เอเซเคียง 22:3 - Northern Pwo Karen Thai Bible

³ เกม๊า น โล้ บี่อี้ง, ทอดูทึโท๊ทึกแช่ยาเว ไจ้ะเว๊ บี่อี้ง, อ อี้ง เก เว่ง พี่ ดึ้ เกม๊า ทซวีง ล้าง โอ ลู่ง เว่ง นอ อ พ้า, ท อางกีล้าง อช๊าอโท่ ลู่ง เว่ง อ ฌ่าง นอ, เฌ๊ ท้อง เย้า, เว่ง พี่ ไต้ทาง ทเค่งทฌ้าง, ดึ้ เกม๊า อ กแช่ แบอ้าแบซ๊าง

เอเซเคียง 22:3 교차 참조

2​กจุ้แฆว้ 24:3

เต้ๆ, นอ, พี่ ทแม้ อ ซ้ะ บี่อี้ง นอ กึทาง ดี๊ ยูดา, แบด้องซุ้ กแช่ยาเว อางแบเลา เว๊ นอ, บี่ซุ้ ม แม้นี่ อ ซื๊งเว๊ ไจทาง ท่อง พ้องไฆวะ ดี๊ อ เมะ, เป๊งนี่ กเย่ มานาเซ อ ทเด้บ้ะ อ กย้อง, บี่ซุ้ดี๊ ทกุ้เม้ง พี่ อ นี่ แม้ เว๊

2​กจุ้แฆว้ 24:4

ดี๊ เป๊งนี่ ลู่ง อ เว๊ แม้ล้าง ทซวีง, พี่ อ ทไพ้ะทแม ล โอ แบ นอ อ กย้อง ปะ, เมะเว๊ อ เว๊ ดึ้ เกม๊า เว่ง เยรูซเลง พ้า นอ, โอ ฆวี้ทะ ดี๊ ทซวีง พี่ อ ทไพ้ะทแม ล โอ แบ, ดี๊ กแช่ยาเว ล แพล่ไฆวะ เว๊ แบ

ทอางปฆ้า 106:39

อเว๊ เก โพล้ง ลเช๊งลเกล้ง แบ, ลู่ง อ ทไพ้ะทแม้ อกย้อง ดี๊ แม้อซ้ะ ด้องซุ้ เค๊เซ๊มืง, ลู่ง อ ทไพ้ะทแม้ พ้า

อีซยา 1:21

เว่ง พี่ อโต้อล้อง เกทาง ก้ะ เว่ง ท เอโบ้งเอพะ เย้า อ เว๊ โอ แบ ฆวี้ ดี๊ ท อเกิ้งอแบ ทแบกแช่แยว้อซ้ะ โอไปว้ะ แบ ลู่ง อ พ้า แบเด้าะ ค๊องเนงอี้ง โอ ที่ โพล้ง แม้ซี๊งอางแช๊ เท่อ

เอเซเคียง 12:25

แบเด้าะ เฆ้อ, ยาเว ม ไคล้ ท พี่ ก ม ไคล้, ดี๊ ทไคล้ นอ ม แบ เกทาง อ ซ้ะ บี่ นอ ล ไยะ ล โกย้ ล้าแบ, ดี๊ ลู่ง น ซื๊ง อ ชู้ พ้า, ชื้อชะ พี่ อ เฌา กไบล้ะ-เอ้อ, ก โล้ล้าง เย้า, ก ม แม้-อ้ะ บี่ นอ”, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 22:2

“ดี๊ แน้, กโพล้ง อ พู-เอ้อ, น ม ต้ะเซ๊ง เท่อ โบ่?, น ม ต้ะเซ๊ง เว่ง พี่ แบอ้า ดี๊ ทซวีง นอ-อ้า?, ทบี่นอ, น แบ เกม๊า เว่ง นอ, ซีงแฌ๊ แบฆ้ะ ดี๊ อ ท ล้าง ซ้ะลูซ้ะไล้ะ เลาพะ

เอเซเคียง 22:27

ท อคูอแน่ ลู่ง ค่าง พ้า ลแพ นอ, เก บี่ซุ้ดี๊ ทวีงเม้ง พี่ ซย๊าง อ แชอาง, ดึ้ เกม๊า ทซวีง ล้าง, แม้ เฌ๊ฌ้อง ทม๊า, บี่ซุ้ ม แม้นี่ ท อ โพ๊ ลู่ง ออ้าอซ๊าง

เอเซเคียง 22:4

น โอ ดี๊ ทอ้าทซ๊าง ลู่ง ทซวีง อกยอ้ง, พี่ น แม้ล้าง-อ้ะ นอ, ดี๊ น เก ทแบอ้า ลู่ง ทเค่งทฌ้าง พี่ น ไต้ทาง-อ้ะ นอ อกย้อง, ดี๊ น เฌ๊ฌ้า น มื่งนี้ง อช๊าอโท่ เฌ๊ฆ้าง เบ้า, น เนง น แล้ อช๊าอโท่ นอ เฌ๊ ท้อง, อกย้องบี่นอ, ก ดึ้ เกม๊า น เก ทไคล้ ไฌ๊ซ้ะ ลู่ง โพล้ง กุ้ชื้อกุ้ชะ อซุ้อแกล้, ดี๊ เก กุ้ที๊งกุ้ค่าง อ ทดึ้เดวทื่งแช้

เอเซเคียง 22:6

“อี้งเซ้อ, อีซลาเอง อคูอแน่ พี่ โอ ดี๊ แน้, ล แฌ้ๆ, นอ ฌู้ฆ้าง ลู่ง เกล้ พี่ ดึ้ เกม๊า ทซวีง ล้าง ดี๊ อดู้งอยาง

เอเซเคียง 23:37

อไฌ่บี่อี้ง, น ซื๊ง เว๊ นี่ เอโบ้งเอพะ เท่อ, ดี๊ ทซวีง นอ โอ ลู่ง อ จูง พ้า, อ ซื๊ง เอโบ้ง เท่อ ดี๊ อ ทเค่งทฌ้าง, ดี๊ อ เทว๊ พูแคว๊ อ กึทาง นี่ เอะ เฆ้อ นอ, ลู่ง ท ไจ มีอ้า พ้า อ ฌ่าง, เก ทเค่งทฌ้าง ลแพ นอ อ ทอาง ปะ

เอเซเคียง 23:45

แบเด้าะ โพล้งแบกแช่แยว้อซ้ะ ม ต้ะเซ๊ง อ ซื๊งเว๊ ดี๊ ทไคล้ ต้ะเซ๊ง เท่อ, พี่ อ เกิ้ง ดี๊ กมืง เอโบ้งเอพะ เท่อ, ดี๊ ทไคล้ ต้ะเซ๊ง เท่อ พี่ เกิ้ง ดี๊ กมืง พี่ อ แม้ล้าง ทซวีง, เป๊งนี่ อ เว๊ เก กมืง เอโบ้งเอพะ เท่อ, ดี๊ อ จูง นอ แบอ้า ดี๊ ทซวีง

เอเซเคียง 23:7

อ เว๊ โละกวี้ เอโบ้ง เท่อ ดี๊ โพล้ง ลแพ อี้ง, พี่ เก อะซีเรีย อ โพล้ง ลู่ง อ ฌี้ ทึ กุ้แฌ้, ดี๊ อ เว๊ นอ แม้ แบอ้า ล้าง อ ซ้ะ ดี๊ โพล้ง กุ้ แฌ้ อ ทเค่งทฌ้าง พี่ อ เว๊ อ เซิงไต้ะซ้ะไต้ะ นอ

เอเซเคียง 33:25

อกย้องบี่นอ, เกม๊า โล้ เอะ อ ซื๊งเว๊ ลแพ นอ บี่อี้ง, ทอดูทึโท๊ทึกแช่ยาเว ไจ้ะเว๊ บี่อี้ง, น อาง ทแย ล พ๊าฆ่าง ดี๊ ทซวีง, น บุ้ทาง เมะ แคว่ทาง ลู่ง น ทเค่งทฌ้าง, ดี๊ แม้ล้าง ทซวีง, ฌ้อง น ม แม้ก้ะ ฌางคูล่าง อี้ง ได้ะ โบ่?

เอเซเคียง 9:9

ฌ้อง นอ กแช่แยว้ ไคล้ ดี๊ แย้ ไจ้ะเว๊, “อีซลาเอง ดี๊ ยูดา อชื้ออชะ อ ทเด้บ้ะ โอ แอ น้ะมะ, ที๊งล่างค่างพ้า นอ โอ ฆวี้ ดี๊ ทซวีง, ดี๊ ท ลเกิ้งลแบ แบ โอ ฆวี้ เว่ง, เป๊งนี่ อ ซื๊งเว๊ ไจ้ะเว๊ ‘กแช่ยาเว ญ๊องไฆวะ ค่าง อี้ง เย้า, ดี๊ กแช่ยาเว ล แคว่ เว๊ ล้า แบ’

มีคา 3:10

โพล้ง พี่ ไต้ทาง ซีโยง ดี๊ ทซวีง ดี๊ ไต้ทาง เยรูซเลง ดี๊ ท ลเกิ้งลแบ แบ

เซฟางยา 3:3

ท อคูอแน่ ซีง ลแพ, พี่ โอ เว่ง พ้า อี้ง นอ เก บี่ซุ้ดี๊ คี๊ยื่ง พี่ กุ้ซย้ะ อ โคะ อ โพล้งต้ะเซ๊งเท่อ นอ, เก บี่ซุ้ดี๊ ทวีงเม้ง ลู่ง มื่งแฌล้างโค๊ พี่ ล ญ่อง เกม๊า ท โอ ล้างลื๊อ ท้อง ลู่ง โฌ้โค๊ น่างเม้ง แบ

โรมา 2:5

แบเด้าะ น แน่ ตาง ล ญ่อง เปลง ไท้ ซ้ะ แบ, ท บี่ นอ, น อางกี ซยอง น เตา น แต๊ แอ ทาง, ท้อง ล นี้ง แย๊ กแช่ แยว้ ม แม้ เตา แม้ แต๊ เท่อ, ดี๊ ม เนโพล ทาง อ ท ต้ะเซ๊ง ลู่ง อ เกิ้ง อ แบ ล้างที๊ง ล้างช้ะ

2​เปโต 2:3

ลู่ง คู กไบล้ะ แน่แฌ่ แน่ท้า เท่อ อ กย้อง นอ, อซื๊งเว๊ ม ช๊องมอง ทาง นี่ ท อ ไฌ่, ฌ้อง อางโล๊ไท้ เอะ น ซื๊ง, บี่ ซุ้ ม แม้ เท่อ พี่ อ ล้างเปิ่ง ลู่ง อ ฌ่าง, แบเด้าะ กแช่ แยว้ พี่ อ เก โพล้ง ต้ะเซ๊ง เท่อ, ดี๊ แม้ เฌ๊ฌ้อง เท่อ ล แฌ้ นอ, แด้ เว้ อ ซ้ะ ไยะ เย้า พี่ ม แม้ เตา แม้ แต๊ แบ อซื๊งเว๊