10 โมเซ ดี๊ อาโรง ลี้ฆ้าง ฌูง ฟาโร, อ เว๊ แม้ บี่ซุ้ดี๊ กแช่ยาเว โล้ เอะ-อ้ะ นอ, อาโรง จึ้ล้าง นางทุ้บ้อง ลู่ง ฟาโร, ดี๊ กดูกแซย่ ลแพ นอ อ เมะแซ พ้า, นางทุ้บ้อง นอ เกทางก้ะ ฌู่ง ล้อ
โพล้ง อีไย้ะ-เอ้อ, กแช่แยว้ โซ๊งทาง ทแม้ไน ดี๊ ทล้ะทเล่ ลเม้ง ดี๊ ลเม้ง, เฌ๊ ลู่ง นซุ้นแกล้ เกม๊า ดึ้ โละซ้ะ ดี๊ ฟาโร, ดี๊ อ กดูกแซย่ เลาพะ
ฌ้อง โพล้ง อีซลาเอง ไท้ แม้โพะ ทโล้ อ ไค๊ กุ้เม้ง, พี่ กแช่ยาเว อางแบเลา เว๊ ดี๊ โมเซ ดี๊ อาโรง นอ
กแช่แยว้ ไจ้ะเว๊, “จึ้ล้าง-อ้ะ ลู่ง ฌางคู คู นอ”, อ เว๊ จึ้ล้าง นางทุ้บ้อง นอ ลู่ง ฌางคู คู, นางทุ้บ้อง นอ เกทางก้ะ ฌู่ง เฆาะ, โมเซ ไจ เฌ๊ฆิ้ไฆวะ ฌู่ง นอ ไวะ
เกม๊า น ลี้ ฌูง ฟาโร ลู่ง โฌ้โค๊, พี่ อ เว๊ ลี้ ลู่ง ที๊งกล้อง พ้า นอ, ม๊า น ชี๊เทิง โอคุ้แท๊-อ้ะ ลู่ง ที๊งกล้อง พ้าไท้ะ, ลี้ โชะ ดี๊ นางทุ้บ้อง พี่ อ เกทางก้ะ ฌู่ง ซี นอ ปะ
โมเซ ดี๊ อาโรง แม้ เว๊ บี่ซุ้ดี๊ กแช่ยาเว อางแบเลา-อ้ะ นอ, เมะเว๊ โชะทาง นางทุ้บ้อง เป้ ล้าง ที๊ง ลู่ง ที๊ง ไน กล้อง พ้า, ลู่ง ฟาโร ดี๊ กดูกแซย่ ซีงลแพ นอ อ เมะแซ พ้า, ฌ้อง ที๊ง ลู่ง ที๊ง ไน กล้อง พ้า นอ เกทางก้ะ ทซวีง เลาพะ
โมเซ ดี๊ อาโรง แม้ เว๊ บี่ซุ้ดี๊ กแช่ยาเว อ ทอางแบเลา นอ
“ท่อง ฟาโร โล้ เอะ แน้ เมะ ไจ้ะเว๊, ‘เกม๊า น ปล้ะล้าง ทล้ะทเล่ แม้ โพลทาง น ซ้ะ ไช้ะ นอ’, ม๊า น โล้ เอะ อาโรง บี่อี้ง, ‘แม้นี่ น นางทุ้บ้อง นอ, จึ้ล้าง-อ้ะ ลู่ง ฟาโร อ เมะแซ พ้า, ฌ้อง นางทุ้บ้อง นอ ม เกทางก้ะ ฌู่ง’, ”
ทึเมะ อ เว๊ ม โอคุ้ซูง ลู่ง ทลู่ง คาราเมง อ จ้องคู ฌี้ นอ ก ม อางฆื๊ง แคว่-อ้ะ พี่ นอ, ฌ้อง พองนี่-อ้ะ ทึเมะ อ เว๊ ม ไจ โอคุ้ซูง ลู่ง ปางเล ไค๊ด้ะ, เกม๊า พ้องไฆวะ ดี๊ ก เมะ ฌี้ นอ ก ม อางแบเลา ฌู่ง พี่ นอ, ดี๊ อ ท ม ไอ-อ้ะ
เมะ พอง ฌู่ง ฌี้, เมะ โอ้ แบ ตซีง พี่ อ ม้า เท่อ นอ ฌี้, ล แบ ท น่าง เม้ง แบ, เมะ อางกี ล้าง อ จูง ลู่ง โพล้ง แบ ท เจ้า ท แช๊ อ ล้อง นอ อ เท่อ ม แบล ล้อ”
เมะ เว๊ เซ้อ, จ เกม๊า น ซื๊ง โอ ดี๊ ดู้ง ยาง พี่ ม ไย่ ฌู่ง ดี๊ ทุ้คลุ้ อ คู ซี, ดี๊ แม้ น้า ม้างโค้ไล่ อ ดู้ง อ ยาง เลา ปะ, ท ล โอ น่าง เม้ง แบ พี่ ม แม้ อ้า แม้ ซ๊าง น ซื๊ง ซี
