20 แบเด้าะ กแช่ยาเว ดึ้ เกม๊า ฟาโร อ ซ้ะ ชองโฆะ, อ เว๊ ล ญ่อง ทูแพล่ โพล้ง อีซลาเอง ลี้ น่าง เม้ง ได้ะ แบ
กแช่ยาเว ไคล้ ดี๊ โมเซ ไจ้ะเว๊, “เกม๊า น ลี้ฆ้าง ฌูง ฟาโร, เมะเว๊ จ แม้ เกม๊า อ เว๊ ดี๊ อ กดูกแซย่ ลแพ นอ อ ซ้ะ ชองโฆะ, บี่ซุ้ จ ม เนโพลทาง จ ทแม้ไน ลแพ อี้ง, ลู่ง อ ซื๊งเว๊ อ ซุ้ อ แกล้
ฌ้อง กแช่ยาเว เปลง ลี้ง เฌ๊อูง เท่อ นอ, ม๊า เกทางก้ะ ลี้ง เฌ๊ อูง เท่อ ชอง, โอนี่ ลู่ง มื่ง นึ ล โค๊, อูง ดี้งล้าง ทวี่ น๊างมู๊ง นอ ลู่ง ปางเลโฌ้ พ้า ท๊อง ล ล้างลื๊อ น่าง เบง ล้าแบ, เฆ้ง อีไย้ะ อ ค่างช๊า
แบเด้าะ กแช่ยาเว เกม๊า ฟาโร อ ซ้ะ ชองโฆะ, ล ญ่อง ทูแพล่ อ ซื๊งเว๊ ลี้ น่าง เม้ง แบ
โมเซ ดี๊ อาโรง แม้ ทล้ะทเล่ ลแพ นอ ลู่ง ฟาโร อ เมะแซ พ้า, ดี๊ กแช่ยาเว นอ ดึ้ เกม๊า ฟาโร อ ซ้ะ ชองโฆะ, อ เว๊ ล ญ่อง ทูแพล่ โพล้ง อีซลาเอง เกม๊า อ ไจทางแดไฆวะ อ ที๊งล่างค่างพ้า น่างเม้ง แบ
จ ซีงแฌ๊ เย้า, กจุ้แฆว้ ค่าง อีไย้ะ นอ, เมะ ล แบ ทแคแน-อ้ะ ดี๊ จูง พี่ อชองอไคล๊ แบ นอ, ล ญ่อง เกม๊า น ซื๊ง ลี้ แบ
กแช่ยาเว ไคล้ ดี๊ โมเซ ไจ้ะเว๊, “ท่อง น ไท้ ท้อง ค่าง อีไย้ะ พ้า นอ, เกม๊า น แม้ ทล้ะทเล่ กุ้เม้ง, พี่ จ ม๊า อ โอ น ดู้ง น ยาง พ้า เย้า นอ, แม้-อ้ะ ลู่ง ฟาโร อ เมะแซ พ้า, แบเด้าะ จ ม ม๊า ฟาโร อ เว๊ อ ซ้ะ ชองโฆะ, ล ญ่อง ม๊า จ พู จ ลี้ง ไจทางไฆวะ แบ
แบเด้าะ กแช่ยาเว ดึ้ เกม๊า ฟาโร อ ซ้ะ ชองโฆะ, ล ญ่อง ช๊องแน โมเซ ดี๊ อาโรง แบ, ทเกทาง อ ซ้ะ บี่ซุ้ดี๊ กแช่ยาเว โล้เว้ เอะ โมเซ เย้า นอ ล้อ
ท บี่ นอ กแช่ แยว้ เมะ แบ ซ้ะ ย๊างซ้ะ โพล้ง เล้ นอ, ม ย๊างซ้ะ-อ้ะ ล้อ, ดี๊ เมะ แบ ซ้ะ เกม๊า โพล้ง เล้ ลือ เท่อ นอ, ม เกม๊า อ ลือ เท่อ ล้อ
แบเด้าะ ซีโฮง, กจุ้แฆว้ เฮโบง นอ, ล ญ่อง เกม๊า ก ลี้ แพ๊ฆ้าง อ ค่างช๊า แบ, เมะเว๊ กแช่ยาเว น กแช่แยว้ ดึ้ เกม๊า ซีโฮง อ ซ้ะ ล้างเล๊เก้, ดี๊ แม้ชอง อ ซ้ะ, บี่ซุ้ ม อางกีล้าง-อ้ะ, ลู่ง น จูง พ้า, ด้องซุ้ พี่ ท เกทาง อ ซ้ะ กุ้ มื่งนี้ง อี้ง ล้อ
