22 เกม๊า น ไต้นี่ ท่องพู ไวะไก้ ดี๊ ท๊อง ลู่ง อ แย ฌี้, ท๊างทาง-อ้ะ ลู่ง ตไก้ยะกล้ะทะซ้ะแน๊ นอ อ ล้อง
โอ ดี๊ อ เมะ เก ทฆี อ ฌ้าง, ดี๊ เพ๊ พลี้ง ท้ะ ลู่ง เฌเทิง คู อ โพ๊ พี่ โอ เฌเทิง คูทุ้ นอ อ ฌ่าง, เฌเทิง คูทุ้ อ โพ๊ เนว๊ พู๊ง นอ, ลู่ง เฌเทิง ล เทิงๆ, นอ, อ ฌ่าง
ฮูราง ไต้ทางนี่ ม้างเกาะ แซ อ ฌ้าง คี๊ง เทว, พ้องวะทะ ทฆี ล เบง, บี่ซุ้ คลึไบ้ะ เฌเทิง คู อ โพ๊ พี่ อ โอ เฌเทิง คูทุ้ คู นอ, ดี๊ เฌเทิง คูทุ้ อ โพ๊ ล พู๊ง เด้าะ อ ฌ่าง นอ, อ เว๊ แม้ เว๊ ล เม้ง ฆ่าง นอ ปะ
ดี๊ ไต้นี่ เพ๊ คี๊ง บ้อง, แม้-อ้ะ ดี๊ ท๊อง ลู่ง อ แย ฌี้, เก ท่องพู ไวะไก้, ฌ้อง ไต้ะทาง-อ้ะ ลู่ง ทโด้ง ล้อง นอ
ทแมล่ ล ชี๊ง คี๊ง เม้ง อี้ง นอ, เกม๊า กวิ้ล้าง อีซลาเอง อ พู ล แฌ้ๆ, นอ อ เม้ง, โอ เว๊ แด ล ฆ๊างๆ, ชิ้ทาง ล ชี๊ง คี๊ง ชื้อ นอ, แม้-อ้ะ บี่ซุ้ดี๊ โพล้ง แพล้นี่ ทแม้ไน นอ อ ฌ้าง
ดี๊ เกม๊า น ไต้นี่ ทกโวง ดี๊ ท๊อง คี๊ง โวง, ท๊างทาง-อ้ะ ลู่ง ตไก้ยะกล้ะทะซ้ะแน๊ อ โนง ท้ะโค๊ แพ้ คี๊ง โนง นอ
