9 ท พี่ โอ ดี๊ อ ทม๊า ลแพ นอ, ล ดื้งๆ, อ ได้ะ จุ้ท้อง โละ อ ซ้ะ, พี่ อ ยู้ง ลี้ อ แค๊ นอ, ล แบ แกย อ ซ้ะ แบ, ล ดื้งๆ, นอ ยู้ง ลี้ ล แพ้ แย๊ พี่ อ เมะ แคว่ เท่อ นอ ล้อ
พี่ อ ลี้ นอ, ท พี่ โอ ดี๊ อ ทม๊า ลแพ นอ, ม ลี้ แพ้ ฌี้ๆ, ลู่ง อ เมะ ลี่งแพ้ นอ ซี กุ้ แพ้ ล้อ, อ ซื๊งเว๊ ลี้ นอ ล แบ แกย อ ซ้ะ แบเฆาะ
ท่อง อ ลี้ นอ, เครุ้ ลแพ นอ, ม ลี้ ลู่ง อ เมะ ลี่งแพ้ แพ้ ฌี้ๆ, นอ ซี เลาพะ, อ ซื๊งเว๊ ลี้ พี่ ล แบ แกย อ ซ้ะ แบ เฆาะ, เมะเว๊ อ ซื๊งเว๊ ม ลี้โพะ ล แพ้ แย๊ พี่ อ คู ลี้ นอ ล้อ, ลี้ เว๊ พี่ ล แบ แกย อ ซ้ะ แบ เฆาะ
แบเด้าะ เมะ ลแพ อี้ง อเค่งอฌ้าง, เก เมะ พี่ จ แด แบ-อ้ะ ลู่ง ที๊ง เคบา อ กล้อง พ้าไท้ะ, เลา ดี๊ อมยู๊อฮ๊าง ดี๊ อล้องอย่าง, ล แฌ้ๆ, นอ, ลี้ ล้องท้อง ลู่ง อ เมะแซ พ้า
อ ช๊า อ โท่ เบ้า ม ท้อง เย้า, พี่ กแช่ แยว้ ม เกม๊า กแช่ เยซู ไท้ ทาง ท มุ้คู, ท บี่ นอ, กแช่ เยซู อางกี ล้าง อ ซ้ะ เมาน่าง ม ลี้ ลู่ง เว่ง เยรูซเลง
กแช่ เยซู ไจ้ะ เอะ-อ้ะ, “โพล้ง พี่ ล แฌ้ เล้ พอง ง่อง, ฌ้อง แคว่ ไท้ อ ล่างไค๊, โพล้ง ล แฌ้ นอ ล เกิ้ง ดี๊ กแช่ แยว้ อ มื่ง อ บ้าง แบ”
ด๊างพื่งวี่ ซีง-เอ้อ, ลู่ง กแช่ เยซู คริ้ อ เม้ง อ แซ นอ, จ อวีงซ้ะชู้ น ซื๊ง เกม๊า ไคล้ เท่อ ล เม้ง ฆ่าง, ช๊องมอง เท่อ ล เม้ง ฆ่าง เลา ปะ, บี่ซุ้ น ซื๊ง ล ล้างมื่ง ล้างพ้ะ โละ ซ้ะ แบ
