6 ล ดื้งๆ, นอ, อ เมะ โอ ลี่ง เบง, ดี๊ อ ได้ะ โอ ลี่ง แพ้
เกม๊า เครุ้ นอ ย้างแย่ ทาง อ ได้ะ, คลึไบ้ะล้าง ไฮะ อ คูกล้ะ แยว้ อ ทย๊างซ้ะ อ ล่าง, ดี๊ เกม๊า แคว่ ฆ้าง โละ อ เมะ, เครุ้ อ เมะ นอ ม๊า แคว่ ฆ้าง ลู่ง ไฮะ อ คูกล้ะ แยว้ อ ทย๊างซ้ะ อ ล่าง ล โค๊ นอ
เซราฟีง ลแพ นอ, ชี๊เทิง โอ ลู่ง กแช่แยว้ อ คูด้าง, ล ดื้งๆ, นอ อ ได้ะ โอ ฆู๊งแพ้, เจ่ ได้ะ คี๊งแพ้ กาไบ้ะ เมะ, ดี๊ เจ่ ได้ะ คี๊งแพ้ กาไบ้ะ ล้าง คาง, ดี๊ เจ่ ได้ะ คี๊งแพ้ ลี้ ยู้ง
พี่ จ แคว่ดุ้ ท พี่ โอ ดี๊ อ ทม๊า ลแพ นอ, แคว่-เซ้อ, ท อ คางไร้ะ โอ ลู่ง ฌางคูคู, โอ ลู่ง ท พี่ โอ ดี๊ อ ทม๊า ลแพ นอ อ ฌ๊างไท้ะ ล ดื้ง ล แพ้ๆ, ลี่งดื้ง เลา
ลู่ง มุ้คู เช๊ละ อี้ง อ ซื๊งเว๊ อ ได้ะ ย้างแย่ ทาง ล้องท้อง ลี้ จเฌิ่ง โละ อ ซ้ะ, ดี๊ ล ดื้งๆ, นอ, อได้ะ โอ คี๊ง แพ้ คลึไบ้ะ ล้าง อล้องอย่าง
ท อ คางไร้ะ ลี่ง วอง นอ, อเค่งอฌ้าง โอ บี่ซุ้ โละอซ้ะ, เมะเว๊ เก บี่ซุ้ดี๊ คางไร้ะ โดปท๊า อ ซ้ะ คางไร้ะ พ้า
เครุ้ ล ดื้งๆ, นอ, อ เมะ โอ ลี่ง เบง, เมะ อ ต้องคู ล เบง นอ, เก เครุ้ อ เมะ, เมะ คี๊งเบง ล เบง นอ, เก กโพล้ง อ เมะ, เมะ ซ๊าเบง ล เบง นอ, เก คี๊ยื่ง อ เมะ, ดี๊ เมะ ลี่งเบง ล เบง นอ, เก ไละ พ้ะดู อ เมะ
