3 ทอดูทึโท๊ทึกแช่ยาเว ไจ้ะเว๊, ก โอม๊า ล้างเท่งล้างชิ้ ได้ะ บี่จะเล้ นอ, น ซื๊งเว๊ ซีง ลแพ, ล เจ่ ทอางด้อง อี้ง, ลู่ง อีซลาเอง พ้า ล้า แบ
“กโพล้ง อ พู-เอ้อ, น ซื๊ง อ ทอางด้อง ล ไฌ่ อี้ง, พี่ ไคล้ แบฆ้ะ ดี๊ ค่าง อีซลาเอง ไจ้ะเว๊, ‘มื่งนี้ง ลแพ นอ ไย้ทาง เว๊, ดี๊ ทแดเว้ กุ้ ไฌ่ ล กึทาง แบ’, นอ อ โค๊ บี่จะเล้?,
อี้งเซ้อ, โพล้ง กุ้แฌ้ พี่ เจ่ ทอางด้อง นอ, ม เจ่ ทอางด้อง ลแพ อี้ง ดี๊ แน้, เมะเว๊, ‘มู่ แม้ อ ซ้ะ บี่จะเล้ นอ, พูมืง แม้ อ ซ้ะ บี่ นอ ล้อ’
“น ซื๊ง ซีง ลแพ ไคล้ อางด้อง เท่อ อี้ง, พี่ อ แบฆ้ะ ดี๊ ค่าง อีซลาเอง อ โค๊ บี่จะเล้?, เมะเว๊ พี่ ไจ้ะ บี่อี้ง, ‘แพ่ อาง ซไบ้ะ ไช, ดี๊ พู นอ อ แซว๊เฆ้ง’,”
“ทอดูทึโท๊ทึกแช่ยาเว ไจ้ะเว๊, โอ้, ชื้อชะ อีซลาเอง-เอ้อ, อกย้องบี่นอ, ก ม ต้ะเซ๊ง แน้ ล แฌ้ๆ, บี่ซุ้ดี๊ อ เกล้ แด เว๊, เกม๊า แกยไฆวะ ซ้ะ ดี๊ น ท ลือค๊างพะ กุ้เม้ง, ฌ้อง น ล แบท้า ล้างเทะเค้า ลู่ง ทเด้เทาเด้บ้ะ อกย้อง แบ
อี้งเซ้อ, ทม๊า เลาพะ นอ เก ก เท่อ, แพ่ อ ทม๊า เก ก เท่อ, ด้องซุ้ พี่ พู อ ทม๊า นอ เก ก เท่อ, ทม๊า พี่ แฌ้ เล้ พี่ แม้ ทเด้บ้ะ นอ, ม แบ ซี๊ง ล้อ
ก ซีงแฌ๊ เย้า ทอางแม้เลา กุ้ อ ทีง, แบฆ้ะ ดี๊ โพล้ง พี่ อ โอ เว๊ อ พ๊างละ, บี่ ซุ้ โพล้ง ไคล้ พ้อง ล้าง อ ซ้ะ ล ซี น่าง แฌ้ แบ, ดี๊ ม เกม๊า โพล้ง กุ้ อ แฌ้ ลู่ง ฌางคู โคล๊ง คู โอ ลู่ง กแช่ แยว้ อ ท ต้ะเซ๊ง อ พ๊างละ
