12 ท่อง อ ซื๊งเว๊ ล แฌ้ๆ, จึ้ล้าง อ นางทุ้บ้อง นอ, อ เท่อ เกทางก้ะ ฌู่ง, แบเด้าะ อาโรง อ นางทุ้บ้อง นอ, อางยื่งคล่องไฆวะ อ ซื๊งเว๊ อ นางทุ้บ้อง เลาพะ
ฟาโร กุ้นี่ ซระ, ดี๊ โพล้ง พี่ โอ ดี๊ ทซีงแฌ๊แน่ฌ๊า, อซื๊งเว๊ซีง เก โพล้ง พี่ เจ่ ทอูงทโป้ ลู่ง ค่าง อีไย้ะ พ้า, แม้ เว๊ ซี บี่ซุ้ นอ ปะ, แม้ เว๊ ดี๊ อ ทโละกวี้ ลู่ง ทกดื้งกทะ
ทึเมะ บี่นอ ฌี้ ฌี้, ฟาโร อ ซ้ะ ชองโฆะ, ล ญ่อง ช๊องแน อ ซื๊งเว๊ คี๊ง แฌ้ นอ น่าง เม้ง แบ, ทเกทาง อ ซ้ะ บี่ซุ้ กแช่ยาเว ไคล้ เว้ เว๊ นอ ล้อ
เมะ โพล้ง พี่ เจ่ ทอูงทโป้ ซีงลแพ นอ, ชี๊เทิง โมเซ อ เมะแซ พ้า ล เก แบ, เป๊งนี่ ทเว๊ง นอ, เมะเว๊ ทเว๊ง นอ ลี้ แบ จฌะ โพล้ง พี่ เจ่ ทอูงทโป้ ลแพ นอ
แบเด้าะ อซื๊งเว๊ ม แม้ บี่ นอ ล ซี ไยะๆ, ล้า แบ, โพล้ง กุ้ อ แฌ้ ม แด-อ้ะ ล้างที๊ง ลู่ง อซื๊งเว๊ เก โพล้ง ล กลุ้ ล จ้ะ แบ เมาะ ท เล้, บี่ ซุ้ อ เก ทาง ดี๊ ยางเน ดี๊ ยางเบ ปะ ล้อ
จ พู ซีง-เอ้อ น ซื๊ง เก กแช่ แยว้ อ เท่อ, ดี๊ น ซื๊ง แม้ น้า โม กไบล้ะ ล แพ นอ เย้า, อ ไฌ่ บี่ อี้ง กแช่ แยว้ อ วีง ฌี้ แล้ แอว้ พี่ อ โอ น ซ้ะ พ้า นอ, ดู นี่ โพล้ง พี่ อ โอ ลู่ง ฌางคู โคล๊ง คู ล แฌ้ นอ ได้ะ
