10 “เกม๊า อ ซื๊งเว๊ ไต้นี่ ไฮะ ดี๊ เซง น๊าเซ๊ง ล ไฮะ, โท๊ คี๊ง แพล่ ดี๊ ล แท๊, เล่ ล แพล่ ล แท๊, ดี๊ โท๊ ชี๊เทิง ล โค๊ นอ ล แพล่ ล แท๊
ซาโลโม ลี้ แม้นี่ ฟาโร อ พูมืง ลู่ง เว่ง ดาเว พ้า, เฌ๊ไท้ฌ้า เว๊ ลู่ง บลาง พี่ อ ไต้ นี่ เอะ เว๊ นอ, เมะเว๊ ซาโลโม ไจ้ะเว๊, “จ แม๊ ล เกิ้ง โอ ลู่ง โพล้ง อีซลาเอง อ กจุ้แฆว้ ดาเว อ บลาง พ้า แบ, เมะเว๊ ทล่าง ล จอง แบ ล จอง, พี่ กแช่ยาเว อ ไฮะ นึฆ้าง ท้อง นอ, เก ทล่าง พี่ อฌี้อแอว้ ล้อ”
เมะเว๊ เด้ทโอซยองอล่าง, ไฮะ ทล่าง แม้ไน ทอืงล้าง, ดี๊ อ คูกล้ะ แยว้ อ ทย๊างซ้ะ อ ล่าง, ดี๊ เด้ อฆ้าอโฆ่ กุ้เม้ง
ไฮะ ดี๊ อ มี่ก้าง, ดี๊ อ คูกล้ะ แยว้ อ ทย๊างซ้ะ อ ล่าง, ดี๊ ตไก้ยะ กาง กดื้งทะ เท่อ นอ
อ กย้อง บี่ นอ ทแม้ กุ้ อ เม้ง ลู่ง เด้ทโอซยองอล่าง, ลู่ง เด้กแช่แยว้อล่างโอ พ้า นอ, ฌ้องทางเกทาง เว๊ ล้อ, กแช่ยาเว อางแบเลา โมเซ บี่จะเล้ นอ, โพล้ง อีซลาเอง แม้ เว๊ บี่ นอ กุ้ อ เม้ง ล้อ
โพล้ง ลแพ อี้ง อ ทแม้ นอ, เมะเว๊ แบ ยู่แคว่ ไฮะ, คะ, มีโด้ง อ เทิง, ทลื่งทาง อ ล่าง คี๊ง จอง, ดี๊ ทแบ้แยว้ล่างลู่งอฌี้ อฆ้าอโฆ่, พี่ อ ซื๊ง เจ่ เว๊ แม้ กแช่แยว้ อ เท่อ, ดี๊ ตไก้ยะ แม้ กดื้งทะ เท่อ, เลา ดี๊ ทแม้ กุ้ อ เม้ง พี่ อ แบฆ้ะ ดี๊ ทลแพ อี้ง
เมะเว๊ พี่ ม แญ่ไฆวะ อ ทล่างโอซยอง นอ, เกม๊า อาโรง ดี๊ อ พู ซีงลแพ นอ นึฆ้าง เว๊ ลู่ง แย๊ โค๊, ดี๊ ทึ้ล้างไฆวะ ตไก้ยะ กางทะ เท่อ นอ, ฌ้อง เกม๊า คลึไบ้ะล้างทะ ไฮะ ทล่าง แม้ไน ทอืงล้าง
ฌ้อง นอ แม้นี่ ทไพ้ะ ลู่ง อ ฌี้ นอ คลึไบ้ะล้าง-อ้ะ, ดี๊ แม้นี่ ตไก้ยะ เปย้า แด้ล้าง-อ้ะ อ คู นอ, ดี๊ ลอง ฆ้าง อ มี่ก้าง
ล เช้า แย๊ อี้ง นอ, โอ ดี๊ ท เช้า ทาง ท น๊าม๊า อ ล่าง โล๊ ไบ้ะ เว๊ ดี๊ ท๊อง, โอ ดี๊ ไฮะ กแช่ แยว้ อ ท เอิ้งล้าง ปะ, โล๊ ไบ้ะ เว๊ ดี๊ ท๊อง, ไฮะ พ้า นอ โอ ดี๊ ท โด้ง ท๊อง พี่ อางกี มานา, โอ ดี๊ อาโรง อ นางแพ๊บ้อง พี่ เซงแล ดุ้ ทาง เว๊ อ ล้อง, โอ ดี๊ โล่ง ปางเป คี๊ง เบง พี่ อ กวิ้ไน ทอางแม้เลา
ฌ้อง กแช่ แยว้ อ เว่งฮ๊าง ลู่ง ท มุ้คู แบ ท อุ้พ้ะ ทาง-อ้ะ, จ แด ไฮะ กแช่ แยว้ อ ท เอิ้งล้าง โอ พี่ นอ, ฌ้อง ล๊าง พล้ะ เท่อ ดี๊ ล๊าง เซ๊, เซ๊ ล้างว้าง ล้างซวาง, ฌางคู ว้ะ, ดี๊ มื่ง แซ ล้าง น้ะ มะ ล้อ
