12 เกม๊า น โล๊ล้างนี่ ไฮะ อ แน่ ดี๊ ท๊อง, แม้ กโวง นี่-อ้ะ ลี่ง โวง, ท๊างทาง-อ้ะ ลู่ง ไฮะ อ โนง ล้อง นอ ลี่ง โนง เลา, อี้งโค๊แพ้ คี๊ง โวง, อู้งโค๊แพ้ คี๊ง โวง
เกม๊า น กล้ะไบ้ะ ไฮะ นอ ดี๊ ท๊อง ลู่ง อ แย ฌี้ เลา ดี๊ อ โคล๊ง ดี๊ อ พ้า คี๊ง โค๊ เลา, ฌ้อง แม้ อ คูด้า ดี๊ ท๊อง วะชวะ ไฮะ นอ
เกม๊า ไต้นี่ มี่ก้าง ดี๊ เซง น๊าเซ๊ง, กล้ะไบ้ะ-อ้ะ ดี๊ ท๊อง
มี่ก้าง นอ ลองฆ้าง ท๊าง-อ้ะ ไฮะ อ แน่โวง พ้า นอ คระ, ทึ้ทางไฆวะ-อ้ะ ล ฌี้
ไต้ทางนี่ ทกโวง ดี๊ ท๊อง ลี่ง บ้อง, ท๊างทาง-อ้ะ ลู่ง คะ อ คาง อ โนง ท้ะโค๊ แพ้ นอ อ ล้อง ลี่ง โนง เลา
อ ดอง ลแพ นอ, กล้ะไบ้ะ-อ้ะ ดี๊ ท๊อง, ดี๊ แม้ อ แน่โวง ดี๊ ท๊อง อางกี ลองฆ้าง อ เจ้ พี่ นอ, ดี๊ อ เจ้ นอ กล้ะไบ้ะ-อ้ะ ดี๊ ท๊อง
มี่ก้าง นอ ลอง ฆ้าง-อ้ะ ลู่ง อ แน่โวง พ้า, เมะ ยุ้-อ้ะ นอ, มี่ก้าง ม โอ เว๊ แด ลู่ง ทลื่งล่าง อ แพ้ล้อง นอ แพ้ บ้องๆ
อ เว๊ ลอง ฆ้าง มี่ก้าง ลู่ง ไฮะ อ แน่โวง พ้า พี่ ม ยุ้ ไฮะ นอ
ท่องอช๊าง นอ, ลองฆ้าง มี่ก้าง ลู่ง ทโวง พ้า, ลู่ง ทลื่งล่าง อ แพ้ล้อง พี่ ม ยุ้ เว๊, อ เว๊ แม้ ทลื่งล่าง นอ ดี๊ เซงปางเป, เกม๊า เว๊ อ พ้า แย๊โค๊ นอ ล้างว้าง
ดี๊ ไต้นี่ ทโด้ง คี๊ง โด้ง, โอ ดี๊ อกีงอไว้, ดี๊ ไต้นี่ ทกโวง ดี๊ ท๊อง คี๊ง โวง, ท๊างทาง เว๊ ลู่ง ตไก้ยะกล้ะทะซ้ะแน๊ อ โนง ท้ะโค๊ แพ้ คี๊ง โนง นอ
