เอเซเคียง 11:12 - Northern Pwo Karen Thai Bible

¹² ดี๊ น ซื๊ง ม ซีงแฌ๊-อ้ะ, เฆ้อ เมะเว๊ ยาเว, น ซื๊ง ล นี่ แม้โพะ ก ท อเค้อะอต้าง อ ไค๊-อ้า, แม้โพะ ก ทอางกีล้าง อ ไค๊-อ้า แบ, แบเด้าะ นี่ แม้โพะ โพล้ง กุ้ชื้อกุ้ชะ, พี่ โอ วะ นฆูนฆ้อง ลแพ นอ อ ทอางกีล้าง อ ไค๊ ล้อ”

เอเซเคียง 11:12 교차 참조

1​กจุ้แฆว้ 11:33

เป๊งนี่ อ เว๊ ญ๊องไฆวะ แย้, ลี้ โบงทางแบ้ทางก้ะ อะโทเระ โพล้ง ไซดอง อ ทกโช้งกแช่, เคโม โพล้ง โมอา อ ทกโช้งกแช่, ดี๊ มีงโคง โพล้ง อางโมง อ ทกโช้งกแช่, ดี๊ ล ลี้ โพะ จ เกล้ แบ, ดี๊แม้ เท่อ พี่ จ แคว่-อ้ะ ล แบ จ เมะ แบ, ดี๊ ล แฌแซ จ ทอางกีล้าง, ดี๊ จ ทอเค้อะอต้าง ด้องซุ้ อ แพ่ ดาเว แบ

2​กจุ้แฆว้ 16:3

แบเด้าะ อ เว๊ ลี้ โพะ กจุ้แฆว้ ค่าง อีซลาเอง อ เกล้, ท้อง ลู่ง เกม๊า อ พูแคว๊ ไจ มีอ้า พ้า, แม้ เว๊ บี่ซุ้ดี๊ โพล้ง ลู่ง ค่าง พ้า ลแพ นอ อ ทแม้ พี่ อ ล้าง แช๊เมะไฌ๊ซ้ะ, พี่ กแช่ยาเว โฌ๊ไจไฆวะ เว๊, เกม๊า พ้องไฆวะ ดี๊ โพล้ง อีซลาเอง อ เมะ นอ

2​กจุ้แฆว้ 18:12

เป๊งนี่ อ ซื๊งเว๊ ล คุ้ช๊องแน กแช่ยาเว อ กแช่แยว้ นอ อ ลู่ง แบ, แบเด้าะ แม้ ไพ้ะ แบ กแช่แยว้ อ ทเอิ้งล้าง, เมะเว๊ แม้ ไพ้ะ แบ ทกุ้ อ เม้ง, พี่ กแช่แยว้ อ เพล่ โมเซ อางแบเลา เว๊ นอ, ดี๊ อ ซื๊งเว๊ซีง ล ช๊องแน เว๊ แบ, ดี๊ ล แม้โพะ เว๊ อ ไค๊ แบ

2​กจุ้แฆว้ 21:2

อ เว๊ แม้ ทอ้าทซ๊าง ลู่ง กแช่ยาเว อ เมะแซ พ้า เมะเว๊ แม้โพะ โพล้ง กุ้ที๊งกุ้ค่าง ลแพ นอ อ ทแม้ พี่ ล้าง แช๊เมะไฌ๊ซ้ะ อ ไค๊, พี่ กแช่ยาเว โฌ๊ไจไฆวะ เว๊, พ้องไฆวะ ดี๊ โพล้งเฌงพูฆ๊างพู อีซลาเอง ลแพ อ เมะ

2​กจุ้แฆว้ 21:22

อาโมง ญ๊องไฆวะ กแช่ยาเว, เมะเว๊ อ พี๊ง อ พู๊ง ลู่ง แย๊ อ กแช่แยว้, ดี๊ ล ลี้ โพะ กแช่ยาเว อ เกล้ แบ

2​กจุ้แฆว้ 21:9

แบเด้าะ อ ซื๊งเว๊ ล ช๊องแน แบ, ดี๊ มานาเซ แม้ฌ้า อ ซื๊งเว๊, เกม๊า อ แม้ ทอ้าทซ๊าง แอเละ กเย่ โพล้ง กุ้ที๊งกุ้ค่าง, พี่ กแช่ยาเว แม้เฌ๊ฌ้องไฆวะ เว๊, ม๊า พ้องไฆวะ ดี๊ โพล้งเฌงพูฆ๊างพู อีซลาเอง อ เมะแซ พ้า แม้ แบ เว๊ นอ ได้ะ

2ทกวิ้ไน 13:9

น ซื๊งซีง โฌ๊ไจทางไฆวะ กแช่ยาเว อ โพล้งลื่งเท่ออคู, เมะเว๊ อาโรง อ พู อ ลี้ง, ดี๊ โพล้ง เลวี ซีง นอ, ฌ้อง ต๊างทางนี่ โพล้งลื่งเท่ออคู ลู่ง น กแช่ อ ฌ่าง, ด้องซุ้ โพล้ง กุ้ อ ชื้อ ลแพ นอ แม้ เว๊, ล เมะ แบ-อ้า?, โพล้ง เล้ พี่ อ เฌ๊ โชะ งู้ บาง ดี๊ แกะ แพ๊ เนว๊ ดื้ง, แม้ ทไฌ่ อางกี ฌี้ ล้าง ซ้ะ นอ, ม เก แบ โพล้งลื่งเท่ออคู เอะ เท่อ, พี่ ล เมะ กแช่แยว้ แบ นอ เว๊

2ทกวิ้ไน 28:3

ดี๊ อ เว๊ เช้า ทน๊าม๊า ลู่ง ทลู่ง เบงเฮงโนง คางไท้ะ, ดี๊ เช้า กเย่ อ พูแคว๊ ลแพ นอ ดี๊ มี เก ทลื่งทาง, แม้ เว๊ ด้องซุ้ โพล้ง กุ้ที๊งกุ้ค่าง อ ทแม้, พี่ อ ล้างแช๊เมะไฌ๊ซ้ะ, พี่ กแช่ยาเว โฌ๊ไจทางไฆวะ เว๊, เกม๊า พ้องไฆวะ ดี๊ โพล้ง อีซลาเอง อ เมะ อ แน๊ นอ

2ทกวิ้ไน 36:14

โพล้งลื่งเท่ออคู อคูอแน่ ซีง ลแพ, ดี๊ กเย่ โพล้งเฌงพูฆ๊างพู อคูอแน่ นอ บี่ซุ้ๆ ล้อ, เมะเว๊ กุ้ อ แฌ้ นอ, ลโต้ลล้อง แบ น้ะมะ, อ ซื๊งเว๊ ลี้ โพะ โพล้ง ลู่ง ค่าง พ้า อ ท ล้าง แช๊เมะไฌ๊ซ้ะ ลแพ นอ อ ไค๊, ดี๊ อ ซื๊งเว๊ ซีง ลแพ แม้ แบอ้า กแช่ยาเวอล่างโอ ลู่ง เว่ง เยรูซเลง พ้า, พี่ กแช่แยว้ อางกี ฌี้ เว๊ เย้า นอ ล้อ

เอซรา 9:7

เฆ้อ ซีงลแพ อี้ง ก ทไพ้ะทแม โอ พ้ะดู, ล โค๊ ลู่ง กพี๊งกพู๊งลู่งแย๊ อ ชู้ แค๊ ท้อง กุ้ มื่ง นี้ง อี้ง, ดี๊ เป๊งนี่ ลู่ง ก ทเด้บ้ะ ลู่ง อ อ้า อ ซ๊าง อกย้อง นอ, เฆ้อ ซีงลแพ อี้ง, เลา ดี๊ ก กจุ้แฆว้, ดี๊ ก โพล้งลื่งเท่ออคู ซีงลแพ นอ, แบ ทอางกีล้าง ลู่ง กเย่ กจุ้แฆว้ ที๊งล่างค่างพ้า ลแพ นอ อ จูง พ้า, เกม๊า เอะ น้ะ, เกม๊า เอะ ทเก ทอฆ่อง, เกม๊า เอะ ท ตมละตเช, ดี๊ เกม๊า เอะ ทล้างไช้ะล้างย่อง ลู่ง อ น้ะทึ ด้องซุ้ กุ้ มื่งนี้ง อี้ง

เนฮะมี 9:33

แบเด้าะ กเย่ เท่อ พี่ อ กึทาง ดี๊ เฆ้อ ซีงลแพ นอ, กแช่แยว้ เก ทอเกิ้งอแบ, เมะเว๊ กแช่แยว้ แม้ เท่อ ลู่ง อ โต้ อ ล้อง, แบเด้าะ เฆ้อ ซีงลแพ อี้ง ก แม้ เท่อ ลู่ง อ อ้า อ ซ๊าง ล้อ

เนฮะมี 9:34

กเย่ กจุ้แฆว้, กดูกแซย่, โพล้งลื่งเท่ออคู ดี๊ กพี๊งกพู๊งลู่งแย๊ อู้ง นอ, ล นี่ แฌแซกต้าง กแช่แยว้ อ ทอางแม้เลา แบ, ล ชู่ง กแช่แยว้ อ ทซองทซ๊าง ดี๊ กแช่แยว้ อลู่งอแท๊, พี่ กแช่แยว้ โล้ ซีงแฌ๊-อ้ะ นอ แบ

ทอางปฆ้า 78:10

อซื๊งเว๊ซีง ล นี่ แฌแซกต้าง, กแช่แยว้ อ ทเอิ้งล้าง แบ ดี๊ ซม๊า เท่อ พี่ ล ลี้ โพะ กแช่แยว้ อ ทอางแม้เลา อ ไค๊ แบ

เยเรมี 10:2

กแช่ยาเว ไจ้ะเว๊ บี่อี้ง “แคว่ลูแม้ด้อง โพล้ง กุ้ชื้อกุ้ชะ-อ้า ซ้ะเมซ้ะไพล้ เท่อ ลู่ง ทมุ้คู อ ทแม้ไน อกย้อง-อ้า บี่ซุ้ดี๊ โพล้ง กุ้ชื้อกุ้ชะ ซ้ะเม เว๊ นอ ล ฌี้

เยเรมี 6:16

กแช่ยาเว ไจ้ะเว๊ บี่อี้ง “เกม๊า ชี๊เทิง ลู่ง เกล้ อู้ง, ดี๊ แคว่-อ้ะ เมะ ฌี้ ดี๊ อางจ้ะ โค เกล้ เอะ อู้ง นอ บี่อี้ง, เกล้ ฌี้ โอ พี่จองเล้, ฌ้อง ลี้โพะ เกล้ นอ ดี๊ เกม๊า นเซิงนซ้ะ นี่แบ ทซยืงทบ้ะ แบเด้าะ อ ซื๊งเว๊ ซีง ลแพ ไจ้ะเว๊ บี่อี้ง, ‘ก ล โพะ เกล้ นอ แบ’

เอเซเคียง 11:21

แบเด้าะ โพล้ง ลแพ นอ, พี่ อ ซ้ะ ลี้โพะ อ ท ล้างลุ้ล้างเช้ อ ไค๊, ดี๊ อ ท ล้าง ซ้ะลูซ้ะไล้ะ อ ไค๊ นอ, ก ม แม้เตาแม้แต๊ อ ทไพ้ะทแม้ ลู่ง อ กแช่ อ คูล้อง”, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 18:8

เลา ดี๊ ล นี่ เกม๊า โพล้ง อางล่อง นี่ เท่อ, ดี๊ ล ไคะนี่ อ โพ๊ แบ-อ้า, แม้ แอทาง นี่ จี้ แบ-อ้า นอ, อ เว๊ แกยไฆวะ อ จูง ดี๊ ท ลเกิ้งลแบ แบ, แบเด้าะ แม้ ท อเกิ้งอแบ, พี่ อโต้อล้อง ลู่ง กโพล้ง ซกุ้ กโพล้ง อ ฌ่าง

เอเซเคียง 18:9

อ เว๊ โอม๊า โพะ ก ท อเค้อะอต้าง อ ไค๊, ดี๊ แฌแซกต้าง ก ท อางกีล้าง, ดี๊ แม้ เว๊ ลู่ง อโต้อล้อง นอ, โพล้ง ล แฌ้ นอ, เก โพล้งแบกแช่แยว้อซ้ะ, อ เว๊ ม โอม๊า เต้ๆ, ล้อ” ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 20:16

อไฌ่บี่อี้ง, อ ซื๊งเว๊ ซม๊า ก ท อางกีล้าง, ดี๊ ล แม้โพะ ก ท อเค้อะอต้าง อ ไค๊ แบ, ดี๊ ดึ้เดว ก มื่งดืง เท่อ, เป๊งนี่ อ ซื๊งเว๊ อ ซ้ะ ลี้โพะ อ ทเค่งทฌ้าง อ ไค๊

เอเซเคียง 20:21

แบเด้าะ พู ลี้ง ลแพ นอ, กไบล้ะ ดี๊ เฆ้อ, อ ซื๊งเว๊ ลแพ นอ, ล นี่ แม้โพะ ก ท อเค้อะอต้าง อ ไค๊ แบ, ดี๊ ล แฌแซกต้าง ก ท อางกีล้าง ลู่ง ท แม้โพะ ท ลแพ นอ อ ไค๊ แบ, พี่ กโพล้ง เมะ แฌแซกต้าง เว๊ นอ, ม โอม๊า เว๊ ดี๊ ท ลแพ นอ ล้อ, อ ซื๊งเว๊ ดึ้เดว ก มื่งดืง เท่อ “ฌ้อง ก โล้ เอะ-อ้ะ บี่อี้ง, ก ม แม้ไจทาง ก ท ซ้ะทาง ลู่ง อ ซื๊งเว๊ อ คูด้าง, ดี๊ เกม๊า ก ท ซ้ะทาง พ้ะดู พี่ โอ ดี๊-อ้ะ นอ, ไจทาง ท่อง อ เลา ลู่ง แพะคูทเคแกล้

เอเซเคียง 20:24

เป๊งนี่ อ ซื๊งเว๊ ล นี่ แม้โพะ ก ท อางกีล้าง อ ไค๊ แบ, แบเด้าะ ซม๊า ก ท อเค้อะอต้าง, ดี๊ ดึ้เดว ก มื่งดืง เท่อ, ดี๊ อ เมะคลี๊ง นอ, แคว่ท๊าง อพี๊งอพู๊ง ลู่ง แย๊ อ ทเค่งทฌ้าง

เอเซเคียง 5:6

แบเด้าะ เยรูซเลง นี่ กไบล้ะกแบล แบ ก ทอางกีล้าง ลู่ง ออ้าอซ๊าง, อ้า น้ะเละ โพล้ง ลู่ง ค่าง พ้า อ แฌ้แพ นอ ได้ะ, ดี๊ กไบล้ะ แบ ก ท อเค้อะอต้าง น้ะเละ ค่าง พี่ อ โอ วะชวะ นอ ได้ะ, เมะเว๊ แด อ ซื๊งเว๊ ซม๊า ก ทอางกีล้าง, ดี๊ ล แม้โพะ ก ท อเค้อะอต้าง อ ไค๊ แบ

เอเซเคียง 8:10

ทบี่นอ, จ ลี้ นึฆ้าง, ดี๊ แด แบ-อ้ะ, แคว่-เซ้อ, เก ทฌ้าง แพล้กีง ลู่ง ท อ แพ้ ล้อง วะชวะ, โอ ดี๊ ทพูแฆ่ แจว้เคว้ ดี๊ ทพูแฆ่ ล้าง ซ้ะลูซ้ะไละ กุ้เม้ง อ ฌ้าง, เลา ดี๊ อีซลาเอง อชื้ออชะ อ ทเค่งทฌ้าง เลาพะ

เอเซเคียง 8:14

ฌ้อง นอ กแช่แยว้ เฌ๊ฌ้า แย้ ท้อง เกล้ นึฆ้าง เด้กแช่ยาเวอล่างโอ อ ป้ะตู๊ง, ลู่ง มื่งเค๊ง ล โค๊ นอ, ดี๊ แคว่-เซ้อ, พี่ นอ กมืง โอ ตบลึ้ แฌ้, ชี๊น้าง ฌาง ลู่ง ท กโช้งกแช่ ทางมุ้ อ ฌ่าง

เอเซเคียง 8:16

ฌ้อง นอ กแช่แยว้ เฌ๊ฌ้า แย้ นึฆ้าง ลู่ง เด้กแช่ยาเวอล่างโอ อ ล่าง พ้ะเล่ พ้า แย๊โค๊, แคว่-เซ้อ, ฆ้าง ดี๊ เกล้ นึฆ้าง กแช่ยาเว อ เว่งฮ๊าง, ลู่ง เติ๊งเละ ดี๊ ทลื่งล่าง อ เบ้าช้า นอ, กแคว๊ โอ เมาะเว๊ คี๊งชี๊งเย่ แฌ้, วีงโด้งโคล๊ง อ ซ้ะ ดี๊ กแช่ยาเว อ เว่งฮ๊าง, ดี๊ อ ซื๊งเว๊ แกยฆ้าง อ เมะ ลู่ง มื่งทาง ล โค๊, โบงทางแบ้ทาง มื่ง, ฆ้าง ลู่ง มื่งทาง ล โค๊ นอ ล้อ

ดานีเอง 9:10

ดี๊ ล ชู่ง กแช่ยาเว ก ซื๊งเว๊ ก กแช่แยว้ แบ, พี่ เกม๊า แม้โพะ อ ทอางแม้เลา อ ไค๊, พี่ ช๊างล้าง เว๊ ลู่ง เฆ้อ ซีง ลแพ อ เมะแซ พ้า, เฌ๊ เว๊ ดี๊ อ เพล่ โมไคล้คิ้กแช่แยว้

เลวี​อ​ไฌ่ 18:3

เกม๊า น ซื๊ง ซีง ลแพ, แม้ เท่อ บี่ซุ้ดี๊ โพล้ง แม้ เว๊ ลู่ง ค่าง อีไย้ะ พ้า, พี่ น ซื๊ง เปิ่งโอเปิ่งช๊อง แบ-อ้ะ นอ ล ฌี้, ดี๊ เกม๊า น ซื๊ง แม้ เท่อ บี่ซุ้ดี๊ โพล้ง แม้ เว๊ ลู่ง ค่าง คานาอาง พ้า, พี่ ก ลี้ฆ้างฌ้า น ซื๊ง นอ ล ฌี้, เกม๊า น ซื๊ง ซีง ลแพ, แม้โพะ อซื๊งเว๊ อ ท อเค้อะอต้าง อ ไค๊ นอ ล ฌี้

เลวี​อ​ไฌ่ 26:40

“แบเด้าะ อ ซื๊งเว๊ เมะ โล้ล้าง อ ทอ้าทซ๊าง, ดี๊ อ อพี๊งอพู๊ง ลู่ง แย๊ อู้ง อ ทอ้าทซ๊าง, พี่ อ เว๊ แม้ไพ้ะ แบ เฆ้อ ปะ, อซื๊งเว๊ ซีง ลแพ อ ท กไบล้ะกแบล นอ, ดี๊ พี่ อ นี่ แม้ เท่อ คิ้คุ้ ดี๊ เฆ้อ