24 มื่งแซ, ดี๊ มี ค้ะ พ้าง ลู่ง มื่งแซ แกล้, มื่งแซ ล้างเทะ แอ เต้ๆ, เฆ้ง ค่าง อีไย้ะ พ้า บี่อี้ง นอ, ล โอ น่าง พ๊า ได้ะ แบ, ล โค๊ ลู่ง ทดึ้ เกทาง มื่ง เกทาง บ้าง อี้ง นอ
พี่ จ อางกีนี่-อ้ะ, ลู่ง ทน้ะทโน๊ง แค๊ อ ฌ่าง ลู่ง มื่งนี้ง ทดึ้ซึ้ ดี๊ ทดึ้ทชาง อ ฌ่าง นอ เย้า-อ้า?
กแช่แยว้, เกล๊าง มื่งแซ เอะ อซื๊งเว๊, เท่งก้ะ ทเฌ๊ช้า ดี๊ เกม๊า ล๊างพล้ะ เท่อ, ลู่ง อซื๊งเว๊ อ ที๊งล่างค่างพ้า
กแช่ยาเว เคิ่ง เท่อ, เซ๊ล้างลื่ง ลู่ง ทมุ้คู พ้า ดี๊ กแช่แยว้ พี่ อ ดูทึโท๊ทึ นอ, แม้เซ๊ทาง อ ลู่ง เก มื่งแซ, ดี๊ แซวท่อง เค้
ทวี่ นอ ม ลี้ นึฆ้าง ลู่ง บลาง พ้า, ลู่ง กดูกแซย่ อ เด้า พ้า, ดี๊ ลู่ง โพล้ง อีไย้ะ อ เด้า พ้า ฆวี้ทะ, พี่ น แพ่ ดี๊ น พี๊งแซย่ พู๊งแซย่ ล แด แบ เว๊ บี่อี้ง น่าง ชุ้ ได้ะ แบ เฆาะ’, ”, ล โค๊ ลู่ง กึทาง เฌ๊ ท้อง กุ้ นี้งๆ, อี้ง
แคว่เซ้อ, ลู่ง โฌ้ โฆะ อช๊าอโท่ เมาะ แค๊ ล ว๊าง แย๊ อี้ง นอ, จ ม เกม๊า มื่งแซ ล้างเทะ แอๆ, พี่ ค่าง อีไย้ะ พ้า ล โอ น่าง พ๊า ได้ะ แบ, ล โค๊ ลู่ง ท ไต้ทาง ซ๊าง เด้า ดี๊ เว่ง, เฌ๊ ท้อง ค๊อง เนง อี้ง
โมเซ เยาทาง อ นางทุ้บ้อง ลู่ง ทพุ้พ๊าง, ฌ้อง กแช่ยาเว ดึ้ เกม๊า ล๊าง เซ๊, มื่งแซ โอ, ดี๊ มี ล้างเทะ ลู่ง ฌางคู คู, กแช่ยาเว เกม๊า มื่งแซ ล้างเทะ ค่าง อีไย้ะ พ้า
มื่ง แซ แม้ เซงทื่ง เฌ๊ฌ้อง ทกุ้ อ เม้ง, พี่ อ โอ ไชะ พ้า เฆ้ง ค่าง อีไย้ะ พ้า, เลา ดี๊ โพล้ง ดี๊ ทพูทแฆ่, มื่งแซ แม้ เซงทื่ง เฌ๊ฌ้อง ทดุ้ทแล ลู่ง ไชะ พ้า กุ้ อ เม้ง, ดี๊ แม้ แค่เทาแค่ไช้ะ เซง กุ้ อ เทิง ลู่ง ไชะ พ้า นอ
ดี๊ กแช่ยาเว ม ดึ้ เกม๊า โพล้ง แน่ฌ๊า อ ลู่ง เซ๊ พ้ะดู, ดี๊ ม ดึ้ เกม๊า แด อ จูง พี่ เป้ล้าง เท่อ ดี๊ ท ซ้ะทาง พ้ะดู, ดี๊ มีเค้ อาง เฌ๊ฌ้อง เท่อ, เลา ดี๊ ทเฌ๊ช้า พ้ะดู ดี๊ ลี้งเฌ๊ พ้ะดู ดี๊ มื่งแซ ล้าง
แคว่-เซ้อ, พี่ จ แคว่ เท่อ นอ, ลี้งเฌ๊ พ้ะดู เฌ๊อูง นี่ เท่อ ลู่ง มื่งเค๊ง ล โค๊, ทเอิง คู่ลอง พ้ะดู พี่ โอ ดี๊ ทพ้าง วะชวะ, ดี๊ มี โอ เค้ทาง โฌ่งค้ะ ครึๆ, ลู่ง มี อ แกล้ พ้า นอ, แคว่-อ้ะ แบด้อง ท่องบ้าง พี่ อ โฌ่งค้ะ
อกย้องบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง, ก ม ดึ้ เกม๊า ลี้งเฌ๊ พ้ะดู กึทาง ดี๊ ก ท ซ้ะทาง, ดี๊ เกม๊า ทเฌ๊ช้า กลึ้ไบ้ะ เท่อ ดี๊ ก ท ซ้ะทาง, ดี๊ ม โอ ดี๊ มื่งแซ พ้ะดู แม้ เฌ๊ฌ้อง เท่อ ดี๊ ก ท ซ้ะทาง
ล พ๊า แย๊ นอ ท น้ะ ท โน๊ง พ้ะดู ม โอ ทาง, บี่ ซุ้ ดี๊ ล โอ น่าง พ๊า ได้ะ แบ, ล โค๊ ลู่ง กแช่ แยว้ ไต้ ล้าง เท่อ อ ซ๊างคู ท้อง ค๊องมเนง โย้, ฌ้อง ท๊อง อี้ง ชู่ง แย๊ ล โค๊ นอ ล โอ น่าง ชุ้ ล้า แบ ล้อ
