22 เมะ ฟาโร อางแบเลา อ โพล้งเฌงพูฆ๊างพู กุ้ แฌ้ ไจ้ะเว๊, “โพล้ง ฮีบรู อ พูแคว๊ กุ้ แฌ้ พี่ อ กึทาง นอ, เกม๊า น ซื๊ง ลี้ ญ๊องไฆวะ ล้าง-อ้ะ ลู่ง ที๊ง ไน อ กล้อง พ้า แบเด้าะ อ พู เมะ อ มืง นอ อางกี-อ้ะ กุ้ แฌ้, แม้ซี๊ง-อ้ะ ล ฌี้”
โอก้ะ ลู่ง ไค๊ ชิ้ทาง คี๊ง เนง นอ, ฟาโร อางมี๊งม่าง เว๊ ชี๊เทิง โอ ลู่ง ที๊ง ไน กล้อง อ พ้าไท้ะ
กแช่แยว้ แกยไฆวะ อซื๊งเว๊ ลแพ นอ, อ ซ้ะ เกม๊า อ แช๊เมะไฌ๊ซ้ะ ดี๊ กแช่แยว้ อพูอลี้ง เกม๊า เว๊ อ เจ่ ทโกงทแกย ดี๊ กแช่แยว้ อ เพล่
“พี่ น ซื๊ง ลี้ แม้ โอ เอะ โพล้ง ฮีบรู อ พู นอ, น เมะ แด อ พู โอ อ แคว๊ นอ แม้ ชี๊ง-อ้ะ, แบเด้าะ เมะ เก อ มืง นอ อางกี-อ้ะ”
ท่อง อ อุ้พ้ะทาง ทโฆะ อ คูกล้ะ นอ, แด เว๊ พืงแซ อ แคว๊ โอ ลู่ง ทโฆะ พ้า ดี๊ แด เว๊ พืงแซ นอ ฌาง ทาง, อ เว๊ ย๊างซ้ะ แบ เว๊ ดี๊ ไจ้ะเว๊, “อ อี้ง นอ เก โพล้ง ฮีบรู อ พู ล้อ”
เมะเว๊ อ ซื๊งเว๊ อ คาง ลี้ซยู๊ฌูง ทอ้าทซ๊าง ดี๊ อ ซื๊งเว๊ ปชื่ง ลี้ แม้ซี๊ง โพล้ง
ท ซ้ะทาง พ้ะดู นอ อดู้งอลู่, ดี๊ ท ซ้ะทาง นอ ล้างอวีงล้างพะ แบเด้าะ โพล้งเล้ ม ชี๊เทิง ลู่ง ทไคว๊เซิงไคว๊ซ้ะ อ เมะแซ พ้า ซี?
อไฌ่บี่อี้ง, อ ซื๊งเว๊ มี๊ง ล นี่ แบ, เมะ ล นี่ แม้ ทอ้าทซ๊าง แบ นอ อ ซื๊งเว๊ ม ล มี๊ง แบ, เมะ ล นี่ ดึ้ เกม๊า โพล้ง แบท้า แบ นอ
กจุ้แฆว้ ล แฌ้ อี้ง ไคะ กไบล้ะ เท่อ ดี๊ โพล้ง ล ชื้อ ฆ่าง ดี๊ เฆ้อ, แม้ น้ะ แม้ โน๊ง แบ ก พี๊ง ก พู๊ง อ แค๊ ลู่ง เอะ อู้ง ล มู๊ง นอ น้ะ มะ ล้อ, แคแน เว๊ เกม๊า ญ๊อง ไฆวะ อ พู ปี๊ นอ ท้อง อ ซี๊ง ล้อ
ลู่ง ท ชู่ง ท นะ อ กย้อง นอ, โมเซ อ มู่ อ แพ่ อางกี ซูง-อ้ะ ล โค๊ ลู่ง อ กึ ทาง ซ๊าง นี่ แล้ ซ๊า เบง, อ ไฌ่ บี่ อี้ง, อซื๊งเว๊ แด เว๊ อ เมะ ฌี้ แน๊ ฌี้ ล้างเอ ล้างกวี้ง, ดี๊ อซื๊งเว๊ ล ซ้ะเม กจุ้แฆว้ อ ทอางแม้เลา แบ
