7 แบเด้าะ อ คาง นอ ล้องท้อง, อ คางย๊างซ้ะพ้า บี่ซุ้ดี๊ งู้ พู อ คางมีง ได้พ้ะ, ดี๊ โฌ่งค้ะ บี่ซุ้ดี๊ ท่องบ้าง เท้าโฌ่ง
กแช่แยว้ พี่ เจ่ ลี้งเฌ๊ เก โพล้งไคล้เดิงเท่อ เจ่ มี พี่ อ เค้ทาง นอ, เก อ เพล่
ท พี่ โอ ดี๊ อ ทม๊า ลแพ นอ, อเค่งอฌ้าง ดี๊ อมยู๊อฮ๊าง บี่ซุ้ดี๊ แซว เค้ทาง, อมยู๊อฮ๊าง บี่ซุ้ดี๊ โซย๊เค้ ตบลึ้ ทื้ง ลี้ๆ, ไท้ๆ, ลู่ง ท พี่ โอ ดี๊ อ ทม๊า ลแพ นอ อ เบ้าช้า, โอ ดี๊ มี อ พ้าง, ดี๊ โอ ดี๊ ล๊างแว่ได้ะ อ พ้าง, ไจทาง นี่ ลู่ง มี พ้า นอ
ท่อง กแช่แยว้ ลี้ฌ้า แย้ พี่ นอ, แคว่เซ้อ, กแคว๊ โอ ล แฌ้ พี่ อมยู๊อฮ๊าง แบด้อง ท่องบ้าง, ดี๊ เน่พลี้ง โอ ล บ้อง, ดี๊ เซง ทู เท่อ ล บ้อง, โอ ลู่ง อ เว๊ อ จูง พ้า ดี๊ อ เว๊ ชี๊เทิง โอ ลู่ง ป้ะตู๊ง อ ทล่างแคว่จู้เท่อ
อล้องอย่าง ด้องซุ้ เบรีง อ เมะ นอ บี่ซุ้ดี๊ ล๊างแว่ได้ะ, อ เมะคลี๊ง นอ บี่ซุ้ดี๊ โซย๊ อ มี แล เค้, อ จูงดูง ดี๊ อ คางแย๊คู โฌ่ง ฌี้ บี่ซุ้ดี๊ ท่องบ้าง เท้า โฌ่ง, ดี๊ อ ลู่ง ไคล้ นอ บี่ซุ้ดี๊ โพล้ง น๊างมู๊ง อ ลู่ง
เมะเว๊ กเย่ ทพูแฆ่ พี่ อ คางมีง ได้แท่, โอ ดี๊ อ ได้แท่ ล้าง อ ซ้ะ, ดี๊ ไอเย้ อ แค ปะ นอ, น อาง-อ้ะ ซี
บี่ซุ้ เกม๊า น อางน้างพ้ะ ท พี่ อ แบอ้า, ดี๊ ท พี่ อเช๊งอเกล้ง, ดี๊ อางน้างพ้ะ ท พี่ อ โอม๊า, พี่ อาง-อ้ะ ซี, ดี๊ ท พี่ อ โอม๊า, พี่ อาง-อ้ะ ล ซี แบ นอ ล้อ
อ คาง นอ แบ ด้อง ท่องบ้าง, พี่ อ แบ ท พลึ้ ล้าง-อ้ะ มี อ้า พ้า, ฌ้อง แบ ท เท้า พลี๊-อ้ะ พุ้ กเล้เด้, อ ลู่ง นอ เซ๊ พ้ะดู บี่ ซุ้ ดี๊ ที๊ง ล้างชู๊ง เซ๊
