10 ท อ คางไร้ะ ลี่ง วอง นอ, อเค่งอฌ้าง โอ บี่ซุ้ โละอซ้ะ, เมะเว๊ เก บี่ซุ้ดี๊ คางไร้ะ โดปท๊า อ ซ้ะ คางไร้ะ พ้า
ท เคิง ล เคิงๆ, นอ, โอ ดี๊ อ คางไร้ะ ท่องบ้าง ลี่ง แพ้, ดี๊ อ จูงดูง ท่องบ้าง, ลู่ง อ โนง ลี่ง แพ้ เลา นอ โอ ดี๊ อ ล่าง ช๊างล้าง อ้าง พู, ทล่าง ช๊างล้าง เท่อ นอ แบ ทโล๊ล้างนี่-อ้ะ, โอ ดี๊ เพ๊ คว้าง ล้างเช้ กุ้ อ แพ้ ล้อ
จ กแช่ยาเว-เอ้อ, น ทไพ้ะทแม้ แอ เต้ๆ น ไต้ล้าง เท่อ กุ้เม้ง, ดี๊ น ทโกงซีมองแบ ฌางคูโคล๊งคู, โอฆวี้ ดี๊ เท่อ พี่ ไต้ล้าง-อ้ะ
กแช่แยว้ อ ทฌี้ทแอว้ นอ, เก บี่ซุ้ดี๊ ทลู่ง พ้ะโท๊ โพล ล้าง เท่ง กแช่แยว้ อ ทเกิ้งทแบ นอ, บี่ซุ้ดี๊ ทโยะคิ้ พ้า แย๊โค๊ จ กแช่ยาเว-เอ้อ, น แม้ช้า กโพล้ง, เลาดี๊ ทพูแฆ่, เกม๊า อพ้องอพลิ้
ทเอิง, ดี๊ ทไค้ะซ๊า โอ วะ กแช่แยว้ ทแบกแช่แยว้อซ้ะ, ดี๊ ทอเกิ้งอแบ, เก กแช่แยว้ อ ล่างชี๊น้าง, อ ฌี่ง คางไท้ะ
ลู่ง มื่ง เย่นี้ง ล นี้ง พ้า, แล้ ลี่งเบง ล เบง, ลู่ง เนง ซ๊าชี๊ง เนง ล เนง พ้า, พี่ จ โอ โพล้ง เก ทอฆ่อง อซุ้อแกล้, ลู่ง ที๊งเคบา พ้าไท้ะ อ แค๊ นอ, ทมุ้คู อุ้พ้ะทาง อ ซ้ะ ดี๊ จ แด แบ กแช่แยว้ ลู่ง ทแดเว้ พ้า
ท อ คางไร้ะ ลแพ นอ, อมยู๊อฮ๊าง ดี๊ อเค่งอฌ้าง บี่ซุ้ดี๊ เบรีง ท อ คางไร้ะ ลี่ง แพ้ นอ, อมยู๊อฮ๊าง โอ บี่ซุ้ โละ อ ซ้ะ, อมยู๊อฮ๊าง ดี๊ อเค่งอฌ้าง โอ บี่ซุ้ดี๊ ท อ คางไร้ะ โดปท๊า อ ซ้ะ โอ ท อ คางไร้ะ อ ซ้ะคี่ง พ้า
ท่อง อ ลี้ นอ, เครุ้ ลแพ นอ, ม ลี้ ลู่ง อ เมะ ลี่งแพ้ แพ้ ฌี้ๆ, นอ ซี เลาพะ, อ ซื๊งเว๊ ลี้ พี่ ล แบ แกย อ ซ้ะ แบ เฆาะ, เมะเว๊ อ ซื๊งเว๊ ม ลี้โพะ ล แพ้ แย๊ พี่ อ คู ลี้ นอ ล้อ, ลี้ เว๊ พี่ ล แบ แกย อ ซ้ะ แบ เฆาะ
ฌ้อง นอ จ แคว่ เท่อ, แคว่-เซ้อ, ท อ คางไร้ะ โอ ลี่ง วอง, ลู่ง เครุ้ ลแพ นอ อ ฌ๊างไท้ะ, ท อ คางไร้ะ โอ เครุ้ อ ฌ๊างไท้ะ ล ดื้ง ล วองๆ, ท อ คางไร้ะ นอ, อมยู๊อฮ๊าง บี่ซุ้ดี๊ เบรีง อ พ้าง
เอ๊อ, กแช่ แยว้ อ ท โกง ท มอง ท ซีงแฌ๊ แน่ฌ๊า โยะ น้ะ เล้ แอ น้ะ เล้, โพล้ง เล้ ม โล้ เว๊ ซี กแช่ แยว้ อางกี ล้าง อ ซ้ะ บี่ จะ เล้, ดี๊ โพล้ง เล้ ม อางโล๊ไท้ เว๊ ซี อ เว๊ แม้ เท่อ บี่ จะ เล้
