทแอว้ พ้า, ดี๊ น โละกวี้ เอโบ้ง เท่อ ลู่ง น เม้งลื้อแซท้อง อกย้อง, น เอโบ้ง เท่อ ดี๊ โพล้ง กุ้แฌ้ พี่ อ เฌ๊แพ๊ แน้, ดี๊ น เก โพล้ง ล แฌ้ นอ อ เท่อ ล้อ

เอเซเคียง 16:22

ดี๊ ลู่ง น ท ล้าง ซ้ะลูซ้ะไล้ะ พ้า, ลู่ง น ท โละกวี้ เอโบ้ง เท่อ อ พ้า นอ, น ล นี่ นางแบเย้แบ อช๊าอโท่ พี่ น เก พืงแซ ได้ะ, ล พ๊า แย๊ พี่ น โอ โปล้ปลิ้ ดี๊ โบลงโกง, ดี๊ ว้ะ เก้าะแล้ะๆ, โอ ลู่ง น ซวีง พ้า อู้ง นอ แบ

เอเซเคียง 20:7

ดี๊ ก โล้ เอะ-อ้ะ บี่อี้ง, ‘น ซื๊งเว๊ ล แฌ้ๆ, นอ, เกม๊า ญ๊องไฆวะ ท พี่ อ ล้าง ซ้ะลูซ้ะไล้ะ, พี่ น เมะคลี๊ง แคว่ท๊าง-อ้ะ นอ, แม้ แบอ้า ล้าง น ซ้ะ ดี๊ อีไย้ะ อ ทเค่งทฌ้าง ล ฌี้, เฆ้อ เมะเว๊ ยาเว, น ซื๊ง อ กแช่แยว้ ล้อ’

เอเซเคียง 20:8

แบเด้าะ อ ซื๊งเว๊ ลแพ นอ, กไบล้ะ ดี๊ เฆ้อ, ดี๊ ล ญ่อง ชู่ง เฆ้อ แบ, อ ซื๊งเว๊ ซีง ลแพ, ล นี่ ญ๊องไฆวะ ท ล้าง ซ้ะลูซ้ะไล้ะ พี่ กุ้แฌ้ อ เมะคลี๊ง แคว่ท๊าง เว๊ นอ แบ, ดี๊ อ ซื๊งเว๊ นอ, ล นี่ ญ๊องไฆวะ โพล้ง อีไย้ะ อ ทเค่งทฌ้าง แบ “ฌ้อง นอ ก โล้ เอะ-อ้ะ บี่อี้ง, ก ม แม้ไจทาง ก ทซ้ะทาง ลู่ง อ ซื๊งเว๊ อ คูด้าง, ดี๊ เกม๊า ก ท ซ้ะทาง พ้ะดู พี่ โอ ดี๊-อ้ะ นอ, ไจทาง ท่อง อ เลา ลู่ง ค่าง อีไย้ะ อซุ้อแกล้

เอเซเคียง 23:19

ทึเมะ บี่ นอ ฌี้ นอ, อ เว๊ แม้ อ ซ้ะ เก เค๊เซ๊ มืง แอทาง ได้ะ, ลู่ง ท นางแบทางไท้ ล ว๊าง แย๊ พี่ อ มืงน้าง ได้ะ, พี่ อ เว๊ แม้ อ ซ้ะ เก เค๊เซ๊ มืง, โอ ลู่ง ค่าง อีไย้ะ พ้า อู้ง นอ

เอเซเคียง 23:21

ดี๊ น ย้าแบย้าดุ้ ท ซ้ะกวี้งล๊องก้อง แอ ลู่ง ท มี๊งฆึ พ้า, ลู่ง น มืงน้าง ได้ะ อ แค๊ อู้ง, พี่ โพล้ง อีไย้ะ พองแบต้องแบ น ซ้ะแน๊, ดี๊ ได้ะเด้า น นู่งคี๊ง

เอเซเคียง 23:34

น ม โอ้ ดี๊ โอ้ ท่อง อ เลาเช๊ง น ม แม้ เท้พ้ะ โท๊กีง เก ล ไก้ๆ ดี๊ ซย๊างยะไฆวะ น ซ้ะแน๊ เมะเว๊ ก นี่ ไคล้ล้าง เย้า”, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 23:4

อ น่าง ล แฌ้ นอ, อ เม้ง โอโฮลา, ดี๊ อ พื่ง มืง นอ, อ เม้ง โอโฮลีบา, คี๊ง แฌ้ นอ เก ก เท่อ, คี๊ง แฌ้ นอ กึทาง นี่ พูแคว๊ พูมืง, แบฆ้ะ ดี๊ อ เม้ง นอ, โอโฮลา เมะเว๊ ซมาเรีย, ดี๊ โอโฮลีบา นอ เมะเว๊ เยรูซเลง

เอเซเคียง 23:43

“เฆ้อ ก ไจ้ะ บี่อี้ง, น เก โพล้ง พี่ ล้างไย้ะล้างไฆ๊ ดี๊ ท เอโบ้งเอพะ, อ ซื๊งเว๊ ลแพ นอ, โละกวี้ เอโบ้ง เท่อ ดี๊-อ้ะ ได้ะ

เอเซเคียง 23:8

อ เว๊ ล นี่ โอโท๊ไฆวะ ดี๊ ท โละกวี้ เอโบ้ง เท่อ, พี่ อ นี่ แม้ เว๊ ล โค๊ ลู่ง ล พ๊า แย๊ อ โอ อีไย้ะ พ้า เย้า นอ แบ, เมะเว๊ พี่ อ มืงน้าง ได้ะ อู้ง นอ, โพล้ง มี๊งฆึโอฆึ ดี๊-อ้ะ, ดี๊ พองแบต้องแบ อ นู่งคี๊ง เช๊งเกล้ง, ฌ้อง อ ซื๊งเว๊ ลู๊งล้าง อ ท ซ้ะกวี้งล๊องก้อง ลู่ง อ เว๊ อล้องอย่าง คู

โฮเชยา 1:2

พี่ กแช่ยาเว ไคล้ เฌ๊ เว๊ ดี๊ โฮเชยา อ ต้องคู ล พ๊า นอ, กแช่ยาเว ไคล้ ดี๊ โฮเชยา ไจ้ะเว๊, “ลี้-เซ้อ, ลี้ ฮะนี่ กมืง มะแคว๊, เฌ๊ เก น แม๊, ดี๊ ทางพู เอโบ้ง ดี๊ อ เว๊, เมะเว๊ ที๊งล่างค่างพ้า อี้ง เอโบ้ง เท่อ น้ะ มะ, ลู่ง ท ญ๊องไฆวะ กแช่ยาเว อ กย้อง”

โฮเชยา 2:15

ก ม เกม๊า อ โซ๊ง ซไบ้ะแซ โอ พี่ นอ ดี๊ ดึ้ เกม๊า ทลู่ง อาโค อ คางไท้ะ เก ป้ะตู๊ง ทมื้งแล่ ฌ้อง อ เว๊ ม ไคล้ช๊า เท่อ ด้องซุ้ ล ว๊าง แย๊ พี่ อ มืงน้าง ได้ะ อู้ง ด้องซุ้ ล ว๊าง แย๊ พี่ อ เว๊ ไจทางไฆวะ ค่าง อีไย้ะ พ้า”

เลวี​อ​ไฌ่ 17:7

อซื๊งเว๊ ล แบ แม้ซี๊ง ทพูแฆ่, ลื่งทาง ทวี๊งทแน แมะ พี่ อ ทื๊งแบนะแบ เว๊ นอ ล้าแบ, เกม๊า ท ล ไฌ่ อี้ง, เก ทอเค้อะอต้าง ลู่ง อซื๊งเว๊ อ ฌ่าง, ท้อง อ พูชู้ ลี้งชู้ ล้างชู้ล้างแกย ล้อ

โล้​ล้างที๊ง​ทอางแม้เลา 29:16

“น ซีงแฌ๊ เย้า ก โอ ลู่ง ค่าง อีไย้ะ พ้า บี่จะเล้, ดี๊ ก แพ๊ แบ โพล้ง ค่าง พ้า อซุ้อแกล้, พี่ น ซื๊ง พะไฆวะ พ้องไฆวะ-อ้ะ นอ บี่จะเล้

โยชูวา 24:14

“ทบี่นอ, ม๊า ดู้งแบยางแบ กแช่ยาเว ดี๊ แม้ เอะ อ เท่อ ดี๊ ทเซิงเท่งซ้ะโต้ ดี๊ ทโต้ทล้อง, เกม๊า น ญ๊องไฆวะ ทกโช้งกแช่ พี่ น พี๊ง น พู๊ง ลู่ง แย๊ โบงทางแบ้ทาง เว๊ ลู่ง ที๊ง กล้อง พ้าไท้ะ อ มื่ง ทาง ล โค๊, ดี๊ ลู่ง ค่าง อีไย้ะ พ้า อู้ง นอ ไวะ, เกม๊า น แม้ เอะ กแช่ยาเว อ เท่อ นอ ล้อ

ท​เน​โพล​ทาง 11:8

อซื๊งเว๊ อ จู นอ ม โอ ลู่ง เกล้ เว่ง พ้ะดู พ้า ล จอง นอ, เมะ เว๊ เว่ง พี่ อ กแช่ เยซู แบ ท แพล้ ทาง-อ้ะ, เว่ง ล จอง นอ อ เม้ง แบ ทอางด้องล้าง ดี๊ เฌง โซโดง ดี๊ ค่าง อีไย้ะ