10 แบ อาง ท่อง อ เลา, เกม๊า อ ล้างลื๊อก้ะ ท้อง ลู่ง โฌ้โค๊ ล ฌี้, แบเด้าะ เมะ ล้างลื๊อ ท้อง ลู่ง โฌ้โค๊ นอ, เกม๊า เช้าไฆวะ-อ้ะ ดี๊ มี
โมเซ อางแบเลา อซื๊ง ไจ้ะเว๊, “เกม๊า โพล้ง อางกีล้างลื๊อ ท้อง ลู่ง ทพ้างทาง โฌ้โค๊ น่าง แฌ้ ล ฌี้”
“จ ทพูแฆ่ ลื่งทาง เท่อ อ ซวีง นอ เทว๊-อ้ะ ล พ๊า ฆ่าง ดี๊ กู พี่ แบ ดี๊ อ ซีง นอ ล ฌี้, ดี๊ ทพูแฆ่ พี่ เทว๊-อ้ะ ลู่ง จ ทลื่งอาง ลื่งโอ้ อ แค๊ อี้ง, อ ซู นอ เกม๊า อ โอก้ะ ท้อง ลู่ง โฌ้โค๊ ล นี้ง ล ฌี้
ทแย พี่ เจ่-อ้ะ ลู่ง แม้ ทไฌ่ ไต้ทางต๊างทาง โพล้งลื่งเท่ออคู ดี๊ กู นอ, เมะ โอก้ะ ท้อง ลู่ง โฌ้โค๊ ล นี้ง ได้ะ นอ, เกม๊า เช้าพล้างไฆวะ-อ้ะ มี อ้า พ้า, อาง-อ้ะ ล ฌี้, เมะเว๊ เก เท่อ ลู่ง อฌี้อแอว้
“จ ทพูแฆ่ ลื่งทาง เท่อ อ ซวีง นอ, เทว๊ ซยอง-อ้ะ ดี๊ กู พี่ แบ ดี๊ อ ซีง นอ ล ฌี้, ดี๊ ทพูแฆ่ ลื่งทาง เท่อ พี่ อ แบฆ้ะ ดี๊ ทไฌ่ ปาซกา นอ, เกม๊า อ โอก้ะ ท้อง ลู่ง โฌ้โค๊ นี้ง เด้าะ ล ฌี้
ทลื่งทาง นอ, อางไฆวะ-อ้ะ ล นี้ง แย๊ พี่ น ซื๊ง เทว๊ ลื่งทาง เท่อ นอ, เมะ ล เมะ แบ โค๊, อาง-อ้ะ ลู่ง ทพ้างทาง โฌ้โค๊ ล นี้ง เด้าะ, เมะ โอ ล เม้งๆ, ล้างลื๊อ โอก้ะ ท้อง ลู่ง มื่ง ซ๊า นี้ง ล นี้ง นอ, เกม๊า เช้าไฆวะ-อ้ะ ดี๊ มี
เกม๊า น อาง ทลื่งทาง นอ, ลู่ง ล นี้ง แย๊ พี่ น เทว๊-อ้ะ นอ, เกม๊า อ ล้างลื้อ ท้อง ลู่ง โฌ้โค๊ ล ฌี้, เฆ้อ เมะเว๊ ยาเว ล้อ
อ ซื๊งเว๊ ล แบ เกม๊า ท โอก้ะ ท้อง ลู่ง ทพ้างทาง โฌ้โค๊ น่าง เม้ง แบ, ดี๊ เกม๊า แม้ แค่ แกะ ปาซกา อ ฆีง นอ ล ฌี้ เกม๊า อ แม้โพะ ทอเค้อะอต้าง อ ไค๊, แบฆ้ะ ดี๊ แม้ ทไฌ่ แม้มึอางอวีง ปาซกา กุ้ อ เม้ง
