ทไจทางไฆวะ 14:19 - Northern Pwo Karen Thai Bible

¹⁹ กแช่แยว้ อ ทมุ้คูพู พี่ อ ลี้ฌ้า ซึ้พู อีซลาเอง น๊างมู๊ง นอ, ไท้ โอ ไท้ ลู่ง ทล่างไค๊, ดี๊ ทเอิง อ เทิง พี่ โอ ลู่ง ท เมะแซ พ้า นอ, ไท้ โอ ไท้ ลู่ง อ ซื๊งเว๊ อ ล่างไค๊

ทไจทางไฆวะ 14:19 교차 참조

ทอางปฆ้า 77:20

กแช่แยว้ ลี้ฌ้า อพูอลี้ง, บี่ซุ้ดี๊ ลี้ฌ้า แมะ แกะ น๊างมู๊ง ลู่ง โมเซ, ดี๊ อาโรง อ จูง นอ ล้อ

ทอางปฆ้า 78:53

กแช่แยว้ ลี้ฌ้า อซื๊งเว๊ ดี๊ พ้องอ้าพ้องซ๊าง, อเว๊ ล ซ้ะเมซ้ะไพล้ เท่อ แบ แบเด้าะ ปางเล, กลึ้ไบ้ะ อซื๊งเว๊ อดีงอแด้

ทไจทางไฆวะ 14:20

เมะเว๊ เฌ๊ โอ ลู่ง ซึ้พู อีไย้ะ น๊างมู๊ง, ดี๊ ซึ้พู อีซลาเอง น๊างมู๊ง อ เบ้าช้า, ทเอิง ดี๊ ทไค้ะ โอ นุ้ทะ เว๊, ทอช๊าอโท่ มแน้ แค๊ พ้องไฆวะ, ดึ้ เกม๊า อ ซื๊งเว๊ คี๊ง โค๊ นอ ลี้ฆ้าง เบ้า โละอซ้ะ ล ซี แบ ซ๊างแน้คล้อง

ทไจทางไฆวะ 14:24

ลู่ง โฌ้ ล้างคึ นอ, กแช่ยาเว พี่ อ โอ ลู่ง มี อ เทิง ดี๊ ทเอิง อ เทิง แกล้ นอ, แคว่ ล้าง เท่อ แด ซึ้พู อีไย้ะ, ฌ้อง ดึ้ เกม๊า ซึ้พู อีไย้ะ น๊างมู๊ง นอ, เติ้งทาง เติ้งล้าง

ทไจทางไฆวะ 32:34

ค๊องเนง อี้ง ลี้ แดเทา, ลี้ฌ้า โพล้งเฌงพูฆ๊างพู ลู่ง ทล่าง พี่ จ โล้ เอะ แน้ นอ, แคว่เซ้อ, จ ทมุ้คูพู ม ลี้ วี่ง แน้, แบเด้าะ มื่ง นี้ง ลู่ง จ ม แม้เตาแม้แต๊ เท่อ โฆะ นอ, จ ม แม้เตาแม้แต๊ อซื๊งเว๊ ลู่ง อ ทเด้บ้ะ อ กย้อง นอ ล้อ”

อีซยา 52:12

เมะเว๊ น ซื๊ง ล แบ ปชื่ง ไจทาง แบ ดี๊ น ซื๊ง ม ล แบ ไจคุ้ซูง แบ อไฌ่บี่อี้ง, กแช่ยาเว ม ลี้วี่งลี้ฌ้า น ซื๊งเว๊ ดี๊ อีซลาเอง อ กแช่แยว้, ม ปโล่ปด้าง ทะ น ซื๊ง อ ล่างไค๊

อีซยา 58:8

ฌ้อง ทโฌ่งทพ้าง ม ซยุ้ทาง เอะ แน้, บี่ซุ้ดี๊ ทพ้าง โฌ้โค๊ ดี๊ ทแม้ ก้องแย่ น พ้าล่าง นอ, ม โอทาง เพล เพล้าเด้า น ทแบกแช่แยว้อซ้ะ ม ไจ ลี้วี่ง น เมะแซ พ้า ดี๊ กแช่ยาเว อโฌ่งอพ้าง ม ปโล่ ทะ น ล่างไค๊

อีซยา 63:9

ทน้ะ แบ กแช่แยว้ อ ซ้ะ, ลู่ง อ เว๊ อ ทน้ะทโน๊ง พ้า เลาพะ ฌ้อง ทมุ้คู พู พี่ โอ กแช่แยว้ อ เมะแซ พ้า นอ, แม้ช้า อ ซื๊งเว๊ เกม๊า อ พ้องพลิ้ กแช่แยว้ เทะนี่ไท้-อ้ะ ดี๊ อ ทเอทกวี้ง, ดี๊ อ ท ย๊างเซิงย๊างซ้ะ ล้อ กแช่แยว้ โชะทาง อ ซื๊งเว๊, ดี๊ ลี้ โชะ เว๊ ครึๆ, ลู่ง อไยะอเช้

โฮเชยา 12:13

กแช่ยาเว เฌ๊ไท้ทางฌ้า โพล้ง อีซลาเอง โอ นี่ ลู่ง อีไย้ะ ดี๊ โมไคล้คิ้กแช่แยว้ ล แฌ้ กแช่แยว้ แฌแซกต้าง-อ้ะ ดี๊ โมไคล้คิ้กแช่แยว้ ล แฌ้

มีคา 2:13

กแช่แยว้ พี่ แม้ พล๊อง เว่พ้ะ เกล้, ม ลี้ทาง อ ซื๊งเว๊ อ เมะแซ พ้า อ ซื๊งเว๊ ม แม้ พล๊อง ลี้แพ๊ฆ้าง เว่ง อ ป้ะตู๊ง อ ซื๊งเว๊ ม ไจทาง เกล้ ล บ้อง อี้ง อ ซื๊งเว๊ ซีง ลแพ อ กจุ้แฆว้ ม ลี้ วี่ง ลู่ง อ ซื๊งเว๊ อ เมะแซ พ้า เมะเว๊ กแช่ยาเว ม เก โพล้ง ลี้วี่งลี้ฌ้า อ ซื๊งเว๊ ล้อ

เซคารียา 12:8

ล นี้ง แย๊ นอ, กแช่ยาเว ม ยู่ทะแคว่ทะ โพล้ง เยรูซเลง, บี่ซุ้ เว๊ โพล้ง พี่ อเพาอแช่ ทึ ลู่ง อซุ้อแกล้ พ้า, ล นี้ง แย๊ นอ, ม เก บี่ซุ้ดี๊ ดาเว, ดี๊ ดาเว อชื้ออชะ ม เก บี่ซุ้ดี๊ กแช่แยว้, บี่ซุ้ดี๊ กแช่ยาเว อ เพล่ มุ้คูพู ลี้วี่ง ลู่ง อ ซื๊งเว๊ ซีง ลแพ อ เมะแซ พ้า

เกล้​ท​ซ้ะวี่ง 20:16

ดี๊ ท่อง ก กุ้ทาง กแช่ยาเว นอ, อ เว๊ คุ้ช๊องแน ก ลู่ง, ดี๊ โซ๊ง ล้าง ทมุ้คูพู ล แฌ้ ไจทางฌ้าไฆวะ เฆ้อ ลู่ง ค่าง อีไย้ะ พ้า, ดี๊ ก เฌ๊ โอ ลู่ง คาเดะ พ้า, เก เว่ง พี่ อ โอ ตไก้ะ ดี๊ น ค่างช๊า