11 ท่อง อ ลี้ นอ, เครุ้ ลแพ นอ, ม ลี้ ลู่ง อ เมะ ลี่งแพ้ แพ้ ฌี้ๆ, นอ ซี เลาพะ, อ ซื๊งเว๊ ลี้ พี่ ล แบ แกย อ ซ้ะ แบ เฆาะ, เมะเว๊ อ ซื๊งเว๊ ม ลี้โพะ ล แพ้ แย๊ พี่ อ คู ลี้ นอ ล้อ, ลี้ เว๊ พี่ ล แบ แกย อ ซ้ะ แบ เฆาะ
พี่ อ ลี้ นอ, ท พี่ โอ ดี๊ อ ทม๊า ลแพ นอ, ม ลี้ แพ้ ฌี้ๆ, ลู่ง อ เมะ ลี่งแพ้ นอ ซี กุ้ แพ้ ล้อ, อ ซื๊งเว๊ ลี้ นอ ล แบ แกย อ ซ้ะ แบเฆาะ
พี่ วีงแล้ ม ลี้ พี่จองเล้ นอ, ท พี่ โอ ดี๊ อ ทม๊า ลแพ นอ, ลี้ เว๊ ปะ, ดี๊ ท อ คางไร้ะ นอ, ดี้ง ลี้โพะ เบ้าตไก้ะ อ ไค๊, เมะเว๊ ท พี่ โอ ดี๊ อ ทม๊า ลแพ นอ, อวีงอแล้ โอ ท อ คางไร้ะ พ้า
ลู่ง อ ได้ะ เช๊ละ นอ, โอ ดี๊ จูง บี่ซุ้ดี๊ กโพล้ง อ จูง, โอ ลู่ง อ เฌาแพ้ล้อง ลี่งแพ้ เลา, ลี่งดื้ง นอ, ล ดื้งๆ, อ เมะ โอ ตบลึ้ เบง, ดี๊ อ ได้ะ โอ ตบลึ้ แพ้
ท อ คางไร้ะ ลี่ง วอง นอ, อเค่งอฌ้าง โอ บี่ซุ้ โละอซ้ะ, เมะเว๊ เก บี่ซุ้ดี๊ คางไร้ะ โดปท๊า อ ซ้ะ คางไร้ะ พ้า
แบเด้าะ เมะ ลแพ อี้ง อเค่งอฌ้าง, เก เมะ พี่ จ แด แบ-อ้ะ ลู่ง ที๊ง เคบา อ กล้อง พ้าไท้ะ, เลา ดี๊ อมยู๊อฮ๊าง ดี๊ อล้องอย่าง, ล แฌ้ๆ, นอ, ลี้ ล้องท้อง ลู่ง อ เมะแซ พ้า
