ทไจทางไฆวะ 33:4 - Northern Pwo Karen Thai Bible

⁴ ท่อง โพล้งเฌงพูฆ๊างพู แน่ฌ๊า ทอ้า อ ไฌ่ อี้ง นอ, อ ซื๊งเว๊ ซ้ะ ล มึ แบ น้ะ มะ, ดี๊ ล ไต้ทาง อ ซ้ะ น่าง แฌ้ แบ

ทไจทางไฆวะ 33:4 교차 참조

2​ซามูเอง 19:24

ซาอู อ พูแคว๊ เมฟีโบเช เฌ๊ล้าง ตองช๊า กจุ้แฆว้ ปะ, อ เว๊ ล นี่ ไต้ ฌี้ อ คาง แบ, ล นี่ โล้งไฆวะ อ แค ชอง แบ, ล นี่ อางชืง อ ไช๊ อ ช้าง น่าง เม้ง แบ, ล โค๊ ลู่ง ล นี้ง แย๊ พี่ กจุ้แฆว้ ไจไฆวะ, ท้อง อ เฌ๊ไท้ๆ, ดี๊ ทมึทพ้า

1​กจุ้แฆว้ 21:27

ดี๊ ลู่ง ไค๊ พี่ อาฮะ แน่ฌ๊า กแช่แยว้ อลู่งอแท๊ ลแพ อี้ง นอ, อ เว๊ ซย๊างยะล้าง อ ไช๊, ซุ้ทางก้ะ ตไก้ยะ กเซ้าะ, ดืง อาง เท่อ, มี๊ง ลู่ง ตไก้ยะ กเซ้าะ พ้า, ดี๊ ไจ ลี้ ไจ ไท้ ดี๊ นางแบล้างไท้ ซ้ะ, แม้ เท่อ ไพ้ะ

2​กจุ้แฆว้ 19:1

ท่อง กจุ้แฆว้ เฮเซคียา แน่ฌ๊า เว๊ บี่นอ, อ เว๊ ซย๊างยะ อ ไช๊ อ ช้าง, ดี๊ แม้นี่ ตไก้ยะ กเซ้าะ คลึไบ้ะล้าง อ ซ้ะ, ดี๊ ลี้ นึฆ้าง ลู่ง กแช่ยาเวอล่างโอ พ้า

เอซรา 9:3

ท่อง จ แน่ฌ๊า บี่อี้ง นอ, จ ซย๊างยะล้าง จ ไช๊, เลา ดี๊ จ ไช๊แค่ พ้ะโท๊, ดี๊ จ ทึ้ชี จ คูซู๊ง, ดี๊ ทึ้ชี จ นุ้ชอง แคพ้าง, ดี๊ ชี๊น้าง โอ โท๊มี๊งโท๊แม

โยบา 1:20

ฌ้อง นอ โยบา เฌ้เทิงทาง ซย๊างยะ อ ไช๊แค่ พ้ะโท๊ โล้งไฆวะ คู, แบ้ล้าง เท่อ ท้องล้าง ฌางคู คู, โบงทางแบ้ทาง เท่อ

โยบา 2:12

พี่ อ ซื๊งเว๊ซีงลแพ แด โยบา ไย้โยะ นอ ล นาง แบ เว๊ ล้าแบ, ดี๊ ฌางซย้ะทาง เท่อ, ล แฌ้ๆ, ซย๊างยะ ล้าง อ ไช๊แค่ พ้ะโท๊, ดี๊ พ๊าทาง ฌางคู มูง ลู่ง อ คูด้าง

ทไจทางไฆวะ 33:6

อกย้องบี่นอ, โพล้ง อีซลาเอง เบ้าะล้างไฆวะ อ ทไต้ทาง ซ้ะ นอ เฆาะ, ล โค๊ ลู่ง อ โอ ทลู่ง โฮเร นอ เย้า

อีซยา 32:11

กมืง พี่ โอ ดี๊ ท เฆว๊เซิงเฆว๊ซ้ะ-เอ้อ, เกม๊า ว้ะโทะ น๊างแฌ้ โพล้ง พี่ โอ ดี๊ ท คื๊งเซิงแล้ศซ้ะ-เอ้อ, เกม๊า ซยึ้ เท่อ ว้ะโทะ น๊างแฌ้ เกม๊า ไบลไฆวะ ไช๊, ดี๊ โอ โบลงโกง ฌ้อง แม้นี่ ตไก้ยะ กเซ้าะ เราทะ ย่างเด้ง

เอเซเคียง 24:17

น แซซยูทาง ซี, แบเด้าะ เกม๊า โอ ดี๊ อ ลู่ง ล ฌี้, มองแบม้ะแบ โพล้ง ซี๊ง ล ฌี้, เกม๊า เราทาง น ตไก้ยะ, ดี๊ ไย่ทาง คางไพ้ะ ลู่ง น คาง ล้อง, กาไบ้ะ ทะ โพล้ง แบมองแบม้ะ เท่อ อ นุ้ชอง-อ้า, อาง อ ทอาง-อ้า ล ฌี้

เอเซเคียง 24:23

ตไก้ยะ ชองคู ม โอ น คูล้อง, ดี๊ คางไพ้ะ ม โอ ลู่ง น คางล้อง, ดี๊ น ซื๊ง ม ล มองแบม้ะแบ เท่อ-อ้า, ฌาง-อ้า แบ, แบเด้าะ ม โคะฌืงล้าง ลู่ง น ทไพ้ะทแม อกย้อง, ดี๊ ม ฌางอีงฌางเอ้า ซกุ้ โละซ้ะ

เอเซเคียง 26:16

ฌ้อง ท อคูอแน่ ลู่ง ปางเล เลาพะ นอ, ม แค๊ล้าง นี่ อ คาง ลู่ง ล่างชี๊น้าง คู, ฌ้อง ม เบ้าล้างไฆวะ อฆ้าอโฆ่, ดี๊ ไบลล้างไฆวะ อ ทซุ้ทก้อง พี่ โอ ดี๊ อกีงอไว้ ช้ะ นี่ นอ, ดี๊ ม แม้นี่ ท ว้ะโทะ ซ้ะเม เฌ๊ เก อฆ้าอโฆ่, ม ชี๊น้าง โอ ฌางคูคู, ดี๊ ว้ะโทะ น๊างบ้องน๊างเย้, ดี๊ ซ้ะเมซ้ะไพล้ เท่อ ลู่ง น กย้อง ล้อ

โฮเชยา 7:14

อ เว๊ ล นี่ กุ้ทาง เฆ้อ แบฆ้ะ ดี๊ ทน้ะทโน๊ง ลู่ง ท เซิงเท่งซ้ะโต้ แบ แบเด้าะ อ เว๊ ฌางล้างย้าล้าง โอ ลู่ง ล่างมี๊งคู อ เว๊ เก้าเฌะล้าง อล้องอย่าง, บี่ซุ้ อางท่าง นี่ บืง ดี๊ ไซ้ะ ซไบ้ะแซ ที๊ง อ ซ๊าง อ เว๊ กไบล้ะกแบล ดี๊ เฆ้อ

เลวี​อ​ไฌ่ 10:6

โมเซ โล้ เอะ อาโรง, ดี๊ อ พูแคว๊ เอเลอาซา, ดี๊ อีทามา, ไจ้ะเว๊, “แม้ ล้างเชาล้างเช้ น คูซู๊ง ล ฌี้, ซย๊างยะ ล้าง นไช๊นช้าง ล ฌี้, บี่ซุ้ น ล แบ ซี๊ง แบ, ดี๊ บี่ซุ้ กแช่แยว้ อ ทซ้ะทาง ล ล้างแบ โพล้ง น๊างมู๊ง แบ, แบเด้าะ น พื่ง น วี่, เมะเว๊ โพล้ง อีซลาเอง อชื้ออชะ กุ้ แฌ้, ม มองแบม้ะแบ เท่อ, ลู่ง กแช่ยาเว เกม๊า มี อาง ซี๊ง-อ้ะ อกย้อง นอ ซี

โยนา 3:6

ท่อง ทโล้โค อี้ง, แซ้ ลี้ ท้อง กจุ้แฆว้ ลู่ง นีนาเว นอ, อ เว๊ เฌ้เทิงทาง นี่ ลู่ง อ ล่าง ชี๊น้าง, ดี๊ ไบลไฆวะ อไช๊อช้าง, ฌ้อง ซุ้ทาง ก้ะ ตไก้ยะ กเซ้าะ, ดี๊ ชี๊น้าง โอ ลู่ง พี๊แคล อ โป้ง คู

เซคารียา 7:3

ดี๊ อวีงซ้ะชู้ แบ กเย่ โพล้งลื่งเท่ออคู, ลู่ง เด้ กแช่ยาเว ซึ้คู ดูทึชองทึ อ ล่างโอ พ้า, ดี๊ อวีงซ้ะชู้ แบ โมไคล้คิ้กแช่แยว้ ไจ้ะเว๊, “พี่ จ มองแบม้ะแบ เท่อ, ดี๊ ดืงอาง ทอาง ลู่ง แล้ เย่ เบง ล เบง พ้า, ด้องซุ้ พี่ จ นี่ แม้-อ้ะ ลู่ง อ พ้องไฆวะ ตบลึ้ เนง เย้า นอ, เกิ้ง ชี่-อ้า?”

เซคารียา 7:5

“เกม๊า โล้ เอะ โพล้ง เฌงพูฆ๊างพู กุ้แฌ้, ดี๊ โล้ เอะ กเย่ โพล้งลื่งเท่ออคู บี่อี้ง, ‘พี่ น ซื๊ง ซีง ลแพ, ดืงอาง ทอาง ดี๊ มองแบม้ะแบ เท่อ ลู่ง แล้ เย่ เบง ล เบง พ้า, ดี๊ ลู่ง แล้ เนว๊ เบง ล เบง พ้า, อ เนง เนว๊ชี๊ง แย๊ นอ, น ดืงอาง ทอาง ลู่ง ก ฌ่าง, เมะเว๊ เฆ้อ อี้ง ชี่-อ้า?

เกล้​ท​ซ้ะวี่ง 14:1

ฌ้อง โพล้ง น๊างมู๊ง เลาพะ กุ้ซย้ะ ทาง เท่อ, ดี๊ โพล้งเฌงพูฆ๊างพู ฌาง ล แน้ แย๊ นอ

เกล้​ท​ซ้ะวี่ง 14:39

ท่อง โมเซ อางโล๊ไท้ เอะ โพล้ง อีซลาเอง กุ้ แฌ้ แบฆ้ะ ดี๊ ทไคล้ อี้ง นอ, โพล้งเฌงพูฆ๊างพู ฌางล้างย้าล้าง แบมองแบม้ะ เท่อ น้ะ มะ ล้อ

1ซามูเอง 6:19

กแช่แยว้ แม้ซี๊ง โพล้ง เบเชเม, เมะเว๊ อ ซื๊งเว๊ แคว่ล้าง กแช่ยาเว อ ไฮะ พ้า, เป๊งนี่ อ นอ, กแช่แยว้ แม้ซี๊ง-อ้ะ เนว๊ ชี๊ง แฌ้ ลู่ง โพล้ง เย่ ไซ แฌ้ พ้า นอ ดี๊ โพล้งเฌงพูฆ๊างพู มองแบ เท่อ, เมะเว๊ กแช่ยาเว แม้ซี๊ง โพล้งเฌงพูฆ๊างพู แอฌี่งแอฌ้อง