4 แม้นี่ อ แน่โวง ดี๊ ท๊อง คี๊ง โวง, ท๊างทาง-อ้ะ ลู่ง อ กีง เช๊ละ แพ้ บ้องๆ, เกม๊า โอ กแท้ โละอซ้ะ, อ แน่โวง นอ อางกี ลองฆ้าง อ มี่ก้าง พี่ ม ยุ้-อ้ะ ซี
เกม๊า น โล๊ล้างนี่ ไฮะ อ แน่ ดี๊ ท๊อง, แม้ กโวง นี่-อ้ะ ลี่ง โวง, ท๊างทาง-อ้ะ ลู่ง ไฮะ อ โนง ล้อง นอ ลี่ง โนง เลา, อี้งโค๊แพ้ คี๊ง โวง, อู้งโค๊แพ้ คี๊ง โวง
ฌ้อง ลองฆ้าง มี่ก้าง นอ ลู่ง ไฮะ อ แน่โวง พ้า, บี่ซุ้ อางกี โชะทาง ไฮะ นอ
ทกโวง นอ เกม๊า น แม้ บึ้เบง-อ้ะ เบ้า ดี๊ อ คูด้า, พี่ ม อางกี ลองฆ้าง มี่ก้าง นอ
อ ดอง ลแพ นอ, กล้ะไบ้ะ-อ้ะ ดี๊ ท๊อง, ดี๊ แม้ อ แน่โวง ดี๊ ท๊อง อางกี ลองฆ้าง อ เจ้ พี่ นอ, ดี๊ อ เจ้ นอ กล้ะไบ้ะ-อ้ะ ดี๊ ท๊อง
ฌ้อง แม้นี่ ท่องบ้าง ไต้ทาง ทฆี นอ ลู่ง ทลื่งทาง ล่าง นอ อ ฌ่าง, ดี๊ ไต้นี่ อ แน่โวง ดี๊ ท่องบ้าง, ไต้ะทาง-อ้ะ ลู่ง ทฆี อ โนง ล้อง ลี่ง โนง นอ
มี่ก้าง นอ ลอง ฆ้าง-อ้ะ ลู่ง อ แน่โวง พ้า, เมะ ยุ้-อ้ะ นอ, มี่ก้าง ม โอ เว๊ แด ลู่ง ทลื่งล่าง อ แพ้ล้อง นอ แพ้ บ้องๆ
ทล่าง นอ กล้ะไบ้ะ-อ้ะ ดี๊ ท๊อง ลู่ง อ แย ฌี้, เลา ดี๊ ท้ะโค๊ แพ้, ดี๊ อ ฆ้อง กุ้ แพ้, ดี๊ อ โน้ง นอ ปะ, แม้-อ้ะ อ โนง ดี๊ ท๊อง วะชวะ ทล่าง นอ
อ มี่ก้าง นอ แม้-อ้ะ ดี๊ เซง น๊าเซ๊ง, กล้ะไบ้ะ-อ้ะ ดี๊ ท๊อง
