32 พี่ อ ซื๊งเว๊ ม ลี้ฆ้าง ลู่ง เด้ทโอซยองอล่าง พ้า, ดี๊ ลี้ฆ้าง เบ้า ดี๊ ทลื่งล่าง พ๊า ฌี้ๆ, นอ, อซื๊งเว๊ ม อางซฌ้ะเช๊ง ล้าง อ ซ้ะ ท่อง อ ฌ้อง, บี่ซุ้ดี๊ กแช่ยาเว อางแบเลา โมเซ นอ ล้อ
อ๊า, อซื๊งเว๊ ลแพ นอ, แบ ทแม้เฌ๊ฌ้องไฆวะ ล ชู่พู เฆาะ แบ ท ไพ้ะฆิ้โค๊ฆิ้ กว้ะไฆวะ-อ้ะ เลาพะ
เฌ๊ฌ้า อาโรง ดี๊ กเย่ อ พู ลแพ นอ ลู่ง เด้ทโอซยองอล่าง อ ป้ะตู๊งไท้ะ, ฌ้อง แม้เช๊ง แม้เกล้ง อ ซื๊งเว๊ ดี๊ ที๊ง
โมเซ กางทาง ตไก้ยะ คลึไบ้ะ เด้กแช่แยว้อล่างโอ นอ, ฌ้อง แม้นี่ ตไก้ยะ นอ คลึไบ้ะล้าง เด้กแช่แยว้อล่าง นอ อ คู, อ เว๊ แม้ เว๊ บี่ซุ้ดี๊ กแช่ยาเว อางแบเลา-อ้ะ นอ ล้อ
โมเซ ดี๊ อาโรง, ดี๊ อ พูแคว๊ อางซฌ้ะ อ จูง อ คาง ลู่ง อ้าง พ้า นอ
อ เว๊ กางทะ เด้กแช่แยว้อล่างโอ อ พ้อง, ดี๊ ทลื่งล่าง นอ วะชวะ, ฌ้อง กาง กดื้งทะ พ้อง อ เกล้ ป้ะตู๊ง, อกย้องบี่นอ โมเซ แม้ เท่อ ฌ้องทางเกทาง กุ้เม้ง ล้อ
บี่ซุ้ดี๊ กแช่ยาเว อางแบเลา เอะ โมเซ นอ, อ เว๊ ดว้ะนี่ โพล้ง ลู่ง แพะคูทเคแกล้ ซีไน บี่อี้ง
