22 ลู่ง ท พี่ โอ ดี๊ ท ม๊า ซีง ลแพ อ คูด้าง นอ, โอ ดี๊ ท พี่ อมยู๊อฮ๊าง โอ แบด้อง ทมุ้คู พี่ อ บี่ซุ้ดี๊ ทล้างกลุ้ กดื้ง เมะคลี๊ง จแล่ พ้ะเล่ โอ ลู่ง อ ซื๊งเว๊ ลแพ นอ อ คูด้าง
ทคู่ ล้าง บ้างญ๊าง, พ้างล้างนี่ ลู่ง มื่งเค๊ง ล โค๊ กแช่แยว้ ไต้ทาง อ ซ้ะ ดี๊ ทฆี๊งดูแล้ดู, พี่ อ ล้าง ดู้งแบยางแบ-อ้ะ
อ ซื๊งเว๊ซีง แด แบ โพล้ง อีซลาเอง อ กแช่แยว้, ดี๊ อ คาง ไย่ ล่าง, แม้ อ ซ้ะ แบด้อง ทแมล่ ฮี๊ แล๊ พ้าง บี่ซุ้ดี๊ ทมุ้คู พ้าง ล้าง
ดี๊ ท อ ลู่ง โอ เฌ๊นี่ ลู่ง มุ้คู ท้ะโค๊ พี่ โอ อ ซื๊งเว๊ อ คูด้าง, พี่ ท พี่ โอ ดี๊ อ ทม๊า ซีง ลแพ ชี๊เทิง เฌิ่งเพิ่ง อ แค๊ นอ, อ ได้ะ ลแพ นอ ไคล้ะล้างไท้ อ ซ้ะ
ดี๊ ลู่ง มุ้คู ท้ะโค๊ พี่ โอ อ ซื๊งเว๊ อ คูด้าง นอ, ท โอ ล เม้ง พี่อเค่งอฌ้าง โอ แบด้อง กแช่แยว้ อ ล่าง ชี๊น้าง, พี่ อมยู๊อฮ๊าง โอ บี่ซุ้ดี๊ ไพลีง ดี๊ ท พี่ อเค่งอฌ้าง โอ แบด้อง กแช่แยว้ อ ล่างชี๊น้าง คู นอ, โอ ดี๊ โพล้ง พี่ อมยู๊อฮ๊าง โอ บี่ซุ้ดี๊ กโพล้ง โอ เว๊ อ คู พี่ นอ
ฌ้อง นอ จ แคว่ เท่อ, อี้งเซ้อ, ลู่ง ทมุ้คู พี่ โอ เครุ้ ลแพ นอ อ คูด้าง, โอ ดี๊ เท่อ พี่ อมยู๊อฮ๊าง แบด้อง กแช่แยว้ อ ล่าง ชี๊น้าง พี่ เก บี่ซุ้ดี๊ ไพลีง โพลทาง ลู่ง เครุ้ ลแพ นอ อ คูด้าง
อ อี้ง นอ, เมะเว๊ ท พี่ โอ ดี๊ อ ทม๊า, พี่ จ แด-อ้ะ อ โอ กแช่แยว้ ลู่ง อีซลาเอง อ เช๊ละ, ลู่ง ที๊ง เคบา อ กล้อง พ้าไท้ะ, ฌ้อง นอ จ ซีงแฌ๊-อ้ะ, อ เก เครุ้ ล้อ
เว่ง โฌ่ง ทาง พ้าง ล้าง ดี๊ กแช่ แยว้ อ ฆี๊ง อ แล้ อ โฌ่ง อ พ้าง, พ้าง แล๊ๆ, แบ ด้อง โล่ง ลู่ง อ ฆวี้ แค้ ดี๊ ฆีง แบ ด้อง โกย
โพล้ง พี่ อ ชี๊น้าง ล แฌ้ นอ, โฌ่ง ทาง แล๊ๆ, โฌ้ๆ, แบ ด้อง โล่ง พี่ อ ฆวี้ แค้ ล๊าง ล้าง โอ้ ที๊ง โฌ่ง ทาง แล๊แค๊ โอ วะ ท ล่าง ชี๊น้าง ยู่แคว่ เท่อ นอ
ลู่ง ท ล่าง ชี๊น้าง ยู่แคว่ เท่อ อ เมะแซ พ้า นอ, จ แด แบ ท โอ ล เม้ง แบ ด้อง ปางเล, ฆีง บี่ ซุ้ โกย เครุ้ ลี่ง ดื้ง โอ วะ ชวะ ท ล่าง ชี๊น้าง ล ช๊อง นอ, เครุ้ ลี่ง ดื้ง นอ อ เมะคลี๊ง โอ เฆ้ง อ ล้อง เลา ดี๊ อ เมะแย๊ ดี๊ อ ล่างไค๊
