4 อกย้องบี่นอ โมเซ แพล้ ปางเปนี่ไท้ โล่ง บี่ซุ้ดี๊ อ ล่าง อู้ง คี๊ง เบง, ฌ้อง เฌ้เทิงทาง ลู่ง โฌ้ ล คึ, ลี้ทาง ลู่ง ทลู่ง ซีไน คู บี่ซุ้ดี๊ กแช่ ยาเว อางแบเลา-อ้ะ, ลี้ โชะ ดี๊ โล่ง ปางเป คี๊ง เบง
กแช่ยาเว เฌ๊ล้าง ลู่ง ทลู่ง ซีไน อ จ้องคู, กแช่ยาเว กุ้ โมเซ เกม๊า เว๊ อ ลี้ทาง ลู่ง ทลู่ง อ จ้องคู นอ, โมเซ ลี้ทาง เว๊ แด ล้อ
โมเซ ลี้ทาง โอ กแช่แยว้, ฌ้อง กแช่ยาเว ไคล้ ดี๊-อ้ะ ลู่ง ทลู่ง คู นอ ไจ้ะเว๊, “เกม๊า น โล้ เอะ ยาคุ้ อชื้ออชะ, ดี๊ โพล้ง อีซลาเอง นอ บี่อี้ง
โล่ง ปางเป คี๊ง เบง นอ เก กแช่แยว้ อ ทแม้, ดี๊ ไละเมะ พี่ แบ ทกวิ้ล้าง-อ้ะ นอ, เก กแช่แยว้ อ จูง ล่าง, พี่ อ กวิ้ล้างไน เว๊ ลู่ง โล่ง คู นอ ล้อ
กแช่ยาเว ไคล้ ดี๊ โมเซ ไจ้ะเว๊, “เกม๊า น แพล้ ปางเปนี่ไท้ โล่ง บี่ซุ้ดี๊ อ ล่าง อู้ง คี๊ง เบง, ฌ้อง จ ม กวิ้ล้าง ไท้ เท่อ โล่ง คู นอ ดี๊ ทไคล้ พี่ อ โอ โล่ง อ ล่างลี้ง ล้อง พี่ น แม้ เท้พ้ะ-อ้ะ ล โจ้ง อู้ง นอ
“ล ว๊าง นอ, กแช่ยาเว ไคล้ ดี๊ แย้ ไจ้ะเว๊, ‘เกม๊า แพล้นี่ โล่ง ปางเป คี๊ง เบง, เกม๊า อ บี่ซุ้ดี๊ อ ล่างๆ, อู้ง, ฌ้อง นอ เฌ๊ทางฌูง เฆ้อ ลู่ง ทลู่ง คู, ดี๊ ไต้ทางนี่ เว้ ไฮะ เซง ปะ
ยี๊แด จ ไต้ทางนี่ ไฮะ ดี๊ เซง น๊าเซ๊ง, ดี๊ แพล้นี่ โล่ง คี๊ง เบง บี่ซุ้ดี๊ อ ล่างๆ, อู้ง, ดี๊ ลี้ทาง ทลู่ง คู, โอ ดี๊ โล่ง ปางเป คี๊ง เบง ลู่ง จ จูง พ้า
