30 โมเซ โล้แบ กแช่ยาเว ไจ้ะเว๊, “จ เก โพล้ง ไคล้ ล ซี ล พลี๊ แบ, ฟาโร ม ชู่ง ม นะ แย้ บี่จะเล้?”
โมเซ ไคล้ช๊า-อ้ะ ไจ้ะเว๊, “แบเด้าะ แคว่เซ้อ, อ ซื๊งเว๊ ล นะ แย้ แบ, ล ช๊องแน แย้ แบ, อ ซื๊ง ม ไจ้ะเว๊, ‘กแช่ยาเว ล เนโพลทาง อ ซ้ะ ดี๊ แน้ แบ’, ”
แบเด้าะ โมเซ โล้ เอะ กแช่ยาเว ไจ้ะเว๊, “ทอดูทึโท๊ทึ กแช่-เอ้อ, ยี๊แด ล เมะ จ เก โพล้ง ลู่ง อ ไจ้ะ ซี ไคล้ ซี แบ, ล โค๊ ลู่ง อ ไยะ เย้า, ดี๊ ท๊อง พี่ น ไคล้ ดี๊ น เพล่ นอ, แย้ นอ, จ เก โพล้ง ไคล้ ล ซี ล พลี๊ แบ”
แบเด้าะ โมเซ ไคล้ ดี๊ กแช่ยาเว บี่อี้ง, “ทึเมะ โพล้ง อีซลาเอง ล ช๊องแน แย้ แบ, ฟาโร ม คุ้ช๊องแน แย้ บี่จะเล้?, แย้ นอ ล เมะ จ เก โพล้ง ลู่ง อ ไจ้ะ ซี ไคล้ ซี แบ”
ดี๊ จ ไจ้ะ บี่อี้ง, “ท เซงทื่งเฌ๊ฌ้อง แบ แย้, เมะเว๊ จ ซี๊ง เย้า, เป๊งนี่ จ เก โพล้ง อ นุ้เฌะ ลเช๊งลเกล้ง แบ, ดี๊ จ โอ ลู่ง โพล้ง อ ชื้อ พ้า พี่ อ นุ้เฌะ ลเช๊งลเกล้ง แบ, แบเด้าะ จ เมะคลี๊ง แด แบ กจุ้แฆว้, เมะเว๊ กแช่ยาเว ซึ้คู ดูทึชองทึ”
ฌ้อง จ โล้แบ-อ้ะ บี่อี้ง, “ทอดูทึโท๊ทึกแช่ยาเว-เอ้อ, แคว่เซ้อ, จ ไคล้ ล ซี ล พลี๊ แบ, เมะเว๊ จ เก พืงแซ”
