4 ลูง เปย้า, ลูง ลึ้, ลูง โฌ้จีลี, ตไก้ยะ ลูง ไว้ะไก้ อ แย ฌี้, ดี๊ แมะ อ ชอง
ฟาโร เบ้าะล้าง อ จูงไซ้ะ แม้ไน เท่อ ลู่ง อ จูง ล้อง, ดึ้ ซุ้ทาง เว๊ ลู่ง โยซิ้ อ จูง ล้อง, ดี๊ เกม๊า เว๊ อ ซุ้ทาง ไช๊ช้าง ลูงไว้ะไก้, ดี๊ ไละทาง เอะ เว๊ อ เพ๊ท๊อง ลู่ง อ โคะบ้อง ล้อง นอ ล้อ
ทเทว๊ พี่ น ม แม้นี่ ดี๊ อ ซื๊งเว๊ ลแพ นอ เมะเว๊ ท๊อง, จี้, ท่องบ้าง
แกะ แพ๊ อ ไพ้ะ ย้อง โฌ้, ดี๊ ทไพ้ะ ลู่ง อ ฌี้ ดี๊ เซง น๊าเซ๊ง
“เกม๊า โพล้ง จูงซีเมะโชะ ลแพ นอ แม้นี่ ท๊อง, ลูง เปย้า, ลูง ลึ้, ลูง โฌ้จีลี, ดี๊ ตไก้ยะ ลูง ไว้ะไก้ อ แย ฌี้
เกม๊า อ ซื๊งเว๊ แม้ ไช๊อเบงคูลท๊า นอ ดี๊ ท๊อง, ดี๊ ลูง เปย้า, ลูง ลึ้, ลูง โฌ้จีลี, ดี๊ ตไก้ยะ ลูง ไว้ะไก้ อ แย ฌี้, เกม๊า โพล้ง อ จูง ซี ลแพ นอ ช้ะนี่ เว๊
ก ไต้ฆี๊ง แน้ ดี๊ ไช๊ ช้ะกีงช้ะไว้, ดี๊ แม้นี่ คางไพ้ะ ทไพ้ะ ลู่ง อ ฌี้ ดึ้ ซุ้ทาง เอะ แน้, ก พุ้ไบ้ะ ทะ แน้ ดี๊ ตไก้ยะ อ แย ฌี้, ดี๊ คลึไบ้ะ แน้ ดี๊ ตไก้ยะ อ ฆวี้ แค้ ล้อ
แบเด้าะ น คลี๊ง อ ได้ะ นอ แม้ เว๊ ดี๊ ตไก้ยะ ลูง ไว้ะไก้, ช้ะ เว๊ ตกีงดีง, เฌ๊นี่ ลู่ง อีไย้ะ เลา ดี๊ เจ่ เว๊ เก น คลี๊ง อ ตไก้ยะ แม้ไน เท่อ ตไก้ยะ อ ซี่ง เปย้า ซี่ง ลึ้พึ, เฌ๊นี่ ลู่ง เก้าะ เอลีชา เก น เด้าคู ลู่ง อ ทึทาง ล คะ นอ อ คู
กแช่ แยว้ เกม๊า เม้ากแช่ มืง นอ ไต้ทาง อ ซ้ะ ดี๊ ตไก้ยะ ลู่ง อ ฌี้ ทึ”, (อ นอ เมะ เว๊ เท่อ พี่ กแช่ แยว้ อ พู อ ลี้ง แม้ เว๊ ลู่ง อ แบ กแช่ แยว้ อ ซ้ะ)
