1 โพล้ง เล้ เมะ อางฌูง งู้ ฌี้, แกะ ฌี้, ฌ้อง แม้ซี๊ง เว๊ ฌี้, อางแช๊ เว๊ ฌี้, งู้ ล ดื้ง นอ แบ ลุ้ไท้ เว๊ เย่ ดื้ง, ดี๊ แกะ ล ดื้ง นอ แบ ลุ้ไท้ เว๊ ลี่ง ดื้ง
แบ เกม๊า ไท้ เอะ เว๊ อ แกะ พู ลี่ง โทะ, เป๊งนี่ ลู่ง อ เว๊ แม้ เท่อ บี่อี้ง, ดี๊ เป๊งนี่ อ เว๊ นอ อ ทย๊างซ้ะ ล โอ แบ”
งู้ อ กแช่ เมะ ซีงแฌ๊ เว๊ เย้า, งู้ นอ ไคว้ะ ลี้ง เท่อ, แบเด้าะ อ กแช่ ล เด้าทะ จ้าทะ เว๊ แบ, งู้ อ กแช่ นอ แบ ลุ้ไท้ เว๊ ดี๊ งู้ นอ ล้อ, งู้ พี่ อ ซี๊ง นอ ล้างเทะแบ เก อ เว๊ อ เท่อ นอ ล้อ
พี่ ล จองเล้ พี่ งู้แพ๊ ลโอแบ นอ, งู้ อางแช ล่าง โอ โปล้ ล้อ แบเด้าะ นี่แบ ทซูงทแซ แอฌี่งแอฌ้อง ดี๊ งู้ อไฌ่อแบ้
อ เว๊ เมะ แบ ท พองนี่-อ้ะ นอ, อ เว๊ แบ เกม๊าไท้ เท่อ เนว๊โทะ อ เว๊ ม แบ เกม๊า เท่อ กุ้เม้ง ลู่ง อ เด้า พ้า
ลู่ง น ไช๊ คางไท้ะ ทุ้ นอ โพล้ง ซยาง พี่ อ ทไพ้ะทแม ล โอ แบ, อ ซวีง บึ้ เว๊ ล้อ พี่ อ เว๊ อางฌูงอางแบล เท่อ นอ, น ล นี่ พองทะ-อ้ะ แบ แบเด้าะ, ทึเมะ โอ ดี๊ ท อไฌ่อกย้อง, ล เม้ง ดี๊ ล เม้ง, ลแพ อี้ง ฌี้ นอ
โพล้งอ้าโพล้งซ๊าง เมะ ญ่อง เกม๊า ไท้ ท อางกีล้างทะ เท่อ, ดี๊ เกล๊าง แกไท้ ท พี่ อ เว๊ อางฌูง นี่ เว๊, ดี๊ แม้โพะ ท อเค้อะอต้าง ลู่ง ทม๊า อ ไค๊, เลา ดี๊ ล แม้ ทเด้บ้ะ แบ เฆาะ นอ, อ เว๊ ม โอม๊า เต้ๆ, ล้อ, ดี๊ อ เว๊ ล แบ ซี๊ง แบ
เกม๊า โพล้ง ล แฌ้ นอ โล้ ล้าง อ ทเด้บ้ะ พี่ อ แม้ แบ เว๊ นอ, ดี๊ เกม๊า อ ลุ้ ไท้ เท่อ พี่ อไพ้ะอแม, พี่ อ แม้ เว๊ นอ ฆวี๊ซุ้ ไท้ อ ล่าง, ดี๊ แบ เกล๊าง แอทาง ไท้ เอะ เว๊, เย่ โทะ นอ แบ เกล๊าง แอทาง ไท้ เว๊ ล โทะ
ซ้ะไค ชี๊เทิง ทาง โล้ เอะ กแช่ เยซู บี่ อี้ง, “กแช่-เอ้อ, จ คอง จ แซย้ ล แพ นอ จ ม เกล๊าง เอะ โพล้ง ซยาง โพล้ง ยะ พุ้พ๊าง, ดี๊ จ เมะ โกง นี่ โพล้ง อ เท่อ ล แฌ้ๆ, นอ, จ ม เกล๊าง ไท้-อ้ะ ลี่ง โทะ”
