ทไจทางไฆวะ 30:6 - Northern Pwo Karen Thai Bible

⁶ ทล่าง เช้า ทน๊าม๊า นอ, น แบ ช๊างล้าง-อ้ะ ลู่ง ตไก้ยะ กางทะ เท่อ นอ อ โคล๊ง ล โค๊, พี่ อ โอ ลู่ง ไฮะ ทล่าง แม้ไน ทอืงล้าง อ เมะแย๊, ดี๊ ไฮะ อ คูกล้ะ แยว้ อ ทย๊างซ้ะ อ ล่าง, พี่ อ โอ ลู่ง ทอืงล้าง แม้ไน เท่อ คี๊ง เบง อ คูด้าง นอ, อ นอ, เก ทล่าง พี่ จ ม ต้องนอง แน้

ทไจทางไฆวะ 30:6 교차 참조

1​ทกวิ้ไน 23:13

อางราง อ พู นอ เมะเว๊ อาโรง, ดี๊ โมเซ, อาโรง นอ แบ ทอางกีเจ-อ้ะ, ม๊า เก โพล้ง แม้ ทไฌ่ อางกี ฌี้ เท่อ พี่ อฌี้อแอว้ ทึ, เลา ดี๊ อ กแช่ ดี๊ อ พู นอ ล้างชู้, บี่ซุ้ เช้า ทน๊าม๊า ลู่ง กแช่ยาเว อ เมะแซ พ้า, ดี๊ แม้ เอะ เว๊ อ เท่อ, ดี๊ ชูฌี้ เท่อ ลู่ง กแช่แยว้ อ เม้ง ล้างชู้ นอ ล้อ

1​ทกวิ้ไน 28:11

ฌ้อง ดาเว เกล๊าง เอะ อ พูแคว๊ ซาโลโม อ เท่อ บี่อี้ง, เว่งฮ๊าง อ ด้อง, ดี๊ เด้า ล โพลง แบ ล โพลง พี่ เว่งฮ๊าง เว๊ นอ, ทล่างอางกีซยองเท่อ, ทล่าง ท้ะโค๊ ล เช้า, ทล่าง แย๊โค๊ ล เช้า, ดี๊ ไฮะ คูกล้ะ แยว้ อ ทย๊างซ้ะ ล่าง ล เช้า นอ

ทไจทางไฆวะ 30:36

ม๊า น แม้นี่-อ้ะ ล น้าง, อางชื๊ง บลิ้-อ้ะ กมูงคลูง, ดี๊ อางกีล้าง-อ้ะ ลู่ง ไฮะ ทล่าง แม้ไน ทอืงล้าง อ เมะแซ พ้า, ลู่ง เด้ทโอซยองอล่าง พ้า, พี่ จ ม แด โละซ้ะ ดี๊ แน้ นอ, ทน๊าม๊า นอ, น ซื๊ง แบ ทื๊ง-อ้ะ เก เท่อ ลู่ง อ ฌี้ทึแอว้ทึ

ทไจทางไฆวะ 30:5

อ มี่ก้าง นอ แม้-อ้ะ ดี๊ เซง น๊าเซ๊ง, กล้ะไบ้ะ-อ้ะ ดี๊ ท๊อง

ทไจทางไฆวะ 30:7

เกม๊า อาโรง เช้า ท น๊าม๊า, ลู่ง ทลื่งล่าง คู นอ กุ้ อ โฌ้, พี่ อ เว๊ แม้ ฌี้ มีโด้ง นอ, อ เว๊ ม เช้า ทน๊าม๊า ปะ

ทไจทางไฆวะ 40:26

อ เว๊ ช๊างล้าง ทลื่งล่าง ท๊อง ลู่ง เด้ทโอซยองอล่าง พ้า, ลู่ง ตไก้ยะ กางทะ เท่อ อ เมะแซ พ้า นอ

ทไจทางไฆวะ 40:3

เกม๊า อางกีล้าง ไฮะ ทล่าง แม้ไน ทอืงล้าง อ พ้า แย๊ โค๊, ดี๊ แม้ กดื้งทะ ไฮะ ดี๊ ตไก้ยะ กางทะ เท่อ นอ

ทไจทางไฆวะ 40:5

เกม๊า ช๊างล้าง ทลื่งล่าง ท๊อง ลู่ง ท เช้า ทน๊าม๊า อ ฌ่าง, พี่ อ โอ ฆ้าง ดี๊ ไฮะ ทล่าง แม้ไน ทอืงล้าง อ เมะแซ พ้า นอ, ฌ้อง กาง กดื้งทะ เด้กแช่แยว้อล่างโอ อ เกล้ ป้ะตู๊ง นอ

เลวี​อ​ไฌ่ 16:13

ฌ้อง แม้นี่ ทน๊าม๊า นอ, เช้าพล้าง ล้าง มีอ้า พ้า, ลู่ง กแช่ยาเว อ เมะแซ พ้า, เกม๊า ทน๊าม๊า อ คูง นอ, คูงทาง ไบ้ะ ไฮะ อ คูกล้ะ แยว้ อ ทย๊างซ้ะ อ ล่าง, พี่ โอ ลู่ง ทอืงล้าง แม้ไน เท่อ อ คูด้าง นอ, บี่ซุ้ อ เว๊ ม ล ซี๊ง แบ

เกล้​ท​ซ้ะวี่ง 17:4

เกม๊า อางกีล้าง นางทุ้บ้อง ลแพ นอ ลู่ง เด้ทโอซยองอล่าง พ้า, ฆ้าง ดี๊ ไฮะ ทล่าง แม้ไน ทอืงล้าง อ เมะแซ พ้า พี่ จ แด โละซ้ะ ดี๊ น ซื๊ง กุ้ แฌ้ นอ

ม้ะทู 27:51

ล ทีง ฆ่าง นอ, ตไก้ยะ พี่ อ กางทะ เท่อ เว่งฮ๊าง พ้า ล เบง นอ, ยะ ล โค๊ ลู่ง อ คูไท้ะ ท้อง ล้าง ลู่ง อ คางไท้ะ, เก ทาง ก้ะ คี๊ง กึ้ นอ ล้อ, ฌางคู ว้ะ, ไล๊ เท่พ้ะ ไฆวะ

ฮีบรู 4:16

ท บี่ นอ, เกม๊า ก โอ ดี๊ เซิง เบิง ซ้ะ เบิง พี่ ม ลี้ ลู่ง กแช่ แยว้ อ เมะแซ พ้า, ลู่ง อ โอ ดี๊ อ โก้ง อ โบ้ง อ บลึ้ อ บลาง, บี่ ซุ้ ก ม นี่ แบ อ ท ย๊างเซิง ย๊างซ้ะ ดี๊ อ บลึ้ อ บลาง ลู่ง ม แม้ช้า เฆ้อ, พี่ ล โท้ แย๊ ก แบ ซ้ะ-อ้ะ นอ ล้อ