29 ฌ้อง แม้ ย่างเด้ง พลี้ง ดี๊ ตไก้ยะ ลูง ไว้ะไก้ อ แย ฌี้, ดี๊ ช้ะ เว๊ ดี๊ ลูง เปย้า, ลูง ลึ้, ลูง โฌ้จีลี, พี่ โพล้ง อ จูงซี ช้ะกีงนี่ เว๊, บี่ซุ้ดี๊ กแช่ยาเว อางแบเลา โมเซ นอ ล้อ
ลูง เปย้า, ลูง ลึ้, ลูง โฌ้จีลี, ตไก้ยะ ลูง ไว้ะไก้ อ แย ฌี้, ดี๊ แมะ อ ชอง
“ดี๊ แม้ กดื้งทะ เท่อ ลู่ง เด้ อ เกล้ ป้ะตู๊ง นอ ดี๊ ตไก้ยะ ลูง เปย้า, ลูง ลึ้, ลูง โฌ้จีลี, ดี๊ ตไก้ยะ ลูง ไว้ะไก้ อ แย ฌี้ พี่ โพล้ง อ จูงซี ช้ะกีงนี่ เว๊ นอ
ตไก้ยะ แม้ กดื้งทะ เด้ อ พ้อง ลู่ง เกล้ ป้ะตู๊ง นอ, ม๊า อ โท๊ แพล่ คี๊ง ชี๊ง, แม้-อ้ะ ดี๊ ลูง เปย้า, ลูง ลึ้, ลูง โฌ้จีลี, ดี๊ ตไก้ยะ ลูง ไว้ะไก้ อ แย ฌี้, พี่ โพล้ง อ จูง ซี ช้ะ กีง นี่ เว๊, ดี๊ แม้ เฌเทิง ลี่ง เทิง, โอ ดี๊ อ คาง ลี่ง เทิง เลา
“เกม๊า ท้ะนี่ ไช๊พ้ะโท๊แย๊โค๊ลท๊า, ดี๊ ตไก้ยะ ลู่ง อ แย ฌี้, ดี๊ คลื้งโมะ นอ, แม้-อ้ะ ดี๊ ตไก้ยะ ลูง ไว้ะไก้ อ แย ฌี้, ดี๊ ย่างเด้ง พลี้ง นอ, เกม๊า โพล้ง อ จูง ซี ช้ะกีงนี่ เว๊
ดี๊ แม้ เอะ เว๊ อ คูเพิง, ดี๊ อ คลื้งโมะ, แม้ เว๊ ดี๊ ตไก้ยะ ลูง ไว้ะไก้ ดี๊ พลางไค๊ นอ แม้ ดี๊ ตไก้ยะ ลู่ง อ แย ฌี้
อ ซื๊งเว๊ แม้ คูคล้าง ลู่ง อฌี้อแอว้ ดี๊ ท๊อง ปางเป ลู่ง อ แย ฌี้, ดี๊ กวิ้ล้าง ทไคล้ บี่อี้ง, “ทฌี้ทแอว้ ลู่ง กแช่ยาเว อ ฌ่าง”, แม้ เว๊ บี่ซุ้ดี๊ โพล้ง แพล้นี่ ทแม้ไน อ ฌ้าง นอ ล้อ
