22 กแช่ยาเว ไคล้ ดี๊ โมเซ ไจ้ะเว๊, “โล้ เอะ โพล้ง อีซลาเอง นอ บี่อี้ง, ‘น ซื๊งซีง แด แบ เย้า, พี่ จ โอ ลู่ง ทมุ้คู พ้า ไคล้ ดี๊ น ซื๊ง
กแช่แยว้ เฌ๊ล้าง ลู่ง ทลู่ง ซีไน คู, ดี๊ โอนี่ ลู่ง มุ้คู ไคล้ ดี๊ อ ซื๊งเว๊, ดี๊ เกล๊าง ทอางกีล้าง พี่ แบ กแช่แยว้ อ ซ้ะ, ดี๊ ทอางแม้เลา พี่ อ เมะ เท่อ เต้ๆ, ทอเค้อะอต้าง ดี๊ แยว้ อ ทซองทซ๊าง, พี่ อ ฌี้ นอ เอะ อ ซื๊งเว๊
โพล้ง โอ ล ชื้อๆ, ชี่-อ้า?, แน่ฌ๊า แบ กแช่แยว้ อ ลู่ง ไคล้ทาง นี่ ลู่ง มีเค้ พ้า, ด้องซุ้ พี่ น แน่ฌ๊า แบ-อ้ะ, ดี๊ น โอม๊า ซี ได้ะ
อ เว๊ เกม๊า น ซื๊ง แน่ฌ๊า อ ลู่ง เซ๊, โอนี่ ลู่ง มุ้คู, บี่ซุ้ เกม๊า น โอ ดี๊ ท อางกีล้าง ซ้ะ แบเมาะแบเค้อะ, อ เว๊ เกม๊า น แด แบ อ มีเค้ พ้ะดู ลู่ง ฌางคูโคล๊งคู, ดี๊ น แน่ฌ๊า แบ อลู่งอแท๊ ลู่ง มีเค้ พ้า
ดี๊ น ซื๊ง ซีง ลแพ น ไจ้ะ บี่อี้ง, ‘อี้งเซ้อ, กแช่ยาเว ก กแช่แยว้, เนโพลทาง อโฌ่งอพ้าง, ดี๊ อ ทดูทโท๊, ดี๊ เฆ้อ ก แน่ฌ๊า อ ลู่ง เซ๊ทางนี่ ลู่ง มีเค้ พ้า, ล นี้ง แย๊ อี้ง นอ, ก แด แบ กแช่แยว้ ไคล้ ดี๊ กโพล้ง, ดี๊ กโพล้ง โอม๊า เว๊ ได้ะ ล้อ
เมะเว๊ ลู่ง กเย่ กโพล้ง ซีง ลแพ อซุ้อแกล้ พ้า นอ, โพล้ง เล้ แน่ฌ๊า แบ กแช่แยว้, พี่ อ โอม๊า อ ลู่ง เซ๊ทางนี่ ลู่ง มีเค้ พ้า, ด้องซุ้ พี่ ก แน่ฌ๊า-อ้ะ, ดี๊ โอม๊า ซี ได้ะ?
