17 เฌเทิง คาง นอ แม้ เว๊ ดี๊ ท่องบ้าง, อ บล้ะ บึ้เบง ดี๊ เฌเทิง, ดี๊ เซง โพะ เฌิ่งทะ เฌเทิง นอ แม้ เว๊ ดี๊ จี้, ดี๊ เฌเทิง คูทุ้ นอ, กล้ะไบ้ะ เว๊ ดี๊ จี้, พ้อง อ เทิง กุ้ เทิง นอ โอ ดี๊ เซง โพะ เฌิ่งทะ เฌเทิง, แม้ เว๊ ดี๊ จี้
ไต้นี่ อ เฌเทิง คี๊ง ชี๊ง เทิง, ดี๊ แม้ อ คางไท้ะ ดี๊ ท่องบ้าง กุ้ เทิง ซวะ, อ บล้ะ บึ้เบง ดี๊ เฌเทิง, ดี๊ อ บ้อง แม้ เฌิ่ง อ เทิง นอ ไต้-อ้ะ ดี๊ จี้
ตไก้ยะ พี่ อ แม้ กดื้งทะ พ้อง วะชวะ นอ, แม้ เว๊ ดี๊ ตไก้ยะ ลูง ไว้ะไก้ อ แย ฌี้
ตไก้ยะ แม้ กดื้งทะ เท่อ ลู่ง เกล้ นึฆ้าง เด้ อ ป้ะตู๊ง พ้า นอ, โพล้ง อ จูงซี ช้ะกีงนี่ เว๊ ดี๊ ลูง เปย้า, ลูง ลึ้, ลูง โฌ้จีลี, ดี๊ ตไก้ยะ ลูง ไว้ะไก้ อ แย ฌี้, โท๊ ชี๊เทิง ชี๊ง โฆะ แพล่, โท๊ แดฆ้าง ลี่ง แพล่, ท๊องซุ้ ดี๊ ตไก้ยะ กางทะ เด้ อ พ้อง นอ
ทแม้ พี่ อางกีล้าง เอะ เมรารี อคลี๊งอแซ นอ, เมะเว๊ ทยู่แคว่ เซง พ้อง ทะ เด้กแช่แยว้ อ ล่างโอ อ ดอง, อ เจ้ เจ้ทะ เท่อ, เฌเทิง ดี๊ อ คาง, ดี๊ อ ทฆ้าทโฆ่ กุ้ อ เม้ง, เลา ดี๊ ทแม้ กุ้ อ เม้ง พี่ อ แบฆ้ะ ดี๊ ทลแพ อี้ง
เฌเทิง ดี๊ อ คาง พี่ พ้องวะทะ พ้อง, ล้ะ กึ้ พู ดี๊ พลี้ง จ้า เฌิ่งทะ เท่อ, เลา ดี๊ ทซู๊งทเจ่, ดี๊ ทกุ้เม้ง พี่ อ แบฆ้ะ ดี๊ เฌเทิง นอ, อ นอ น แบ กุ้นี่ เท่อ พี่ อ ซื๊ง แบ ยุ้ แบ โชะ เว๊ ลแพ นอ อ เม้ง
อ เว๊ ไต้ทางนี่ ท ตร้างทะ เฌเทิง คู คี๊ง ช๊อง ดี๊ ท่องบ้าง โล๊ล้างนี่ เว๊, บี่ซุ้ ม อางกีล้าง เว๊ เฌเทิง คูทุ้, เฌเทิง คูทุ้ อ โพ๊ ล พู๊งๆ, นอ, โท๊ ลี่ง แพล่ เบล
