13 น แบ แม้นี่ แกะ พู, เทะนี่ไท้ แลว้ พู วี่แซย่, เมะ ล เทะนี่ไท้ แบ นอ, น แบ บุ้แค่ อ โคะ เฆาะ, น แบ เทะนี่ไท้ น พู วี่แซย่ อ แคว๊ นอ เลาพะ ล้อ
ฌ้อง โมเซ กุ้นี่ โพล้ง อีซลาเอง อเม้งอแซย่ ลแพ นอ, เกม๊า เฌ๊ ล พ๊า ฆ่าง, ฌ้อง โล้ เอะ เว๊ บี่อี้ง, “เกม๊า น ซื๊ง ลี้ แม้นี่ แกะ พู ลู่ง น เด้าคูล่างพ้า นอ อ ฌ่าง, เฌ๊ โชะ แม้ซี๊ง-อ้ะ เก ทไฌ่ ปาซกา
เกม๊า น โล้ เอะ โพล้ง อีซลาเอง น๊างมู๊ง บี่อี้ง, ลู่ง มื่ง นี้ง ล ชี๊ง, ล แล้ แย๊ อี้ง นอ, เกม๊า ล แฌ้ๆ นอ แด้เว้ แกะ พู ลู่ง อ กแช่ ล ดองๆ อ ฌ่าง นอ ล เด้า ดื้งๆ
“ท อ พูวี่แซย่ เลาพะ นอ, เกม๊า เทว๊ เอะ แย้, เมะเว๊ โพล้ง อีซลาเอง เท่อ กุ้ เม้ง, พี่ อ กึทาง พ้ะทาง อ ต้องคู นอ, ม เก กโพล้ง ฌี้, ทพูแฆ่ ฌี้, อ นอ เก แย้ จ เท่อ นอ ล้อ”
เมะ น แลว้ อ พู วี่แซย่ นอ, ม๊า น เทะนี่ไท้-อ้ะ ดี๊ แกะ พู, น เทะนี่ไท้-อ้ะ เมะ ล ซี แบ นอ, เกม๊า น บุ้แค่ อ โคะ เฆาะ, น ซื๊ง พู วี่แซย่ กุ้ แฌ้ นอ, น แบ เทะนี่ไท้-อ้ะ ปะ เกม๊า น ซื๊ง เฌ๊ฆ้าง โอ แย้ โปล้ปลิ้ น่าง แฌ้ ล ฌี้
โพล้ง ล แพ อี้ง แฌแซ ล้าง อ ซ้ะ ลู่ง อ ฌี้, ล แม้ เบ้า แม้ เท่ง กมืง แบ, แกะ พู ลี้ จอง ฌี้ จอง ฌี้ นอ อซื๊งเว๊ ลี้ โพะ เว๊ อ ไค๊, อซื๊งเว๊ แบ ท ฆวี้ นี่ ไท้-อ้ะ ลู่ง กโพล้ง อ แกล้, บี่ ซุ้ เก ท อ ต้องคู ล มู๊ง พี่ แบ ท เทว๊ เอะ กแช่ แยว้ ดี๊ เทว๊ เอะ แกะ พู
