4 ท่อง โพล้ง กุ้ อ แฌ้ พี่ โอ ดี๊ ทซีงแฌ๊แน่ฌ๊า, พี่ อ นี่ แม้ เท่อ ล เม้ง แบ ล เม้ง, ลู่ง ทแม้ ทแบ้แยว้ล่างลู่งอฌี้ อ ฌ่าง เฌ๊ ท้อง นอ, อ ซื๊งเว๊ โอโท๊ไฆวะ อ ทแม้
โพล้งแม้เท่อพู พี่ อ ฮะนี่ ทแม้เล้ง นอ แม้ เท่อ ล้อ, ทแม้ พี่ แม้ฌี้ทางไท้ เท่อ อี้ง นอ, เกทางนี่ ดี๊ อ ซื๊งเว๊ อ จูง, อ ซื๊งเว๊ ซีง แม้ฌี้ไท้ กแช่แยว้อล่างโอ ที๊ซุ้ไท้ ดี๊ อ ล่าง นอ, ดี๊ แม้เฌิ่งแม้ค๊าทางไท้ เว๊
อซื๊งเว๊ นี่แบ ทเทว๊ ดี๊ โมเซ เลาพะ, เมะเว๊ ทเทว๊ พี่ โพล้ง อีซลาเอง เฌ๊ เทว๊ เว๊ บี่ซุ้ ม เจ่-อ้ะ ลู่ง ทแม้ ทแบ้แยว้ล่างลู่งอฌี้ อ ฌ่าง, โพล้งเฌงพูฆ๊างพู เฌ๊ โชะ เท่อ พี่ อ ซ้ะ โอ แบซ้ะ เทว๊ เว๊ นอ กุ้ โฌ้ ได้ะ ล้อ
อซื๊งเว๊ เฌ๊ โล้ เอะ โมเซ ไจ้ะเว๊, “เท่อ พี่ ก ม เจ่-อ้ะ ลู่ง ทแม้ อ ฌ่าง บี่ซุ้ กแช่ยาเว อางแบเลา เว๊ นอ, โพล้งเฌงพูฆ๊างพู เฌ๊ โชะ เว๊ แอ น้ะ, ก เจ่-อ้ะ ล เลา ล้าแบ”
ช๊องมอง ดุ้ แฆว่, เพล่ พี่ อ โต้ อ ล้อง อ ไพ่ อ แซย๊, พี่ อ กแช่ อางกี ล้าง เว๊ ยู่แคว่ อ เด้า, ดี๊ เจ่ เอะ อ เพล่ อ ทอาง ท โอ้ แบ อ ช๊า อ โท่
กแช่ เยซู ไคล้ ช๊า-อ้ะ, “ช๊องมอง ดุ้ แฆว่ เพล่ พี่ อ โต้ อ ล้อง อ ไพ่ อ แซย๊, พี่ อ กแช่ อางกี ล้าง เว๊ ยู่แคว่ อ เด้า, ดี๊ เจ่ เอะ อ เพล่ อ ทอาง ท โอ้ แบ อ ช๊า อ โท่
ยี๊ แด กแช่ แยว้ เกล๊าง เอะ แย้ อ โก้ง อ โบ้ง อ บลึ้ อ บลาง, บี่ ซุ้ จ เก ซแล้ แม้ เด้า ลู่ง อ แม้ เท่อ ซี ล แฌ้, แย้ จ ไต้ อ เทิง, โพล้ง อ แฌ้แพ ไต้ เว๊ อ คู, กุ้ อ แฌ้ แบ ปโล่ ล้าง ซ้ะ เมะ ฌี้ อ เว๊ ไต้ เท่อ บี่ จะ เล้
