เอซเทอ 8:15 - Northern Pwo Karen Thai Bible

¹⁵ พี่ ล พ๊า แย๊ โมเดไค ไจทาง พ้องไฆวะ กจุ้แฆว้ อ เมะ นอ, อ เว๊ ซุ้ ไช๊แค่ อ เปย้า ดี๊ อ แอว้, ล พ๊าฆ่าง ดี๊ คูคล้าง ท๊อง พ้ะดู, ดี๊ ไช๊แค่ พ้ะโท๊ อ ลึ้, เมะ โพล้ง เว่ง ซูซา พ้า นอ, ซองลี้ เซิงมึซ้ะมึ

เอซเทอ 8:15 교차 참조

ทอคางไท้ะ 41:42

ฟาโร เบ้าะล้าง อ จูงไซ้ะ แม้ไน เท่อ ลู่ง อ จูง ล้อง, ดึ้ ซุ้ทาง เว๊ ลู่ง โยซิ้ อ จูง ล้อง, ดี๊ เกม๊า เว๊ อ ซุ้ทาง ไช๊ช้าง ลูงไว้ะไก้, ดี๊ ไละทาง เอะ เว๊ อ เพ๊ท๊อง ลู่ง อ โคะบ้อง ล้อง นอ ล้อ

เอซเทอ 1:6

โอ ดี๊ ตไก้ยะ กางเทะ เท่อ, พี่ แม้ เว๊ ดี๊ ลูง เบ้ แอว้, ดี๊ อ เปย้า, จ้าเชิ่ง เว๊ ดี๊ เน่ ลึ้ซ๊า, พี่ บล้ะฆึ เว๊ ดี๊ จี้ ทกโวง ลู่ง เฌเทิง โล่งบาง คู, เลา ดี๊ ล่างมี๊ง นอ แม้ เว๊ ดี๊ ท๊อง ดี๊ จี้, ฌางคูคู นอ โล๊ล้าง บ้า บล้าล้าง โล่งโฌ้, โล่งบาง, ทแมล่ โฌ่งแอว้, ดี๊ โล่ง อ ซี่ง ตบลึ้ เม้ง

เอซเทอ 10:2

ทไพ้ะทแม้ เลาพะ พี่ โอ ดี๊ อชองอไคล๊, ดี๊ ทไฌ่ ลู่ง อ ดู อ โท๊ พี่ โมเดไค แม้ เว๊, พี่ กจุ้แฆว้ อางกีทางโท๊-อ้ะ นอ, แบ ทกวิ้ล้าง-อ้ะ, ลู่ง ไละ กวิ้ไน กจุ้แฆว้ ค่าง มีเดีย ดี๊ เปอแซย อ ไฌ่ ล ปะ นอ อ พ้า, ล เมะ แบ-อ้า?

เอซเทอ 3:15

โพล้ง โชะไละ นอ ปชื่ง ลี้, บี่ซุ้ดี๊ กจุ้แฆว้ อ ทอางแบเลา, แบเด้าะ ไละ อางแบเลา เท่อ นอ, เจ่ทาง เว๊ ลู่ง เว่ง ทล่างคุ้แคว่เท่อ ซูซา พ้า, กจุ้แฆว้ นอ ชี๊น้าง โอ้ ซกุ้ เท่อ ดี๊ ฮามาง, พี่ เว่ง ทล่างคุ้แคว่เท่อ ซูซา พ้า เติ้งทางเติ้งล้าง อ แค๊ นอ

เอซเทอ 5:1

ท่อง อ ท้อง มื่ง ซ๊านี้ง ล นี้ง นอ, น่าง เอซเทอ ซุ้ทาง อฆ้าอโฆ่ ลู่ง ทเก กจุ้แฆว้ อ แม๊ นอ, ดี๊ ชี๊เทิง ลู่ง บลาง อ คว้าง พ้า แย๊โค๊, กแท้ โละซ้ะ ดี๊ กจุ้แฆว้ อ ทล่างแดซยอง พ้า, กจุ้แฆว้ นอ ชี๊น้าง ลู่ง ล่างชี๊น้าง คู บลาง พ้า, พี่ กแท้ โละซ้ะ ดี๊ เกล้ นึฆ้าง บลาง พ้า

เอซเทอ 5:11

ฌ้อง ฮามาง อางโล๊ไท้ เท่อ แบฆ้ะ ดี๊ อ ทโอทช๊อง, อ พู อ แฌ้ แอ แฌ้ แซย้, ดี๊ อฆี๊งอแล้ ล เม้ง แบ ล เม้ง, พี่ กจุ้แฆว้ เกล๊าง เอะ-อ้ะ, ดี๊ อางโล๊ไท้ แบฆ้ะ ดี๊ เท่อ, พี่ กจุ้แฆว้ อางกีทางโท๊-อ้ะ ดูเละ กดูกแซย่, ดี๊ ทอดู แม้ เท่อ บลาง พ้า นอ บี่จะเล้

เอซเทอ 6:11

ฮามาง แม้ นี่ กจุ้แฆว้ อ ไช๊แค่ ดี๊ กซี, ดี๊ ดึ้ซุ้ ทาง เอะ โมเดไค, ดี๊ เกม๊า เว๊ อ ทาง กซี คู ลี้ ลู่ง เกล้ เว่ง พ้า, ฮามาง นอ ลี้ เว๊ ลู่ง อ เมะแซ พ้า, กุ้ซย้ะทาง เท่อ ไจ้ะเว๊, “โพล้ง พี่ กจุ้แฆว้ แบ อ ซ้ะ ม อางปฆ้า เว๊ นอ เก บี่อี้ง ล้อ”

เอซเทอ 6:8

เกม๊า แม้ นี่ กจุ้แฆว้ อ ไช๊แค่, ดี๊ กซี พี่ อ เทา เว๊ โอ ดี๊ คูคล้าง ลู่ง อ คูล้อง นอ, เฌ๊โชะ-อ้ะ

เอซเทอ 8:14

โพล้ง โชะไละ นอ เทาทาง กซี, ปชื่ง ลี้ บี่ซุ้ดี๊ กจุ้แฆว้ อ ทอางแบเลา, ไละอางแบเลา เท่อ นอ กวิ้ทาง เว๊ ลู่ง เว่ง ทล่างคุ้แคว่เท่อ ซูซา พ้า

ทอางด้อง 11:10

พี่ โพล้งแบกแช่แยว้อซ้ะ โอซยืงโอบ้ะ นอ, เฌงพ้าฆ๊างพ้า ม ซ้ะอวีงซ้ะโทะ ดี๊ พี่ โพล้งอ้าโพล้งซ๊าง เซงทื่งเฌ๊ฌ้อง ไฆวะนอ, โอ ดี๊ ท อ ลู่ง กุ้ซย้ะ ซองลี้ ดี๊ ท เซิงมึซ้ะมึ

ทอางด้อง 28:12

พี่ โพล้งแบกแช่แยว้อซ้ะ น้า เท่อ นอ ทเกทางเกโท๊ โอ แอทาง แบเด้าะ ท่อง โพล้งอ้าโพล้งซ๊าง อดู้งอยาง โอ แอทาง นอ, โพล้ง โอคุ้ซูงไฆวะ อ ซ้ะ ล้อ

ทอางด้อง 29:2

พี่ โพล้งแบกแช่แยว้อซ้ะ แอทางโฌ่ทาง นอ, โพล้งเฌงพูฆ๊างพู ซ้ะอวีงซ้ะโทะ เท่อ แบเด้าะ ท่อง โพล้งอ้าโพล้งซ๊าง โพะคอง เท่อ นอ, โพล้งเฌงพูฆ๊างพู ฌางล้างย้าล้าง ล้อ

ม้ะทู 11:8

เมะ ล เมะ บี่ นอ แบ น ซื๊ง ลี้ เท่อ แบ ท เล้, ลี้ แคว่ ดุ้ โพล้ง พี่ อ ไต้ทาง อ ซ้ะ ฌี้ๆ, โบ่, เต้ๆ, นอ, โพล้ง พี่ อ ไต้ทาง อ ซ้ะ บี่ นอ, โอ ลู่ง กจุ้แฆว้ อ เด้า พ้า

ม้ะทู 6:29

แบ เด้าะ จ โล้ เอะ นซื๊ง บี่ อี้ง, ทึ เมะ กจุ้แฆว้ ซาโลโม อ ท โอ ท ช๊อง ฌี้ๆ, ไต้ อ ซ้ะ ฌี้ บี่ ซุ้ ท โพ๊ ล แพ อี้ง ล ซี แบ

ลูกา 16:19

ซที๊ง โอ ล แฌ้ ซุ้ ไช๊ ก้อง ช้าง ลู่ง อ ฆวี้ แค้, อาง ฌี่ง อาง ฌ้อง เท่อ กุ้ มื่ง นี้ง