20 “โพล้ง เล้ เมะ ท่าง อ ฆ่อง มืง ฆ่อง แคว๊ ดี๊ เซง ท่อง อ ซี๊ง นอ, โพล้ง ล แฌ้ นอ ม แบ ทแม้แก ไท้-อ้ะ
กแช่ยาเว โล้ เอะ คาเอง ไจ้ะเว๊, “ล ซี แบ, โพล้ง กุ้แฌ้ พี่ แม้ซี๊ง แน้ นอ, ม โอ ดี๊ อเตาอแต๊ เนว๊ โทะ”, ฌ้อง กแช่ยาเว แม้ ทแม้ไน ลู่ง คาเอง อ ล้อง, บี่ซุ้ โพล้ง กุ้แฌ้ พี่ แด-อ้ะ นอ, ล แม้ซี๊ง-อ้ะ แบ
เมะ แม้อ้าแม้ซ๊าง คาเอง นอ, แบ ฮะนี่ไท้ เตาแต๊ เนว๊โทะ เย้า พี่ แม้อ้าแม้ซ๊าง ลาเมะ นอ, แบ ฮะนี่ไท้ เตาแต๊ เนว๊ ชี๊ง เนว๊ โทะ นอ ล้อ”
โพล้งเล้ พี่ ดึ้ เกม๊า กโพล้ง อ ซวีง ล้าง นอ กโพล้ง ม ดึ้ เกม๊า โพล้ง ล แฌ้ นอ, อ ซวีง ล้าง บี่ซุ้ ปะ, เมะเว๊ กแช่แยว้ ไต้ล้าง กโพล้ง, บี่ซุ้ดี๊ กแช่แยว้ อมยู๊อจะ นอ ล้อ
เมะ ลู่ง มะ โพล้ง แช๊ ล แฌ้ นอ เฌ้เทิงทาง โชะ อ นางทุ้บ้อง ไจ เก ได้ะ, โพล้ง พี่ อ ท่าง เท่อ ล แฌ้ นอ พ้องไฆวะ ดี๊ อเตาอแต๊ ล้อ, แบเด้าะ แบ เกม๊า เอะ เว๊ อ จี้ เก ททะล่างทะเกล้ อ ฆวี้, ดี๊ แบลุ้ เอะ เว๊ ทแม้แบล พ้าล่างพ้าเกล้ นอ อ ฆวี้, ดี๊ ทแฌแซ ล้างซ้ะ อ ฆวี้ ท่อง อ แบล เมาน่าง นอ ล้อ
เมะ ลู่ง มะ ฆ่อง นอ โอม๊า นี่ ล นี้ง คี๊ง นี้ง ได้ะ ฌ้อง ซี๊ง เว๊, เซงคู นอ ล แบ ทแม้แกไท้-อ้ะ แบ, เมะเว๊ ฆ่อง นอ เก เซงคู อคองอแซย้ นอ ล้อ
เจ่ ที่ ทไคล้ ล เม้ง นอ, ม ซอง ท อเพล่อบาง ล ซี แบ อไฌ่บี่อี้ง, ทึเมะ อ เว๊ ม แนซี ฌี้ นอ, แบเด้าะ อ เว๊ ล ชู่ง เท่อ แบ
เกม๊า โพล้ง พี่ อ ล้างเทะแบ แม้แกไท้ เท่อ นอ, แม้ซี๊ง โพล้ง พี่ อ แม้ซี๊งเท่อ ล แฌ้ นอ, โพล้ง พี่ อ ล้างเทะแบ แม้แกไท้ เท่อ ล แฌ้ นอ, เมะ แด เว๊ นอ เกม๊า อ แม้ซี๊งไฆวะ เว๊ เฆาะ
อ ไฌ่ บี่ อี้ง อซื๊งเว๊ เก กแช่ แยว้ อ เพล่, แม้ เท่อ ไพ้ะ เท่อ ม ล้างเปิ่ง ลู่ง น ฌ่าง, แบเด้าะ น เมะ แม้ ท อ้า ท ซ๊าง เกิ้ง ซ้ะเม-อ้ะ, เมะ เว๊ อ ดู้ง อ ยาง พี่ ม แม้ เตา แม้ แต๊ แน้ โอ เว๊ เต้ๆ, อ เว๊ เก กแช่ แยว้ อ เพล่ แม้ คิ้ เอะ เว๊, แม้ เตา แม้ แต๊ โพล้ง แม้ ท อ้า ท ซ๊าง
เกม๊า น เมะคลี๊ง ย๊างเซิงย๊างซ้ะ เท่อ ล ฌี้, เกิ้ง เกม๊า ทม๊า เท่งไท้ ทม๊า, เมะคลี๊ง เท่งไท้ เมะคลี๊ง, แซว๊ เท่งไท้ แซว๊ จูง เท่งไท้ จูง, คาง เท่งไท้ คาง นอ ล้อ
