เอเซเคียง 18:4 - Northern Pwo Karen Thai Bible

⁴ อี้งเซ้อ, ทม๊า เลาพะ นอ เก ก เท่อ, แพ่ อ ทม๊า เก ก เท่อ, ด้องซุ้ พี่ พู อ ทม๊า นอ เก ก เท่อ, ทม๊า พี่ แฌ้ เล้ พี่ แม้ ทเด้บ้ะ นอ, ม แบ ซี๊ง ล้อ

เอเซเคียง 18:4 교차 참조

2​กจุ้แฆว้ 14:6

แบเด้าะ ล แม้ซี๊ง เว๊ อ พู อ ลี้ง แบ, บี่ซุ้ดี๊ ทกวิ้ล้าง เว๊ ลู่ง โมเซ อ ไละ ทอางแม้เลา พ้า, พี่ กแช่ยาเว อางแบเลา เว๊ ไจ้ะเว๊, “แม้ซี๊ง แพ่ ลู่ง อ พู อ ลี้ง อ ทแม้ อ กย้อง ล ฌี้, ดี๊ แม้ซี๊ง พู ลี้ง ลู่ง อ แพ่ อ ทแม้ อ กย้อง ล ฌี้, ล แฌ้ๆ, นอ, แบ ซี๊ง ลู่ง อ กแช่ อ ทเด้บ้ะ อ กย้อง นอ ล้อ”

โยบา 21:20

เกม๊า อ ซื๊ง เมะ อ คลี๊ง แด ล้างไท้ อ ทเซงทื่งเฌ๊ฌ้อง ดี๊ เกม๊า อ โอ้ กแช่แยว้ พี่ โอ ดี๊ อดู้งยางซยื๊งซย้องแอทึ นอ อ ทซ้ะทาง

โยบา 8:4

น พู เมะ แม้ ทเด้บ้ะ แบ กแช่แยว้ นอ กแช่แยว้ ม อางกีล้าง อ ซื๊งเว๊, ลู่ง อ ทลือค๊างพะ เท่อ อดู้งอยาง พ้า

อีซยา 42:5

กแช่ยาเว กแช่แยว้ โพล้ง พี่ อ ไต้ล้าง ทมุ้คู ดี๊ เชิ่งทะ เว๊ โพล้ง พี่ อ แด้ล้าง ทาง ฌางคูโคล๊งคู ดี๊ ท พี่ อ กึทาง นี่ ดี๊ ฌางคูโคล๊งคู โพล้ง พี่ เกล๊าง เอะ โพล้งเฌงพูฆ๊างพู ลู่ง ฌางคูโคล๊งคู ลี้ง แซทางแซล้าง ดี๊ เกล๊าง เอะ โพล้ง พี่ โอม๊าโอว้ะ ลู่ง ฌางคูโคล๊งคู วีงแล้ ไจ้ะเว๊ บี่อี้ง

อีซยา 57:16

เมะเว๊ ก ล ดึ้ เท่อ ล้างชู้ล้างแกย-อ้า ซ้ะทาง เท่อ ครึๆ-อ้า แบ เมะเว๊ วีงแล้ ม ซ้ะนางซ้ะไพล้ อ ซ้ะ ลู่ง ก เมะแซ พ้า เมะเว๊ ทม๊า ซีง ลแพ พี่ ก ไต้ล้าง เว๊ นอ ล้อ

เยเรมี 31:30

แบเด้าะ โพล้ง กุ้แฌ้ ม แบ ซี๊ง ลู่ง อ กแช่ อ ทเด้บ้ะ อกย้อง, กโพล้ง กุ้แฌ้ พี่ อาง ซไบ้ะแซ ไช นอ, อ แซว๊ ม เฆ้ง ล้อ”

เอเซเคียง 18:20

โพล้ง พี่ อ กแช่ แม้ ทเด้บ้ะ นอ, ม แบ ซี๊ง ล้อ, พู ล แบ ฮะนี่ อ แพ่ อ ทเด้บ้ะ อเตาอแต๊ แบ, แพ่ ล แบ ฮะนี่ พู อ ทเด้บ้ะ อเตาอแต๊ แบ โพล้งแบกแช่แยว้อซ้ะ ม ฮะนี่ อ ทฌี้ทแอว้ อซูงอแซ, ดี๊ โพล้งอ้าโพล้งซ๊าง ม ฮะนี่ อ ทอ้าทซ๊าง อซูงอแซ ล้อ

เอเซเคียง 18:3

ทอดูทึโท๊ทึกแช่ยาเว ไจ้ะเว๊, ก โอม๊า ล้างเท่งล้างชิ้ ได้ะ บี่จะเล้ นอ, น ซื๊งเว๊ ซีง ลแพ, ล เจ่ ทอางด้อง อี้ง, ลู่ง อีซลาเอง พ้า ล้า แบ

เอเซเคียง 18:5

“โพล้ง พี่ แฌ้ เล้, เมะ เก โพล้งแบกแช่แยว้อซ้ะ, ดี๊ แม้ ท อเกิ้งอแบ, ดี๊ แม้ ทฌี้ทแอว้

เอเซเคียง 3:18

ก เมะ โล้ เอะ โพล้งอ้าโพล้งซ๊าง บี่อี้ง, ‘น ม แบ ซี๊ง เต้ๆ, ล้อ’, ดี๊ น ล นี่ โล้ เอะ-อ้ะ แบ-อ้า, ล นี่ โล้ แบ ซีงแฌ๊ โพล้งอ้าโพล้งซ๊าง เกม๊า อ ไจแดไฆวะ อ เกล้อ้าเกล้ซ๊าง, บี่ซุ้ ม แม้ช้า อ ทม๊า, โพล้งอ้าโพล้งซ๊าง นอ ม ซี๊ง เป๊งนี่ ลู่ง อ ท เด้เทาเด้บ้ะ อ กย้อง, แบเด้าะ อ ซวีง นอ ก ม กุ้นี่ไท้ ดี๊ น จูง

เอเซเคียง 33:8

ก เมะ โล้ เอะ โพล้งอ้าโพล้งซ๊าง บี่อี้ง, ‘โอ้, โพล้งอ้าโพล้งซ๊าง-เอ้อ, น ม แบ ซี๊ง เต้ๆ, ล้อ’, ดี๊ น ล นี่ โล้ ซีงแฌ๊ โพล้งอ้าโพล้งซ๊าง, เกม๊า แกยไฆวะไท้ อ ซ้ะ ดี๊ อเกล้อพ้า แบ นอ, โพล้งอ้าโพล้งซ๊าง ล แฌ้ นอ, ม แบ ซี๊ง ลู่ง อ ทไพ้ะทแม อกย้อง ล้อ, แบเด้าะ ก ม แม้เตาแม้แต๊ แน้ ลู่ง อ เว๊ อ ซวีง อไฌ่อกย้อง ล้อ

เซคารียา 12:1

กแช่ยาเว อลู่งอแท๊ แบฆ้ะ ดี๊ อีซลาเอง อ ไฌ่, กแช่ยาเว พี่ อ เชิ่งทาง ทมุ้คู, ดี๊ อางกีล้าง ฌางคูโคล๊ง อ คางไท้ะ, ดี๊ ไต้ล้าง วีงแล้ เกม๊า โอ ดี๊ กโพล้ง ไจ้ะเว๊

เกล้​ท​ซ้ะวี่ง 16:22

อ เว๊ คี๊ง แฌ้ นอ ซย๊องล้าง อ เมะ ดี๊ ไจ้ะเว๊, “กแช่แยว้ พี่ อ เก กโพล้ง กุ้ แฌ้ อ วีง อ แล้-เอ้อ, พี่ โพล้ง แม้ ไพ้ะ แบ เท่อ ล แฌ้ ล้อ นอ, น ม ซ้ะทาง ดี๊ โพล้ง น๊างมู๊ง เลาพะ โบ่?”

เกล้​ท​ซ้ะวี่ง 27:16

“เกม๊า กแช่ยาเว ลู่ง กโพล้ง กุ้ แฌ้ อ วีง อ แล้ อ กแช่แยว้ นอ, อางลึนี่ โพล้ง แคว๊ ล แฌ้ ต๊างทาง-อ้ะ ม๊า อ โอ ลู่ง โพล้ง น๊างมู๊ง อี้ง อ พ๊างคู ไช้ะ

โรมา 6:23

อ ไฌ่ บี่ อี้ง ท เด้บ้ะ อ แซ เมะ เว๊ ท ซี๊ง, แบเด้าะ กแช่ แยว้ อ ท เกล๊าง โปล้ นอ, เมะ เว๊ ท ม๊า ล้างชู้ ล้างแกย, พี่ ก โอ ลู่ง ก กแช่ เยซู คริ้ อ ซุ้ นอ ล้อ

กาลาเต 3:22

แบเด้าะ ไละ ฌี้ ไละ แอว้ โล้ เว๊ โพล้ง ฌางคู คู กุ้ อ แฌ้ อ ซ้ะ โอ ดี๊ ท เด้บ้ะ, ท บี่ นอ, ท เกล๊าง พี่ กแช่ แยว้ เอิ้งล้าง เว้ เอะ โพล้ง ลู่ง อ ชู่ง กแช่ เยซู คริ้ นอ, ม เกล๊าง เอะ โพล้ง พี่ อ โอ ดี๊ ท ชู่ง ท นะ นอ ล้อ

โล้​ล้างที๊ง​ทอางแม้เลา 24:16

“เกม๊า แพ่ ฮะนี่ คิ้ อ พู อเตาอแต๊ ท้อง อ ซี๊ง ล ฌี้, ดี๊ เกม๊า พู ฮะนี่ คิ้ อ แพ่ อเตาอแต๊ ม ท้อง อ ซี๊ง ล ฌี้, เกม๊า โพล้ง กุ้ แฌ้, ฮะนี่ เตาแต๊ ท้อง อ ซี๊ง, ลู่ง อ กแช่ อ ทเด้บ้ะ อกย้อง นอ ล้อ

ฮีบรู 12:9

โอ ล เม้ง ได้ะ, ก แพ่ ลู่ง ฌางคู โคล๊ง คู โอ กุ้ อ แฌ้, อซื๊งเว๊ แม้ เตา แม้ แต๊ เฆ้อ, แบเด้าะ ก ทื๊ง แบ นะ แบ-อ้ะ ปะ, ท บี่ นอ, ก แบ ชาง ล้าง ก ซ้ะ ดี๊ ก แพ่ ลู่ง มุ้คู ล แฌ้ นอ เมาะ ท เล้, บี่ ซุ้ ก ม โอ ดี๊ ท ม๊า ได้ะ