เมะเว๊ ลู่ง โพล้ง แอฌ้อง อ แกล้ นอ, โพล้ง โอ แอฌ้อง พี่ เฌ๊นี่ ลู่ง เอฟาอีง, มานาเซ, อีซาคา ดี๊ เซบูลู, พี่ ล นี่ แม้ ทไฌ่ อางกี ฌี้ล้าง ซ้ะ ม๊า อฌี้อแอว้ ได้ะ แบ, แบเด้าะ อ ซื๊งเว๊ อาง ปาซกา ปะ, ทึเมะ ล แบ โละซ้ะ ดี๊ ทอางแม้เลา แบ ฌี้ๆ, อกย้องบี่นอ, เฮเซคียา ชูแพ เท่อ ลู่ง อ ซื๊งเว๊ อ ฌ่าง ไจ้ะเว๊, “เกม๊าเต้ กแช่ยาเว ลู่ง อ ฌี้ ทึ ล แฌ้ นอ, ทื๊งนี่นะนี่ โพล้ง น่าง แฌ้ ล ฌี้ ไช้ะ
ทไจทางไฆวะ 12:43
9 교차 참조
โพล้ง ล ชื้อ แด เฌ๊ โอ ดี๊ แน้ เมะ โอ, ดี๊ แบซ้ะ ทื๊ง ทไฌ่ ปาซกา เทว๊ เอะ กแช่ยาเว นอ, เกม๊า อ แคว๊ ลแพ นอ แม้ ทไฌ่ ไร้ะไฆวะ ไพ้ะ กุ้ แฌ้ ท่อง อ ฌ้อง, ฌ้อง เกม๊า เฌ๊ฆ้าง เบ้า, ดี๊ แม้โพะ ทไฌ่ นอ อ ไค๊ ซี, อ เว๊ ม เก บี่ซุ้ดี๊ โพล้ง กึทาง ลู่ง ที๊งล่างค่างพ้า นอ, แบเด้าะ โพล้ง กุ้ แฌ้, พี่ ล นี่ แม้ ทไฌ่ ไร้ะไฆวะ ไพ้ะ ได้ะ แบ นอ, ม อาง เท่อ ลู่ง ทไฌ่ ปาซกา พ้า นอ ล ซี แบ
เมะเว๊ ท ญ่อง เกม๊า โพล้ง ลชื้อแด พี่ ล แม้ ทไฌ่ไร้ะไฆวะไพ้ะ ลู่ง น่างซ้ะ แบ, ดี๊ ล แม้ ทไฌ่ไร้ะไฆวะไพ้ะ ลู่ง ล้องย่าง แบ, เฌ๊ฆ้าง ก ท แบ้แยว้ล่างลู่งอฌี้ พ้า, พี่ เก ท ดึ้เดวทื่งแช้ ก ล่างโอ, พี่ น เทว๊ เอะ เฆ้อ ทอาง, เมะเว๊ ท อซูอไย้ ดี๊ ทซวีง นอ, น ซื๊ง นี่ แม้เฌ๊ฌ้อง ก ทเอิ้งล้าง ดี๊ น ซื๊ง ท ล้าง ซ้ะลูซ้ะไล้ะ กุ้เม้ง ล้อ
เกม๊า น ซื๊ง นาง แบ ไท้-อ้ะ ล ว๊าง แย๊ น โอ ไย้ ดี๊ กแช่ เยซู คริ้ อู้งนอ, น เก โพล้ง ล ชื้อ แด ล เมะ เก โพล้ง ล มู๊ง ฆ่าง ดี๊ โพล้ง พี่ กแช่ แยว้ ลึ นี่ เว๊ นอ แบ, ท บี่ นอ น ซื๊ง เก โพล้ง ค่าง โคล๊ง ล้อ, ดี๊ ท เอิ้งล้าง พี่ กแช่ แยว้ เอิ้งล้าง เอะ อ พู อ ลี้ง นอ ล โอ ลู่ง น ซื๊ง ฌ่าง แบ, น ซื๊ง โอ ลู่ง ฌางคู โคล๊ง คู อี้ง, น ท มื้งแล่ ล โอ แบ ดี๊ ล ซีงแฌ๊ กแช่ แยว้ แบ
광고