34 เกม๊า แพ๊ชิ้ชุ้-อ้ะ, เมะเว๊ เฆว้งแซ ท๊อง ล โพลง, ม้างเกาะ แซ ล โพลง, โอ เว๊ วะ ไช๊อคี่งพ้าลท๊า นอ อ คางไท้ะ
โพล้ง อ ชื้อ, พี่ ซีงแฌ๊ ท ซองลี้, ดี๊ ทเซิงฆวี๊งซ้ะโย้ นอ, โอมึโอพ้า ล้อ จ กแช่ยาเว-เอ้อ, เมะเว๊ กเย่ โพล้ง พี่ ไจ ลู่ง ทพ้าง พ้า ลู่ง กแช่แยว้ อ เมะแซ พ้า
ลู่ง ไช๊ อ คางไท้ะ นอ, เกม๊า ช้ะทาง ลูง ล โพลงๆ, แบด้อง ม้างเกาะ แซ, อ นอ, แม้-อ้ะ ดี๊ ลูง เปย้า, ลูง ลึ้, ลูง โฌ้จีลี, ดี๊ เฆว้งแซ ท๊อง โอ เว๊ อ เบ้าช้า พ้า ล โพลงๆ, วะ ไช๊ อ คางไท้ะ นอ
อาโรง ม ซุ้ ไช๊ ล เบง อี้ง พี่ อ เว๊ แม้ แยว้ อ เท่อ, บี่ซุ้ โพล้ง ม แน่ฌ๊า เฆว้งแซ เซ๊, พี่ อ เว๊ ลี้ โอ กแช่ยาเว ลู่ง ทล่างฌี้ล่างแอว้ พ้า นอ, ดี๊ พี่ อ เว๊ นึฆ้าง ไจทาง นอ อ เว๊ ล ซี๊ง แบ
อ เว๊ แม้ ไช๊อคี่งพ้าลท๊า ชุ้ โละซ้ะ ดี๊ ไช๊อเบงคูลท๊า นอ, อ นอ แม้ เว๊ ดี๊ ลูง เปย้า, พี่ โพล้ง ท้ะนี่ เว๊
เมะเว๊ แด เฆว้งแซ ล โพลง, ฌ้อง นอ ม้างเกาะ แซ ล โพลง, แพ๊ล้าง เว๊ อ เบ้าช้า พ้า บี่อี้ง วะ ไช๊อคี่งพ้าลท๊า นอ อ คางไท้ะ, อ นอ อางกี ซุ้ เว๊ ลู่ง ทแม้ กแช่แยว้ อ เท่อ อ ฌ่าง, แม้ เว๊ ด้องซุ้ กแช่ยาเว อางแบเลา โมเซ นอ ล้อ
ท๊อ มื่งเทิง เกทาง โอ ลู่ง เซง เม้ง แกล้ บี่จะเล้ นอ โพล้ง พี่ จ เอ-อ้ะ นอ, โอ ลู่ง กแคว๊ น่างบางซ้ะบาง อ แฌ้แพ อซุ้อแกล้ บี่นอ ล้อ จ ชี๊น้าง โอ ซยืง อ เช๊ละ มึ มะ ดี๊ อซูงอแซ พี่ จ อาง ดุ้-อ้ะ นอ, ช๊า ฌี้ มะ
น ได้ บาง นอ เมะเว๊ โซ๊ง ม้างเกาะ มื่งเทิง ล พ๊า ฆ่าง ดี๊ อซูงอแซ พี่ นี่แบ ท อางลึนี่-อ้ะ เลา ดี๊ แยซู แอว้ มื่งเทิง ดี๊ นาราดา มื่งเทิง
น นุ้เฌะ โฌ้ ด้องซุ้ ลูง โฌ้ ฆี่ง ดี๊ น นุ้ นอ ฌี้ มะ น แน่เก้งไท้ะ พี่ โอ ตไก้ยะ คลึไบ้ะ เมะ เช๊ละ นอ ด้องซุ้ ม้างเกาะ แซ โฌ้ ไก้พ้ะ
จ ลี้ ล้าง ลู่ง โซ๊ง วองนะ บี่ซุ้ ม แคว่ เซง น๊างโป้ง แล๊แค๊ ลู่ง ทแด้คู บี่ซุ้ ม แคว่ เว๊ ซไบ้ะแซ มื่ง ดุ้ทาง เย้า-อ้า ดี๊ บี่ซุ้ ม แคว่ เว๊ ม้างเกาะ มื่งเทิง อ โพ๊ โอ เย้า-อ้า
น แน่เก้ง ไท้ะ พี่ โอ ตไก้ยะ คลึไบ้ะ เมะ เช๊ละ นอ บี่ซุ้ดี๊ ม้างเกาะ แซ ไก้พ้ะ
ฌ้อง จ ม นี่ ลี้วี่งลี้ฌ้า แน้ เฌ๊ฆ้าง ฌ้า แน้ ลู่ง จ มู่ อ เด้า พ้า โพล้ง พี่ นี่ ซองแย้ซ๊างแย้ จ ม นี่ เกม๊า น โอ้ ไซ้ะ ซไบ้ะแซ ที๊ง ชวี๊งล้าง ดี๊ ทน๊าม๊า ดี๊ โอ้ จ ม้างเกาะแซ ที๊ง
น ซื๊ง ล อางลึ นี่ แย้ แบ, จ อางลึ นี่ น ซื๊ง ล โค๊ ล้อ, จ อางกี ล้าง น ซื๊ง เกม๊า น ลี้ เท่อ ดี๊ ซูง ทาง แซ ทาง, เก ท ซูง ทาง แซ ทาง ลู่ง อ เฌิ่ง อ ค๊า ครึๆ, บี่ ซุ้ น ซื๊ง เมะ อางท่าง เท่อ ดี๊ จ แพ่ เม้ง ฌี้ เม้ง ฌี้ ลู่ง จ เม้ง จ แซ นอ, อ เว๊ ม เกล๊าง น ซื๊ง กุ้ อ เม้ง ล้อ
บี่ ซุ้ น ซื๊ง ม แม้ ซ้ะ เกิ้ง ดี๊ กแช่ แยว้ ดี๊ แม้ เท่อ พี่ อ แบ กแช่ แยว้ อ ซ้ะ ครึๆ, พี่ น ซื๊ง แม้ ซ้ะ บี่ นอ, น ม แม้ ท ฌี้ กุ้ เม้ง กุ้ เจ้ง, ดี๊ ม ซีงแฌ๊ กแช่ แยว้ แอ ทาง โฌ่ ทาง ล้อ
