24 เป๊งนี่ ฮางเมดาทา อ พู ฮามาง โพล้ง อาก้ะ, โพล้ง ยู ซีงลแพ อดีงอแด้ นอ, นี่ ช๊องมอง เท่อ ม แม้อ้าแม้ซ๊าง โพล้ง ยู, บี่ซุ้ แม้ เฌ๊ฌ้อง อ ซื๊งเว๊, ดี๊ นี่ พ้ะมื่งพ้ะแล้ บี่ซุ้ แม้ ล้างเทา ดี๊ แม้ เฌ๊ฌ้อง อ ซื๊งเว๊
อ ซื๊งเว๊ โล้ เอะ กจุ้แฆว้ ไจ้ะเว๊, “ลู่ง กแคว๊ พี่ ม แม้ ล้างเทาไฆวะ เฆ้อ, ดี๊ ช๊องมอง เว้ ทแม้, พี่ ม แม้ ซี๊งทู่งอูงเล้งไฆวะ เฆ้อ ซีง, บี่ซุ้ ล เกม๊า ก ล่างโอล่างช๊อง ล โอ น่าง จอง แบ, ลู่ง อีซลาเอง อ ค่างช๊า พ้า นอ
พี่ ทกึทาง อ ซ้ะ ลแพ อี้ง พ้องไค๊ไฆวะ นอ, กจุ้แฆว้ อาฮ้ะซูเอระ เกม๊า ฮางเมดาทา โพล้ง อาก้ะ อ พู ฮามาง, เก ทอดูอโท๊ อางกี ทางโท๊ เว๊, ดี๊ เกม๊า เว๊ อ ล่าง ชี๊น้าง, โท๊เละ ทอดูอแซย่ กุ้ แฌ้ พี่ โอ ดี๊-อ้ะ นอ
เมะเว๊ อ ซื๊งเว๊ นี่ แม้ซี๊ง โพล้ง ยู อดีงอแด้, ฮางเมดาทา อ พู ฮามาง นอ อ พูแคว๊ อ แฌ้ ล ชี๊ง นอ, แบเด้าะ ล ตมละนี่ เว๊ อ ทฆ้าทโฆ่ แบ
โพล้ง ยู ลแพ นอ เอิ้งล้าง ม แม้โพะ เท่อ, พี่ อ ซื๊งเว๊ แม้ทางซ๊าง เว๊ เย้า นอ อ ไค๊, ดี๊ แม้โพะ เท่อ พี่ โมเดไค กวิ้ทางไละ ท้อง อ ซื๊ง เว๊ นอ อ ไค๊
กแช่ยาเว ซึ้คู ดูทึชองทึ ไจ้ะเว๊ บี่อี้ง, “ล นี้ง แย๊ นอ, ล้ะกึ้ พู พี่ แพล้ล้าง-อ้ะ โอ ลู่ง ทล่าง พี่ อ เฌิ่งเพิ่ง นอ, ม แบ ท เคาล้าง ดี๊ ล้างแพล้, ดี๊ ทอวีงทยุ้ อฆ้าอไชะ พี่ โอ เว๊ อ คู นอ, ม แบ ทแม้ไฆวะ”, เมะเว๊ กแช่ยาเว โล้ เว้ เว๊ เย้า
