2 เกม๊า อ โท๊ ล แพล่, เล่ ล แพล่, โท๊ ชี๊เทิง คี๊ง แพล่, แม้-อ้ะ เก ลี่งคองลี่งแพ้, อ โน้ง พี่ อ โนง ล้อง นอ แม้-อ้ะ เก เซง ล กึ้ ฆ่าง ดี๊ อ กแช่
แม้นี่ อ โน้ง ไต้ะทาง-อ้ะ ลู่ง อ โนง ล้อง ลี่ง โนง เลา, เกม๊า อ บึ้เบง โละซ้ะ ดี๊ ทล่าง นอ, ดี๊ เกม๊า กล้ะไบ้ะ-อ้ะ ดี๊ ท่องบ้าง
เกม๊า จูงล้าง น จูงโน้ง ลู่ง งู้ นอ อ ซวีง พ้า, เท้า แบ ทลื่งล่าง อ โน้ง ล้อง นอ ล น้าง, เมะ ทซวีง พี่ โอก้ะ ลแพ นอ, ลู๊งล้าง-อ้ะ ลู่ง ทลื่งล่าง อ คางไท้ะ นอ เลาพะ
“เกม๊า น ไต้นี่ ทลื่งล่าง เช้า ทน๊าม๊า, ไต้-อ้ะ ดี๊ เซง น๊าเซ๊ง
ทล่าง นอ กล้ะไบ้ะ-อ้ะ ดี๊ ท๊อง ลู่ง อ แย ฌี้, เลา ดี๊ ท้ะโค๊ แพ้, ดี๊ อ ฆ้อง กุ้ แพ้, ดี๊ อ โน้ง นอ ปะ, แม้-อ้ะ อ โนง ดี๊ ท๊อง วะชวะ ทล่าง นอ
ท่อง ท มุ้คู พู ฆู๊ง แฌ้ ล แฌ้ อูง ทาง ควี้ นอ, จ แน่ฌ๊า ท อ ลู่ง เซ๊ ทาง ลู่ง ท แบ้ ทาง อ ล่าง, พี่ อ ไต้ เว๊ ดี๊ ท๊อง ล ช๊อง นอ อ โนง ลี่ง แพ้, พี่ อ โอ ลู่ง กแช่ แยว้ อ เมะแซ พ้า
