10 พี่ อาโรง ไคล้ ดี๊ โพล้ง อีซลาเอง น๊างมู๊ง อ แค๊ นอ, อ ซื๊งเว๊ แคว่ ฆ้าง เท่อ ลู่ง แพะคูทเคแกล้, ดี๊ แคว่ เซ้อ กแช่ยาเว อโฌ่งอพ้าง โพลทาง โอ ลู่ง ทเอิง พ้า
กแช่ยาเว ไคล้ ดี๊ โมเซ ไจ้ะเว๊
ลู่ง มโฌ้โค๊ นอ, น ซื๊ง ม แด แบ กแช่ยาเว อโฌ่งอพ้าง, เมะเว๊ กแช่ยาเว แน่ฌ๊า เท่อ พี่ น ซื๊ง เอ้งไฌ้-อ้ะ นอ เย้า, เฆ้อ คี๊ง แฌ้ อี้ง ก เก เด้าะ ชี่ โพล้ง เล้?, น ซื๊ง เฌ๊ เอ้งไฌ้ เท่อ ดี๊ เฆ้อ”
กแช่ยาเว อโฌ่งอพ้าง เฌ๊ โอ ลู่ง ทลู่ง ซีไน คู, ทเอิง คลึไบ้ะ ทะ ทลู่ง นอ ฆู๊ง นี้ง, ลู่ง เนว๊ นี้ง ล นี้ง นอ, กแช่แยว้ โอ ทเอิง พ้า กุ้ทาง โมเซ
โมเซ ดี๊ อาโรง ลี้ฆ้าง ลู่ง เด้ทโอซยองอล่าง พ้า, ท่อง อ ซื๊งเว๊ คี๊ง แฌ้ ไจทาง นอ, ชูฌี้ แบ โพล้งเฌงพูฆ๊างพู, ดี๊ กแช่ยาเว อโฌ่งอพ้าง โพลทาง แบ โพล้งเฌงพูฆ๊างพู กุ้ แฌ้
โมเซ ไจ้ะเว๊, “อ อี้ง นอ, เก ท พี่ กแช่ยาเว อางแบเลา เว๊ เกม๊า น ซื๊ง แม้, ดี๊ กแช่ยาเว อโฌ่งอพ้าง ม โพลทาง แบ น ซื๊ง ซีง ลแพ ล้อ”
แบเด้าะ โพล้ง น๊างมู๊ง เลาพะ นอ ไจ้ะเว๊, ม๊า แม้นี่ โล่ง ไควะ ท คี๊ง แฌ้ อี้ง ล ทีง ฆ่าง นอ, กแช่ยาเว อโฌ่งอพ้าง โพลทาง ลู่ง เด้ทโอซยองอล่าง พ้า, ลู่ง โพล้ง อีซลาเอง เลาพะ นอ อ เมะแซ พ้า
โครา ดี๊ อ มู๊ง อ ซกุ้ เลาพะ นอ ลี้ โอซยอง ลู่ง เกล้ ลี้ นึฆ้าง เด้ทโอซยองอล่าง พ้า, ลู่ง อ ซื๊งเว๊ คี๊ง แฌ้ อ เมะแซ พ้า, ฌ้อง กแช่ยาเว อโฌ่งอพ้าง โพลทาง ลู่ง โพล้ง น๊างมู๊ง อ โป้ง พ้า
ดี๊ พี่ โพล้ง น๊างมู๊ง เฌ๊ โอซยอง โละอซ้ะ ไจ้ะ โมเซ ดี๊ อาโรง นอ, อ ซื๊งเว๊ วีง ไท้ อ ซ้ะ ลู่ง เด้ทโอซยองอล่าง ล โค๊, ดี๊ แคว่ เซ้อ ทเอิง เฌ๊ คลึไบ้ะล้าง ทล่าง นอ, ฌ้อง กแช่ยาเว อโฌ่งอพ้าง โพลทาง เว๊ แด ล้อ
พี่ อ เว๊ ไคล้ ล คลึ้ ทึ ได้ะ แบ นอ, ท เอิง ล ลอง พ้าง ทาง เฌ๊ คลึ ไบ้ะ อ ซื๊ง เว๊, ฌ้อง ท อ ลู่ง เซ๊ ทาง ลู่ง ท เอิง แกล้ นอ, ไจ้ะ เว๊ แด, “ล แฌ้ อี้ง เก จ พูแคว๊ ลู่ง จ เอ-อ้ะ ฌี้ ทึ, จ เฆว๊ จ ซ้ะ ดี๊-อ้ะ ฌี้ มะ ล้อ, ชู่ง ลู่ง เน้ แท๊ แบ-อ้ะ ไช้ะ”
