5 ฌ้อง น่าง เอซเทอ อางแบเลา โพล้ง เกม๊า กุ้นี่ ฮาทา, (พี่ เก กจุ้แฆว้ อ กแคว๊ได้ะดีง แม้ เท่อ บลาง พ้า ล แฌ้, พี่ แบ ทต๊างทาง-อ้ะ เกม๊า แม้ เอะ น่าง เอซเทอ อ เท่อ), เกม๊า ลี้ฌูง โมเดไค, บี่ซุ้ ม ซีงแฌ๊ เว๊ ทเม้งเล้ กึทาง, ดี๊ แม้ ทเล้ แม้ บี่นอ
ลู่ง มื่ง เนว๊ นี้ง ล นี้ง พ้า, ท่อง กจุ้แฆว้ อ ซ้ะฆวี๊ง ดี๊ ไซ้ะ ซไบ้ะ แซ ที๊ง นอ, อ เว๊ อางแบเลา เมฮูมาง, บีซาทา, ฮางโบนา, บิ้ทา, อาบะทา, เซทา, ดี๊ คาระค้ะ, พี่ เก กแคว๊ได้ะดีง เนว๊ แฌ้, พี่ แม้ เอะ กจุ้แฆว้ อาฮ้ะซูเอระ อ เท่อ
แบเด้าะ น่าง วาที ซม๊า เว๊, ล เฌ๊ เว๊ บี่ซุ้ดี๊ กจุ้แฆว้ อ ทอางแบเลา, พี่ อ อางแบเลา กแคว๊ได้ะดีง นอ แบ, ท่อง ทแม้ อ ซ้ะ บี่อี้ง นอ, กจุ้แฆว้ ซ้ะทาง พ้ะดู, ดี๊ อ ทซ้ะทาง โอ อ ซ้ะพ้า คระ
ฌ้อง น่าง เอซเทอ อางแบเลา ฮาทา, เกม๊า อ โล้โค เท่อ ลี้ ท้อง โมเดไค อ โอ บี่อี้ง
ท่อง น่าง เอซเทอ อ เพล่ มืง, ดี๊ เพล่ ได้ะดีง เฌ๊ โล้แบ-อ้ะ นอ, อ เว๊ ทน้ะเซิงน้ะซ้ะ ดู มะ, น่าง เอซเทอ โซ๊ง ไช๊ช้าง เกม๊า ลี้ โชะ เอะ โมเดไค, บี่ซุ้ อ เว๊ ม ไบลล้างไฆวะ เต่กเซ้าะ นอ, แบเด้าะ อ เว๊ ล ญ่อง ฮะนี่ ตไก้ยะ นอ แบ
ฮาทา ไจทาง ลี้ฌูง โมเดไค ลู่ง เว่ง อ คว้าง พ้ะเล่ พ้า, ลู่ง บลาง อ ป้ะตู๊ง อ เมะแซ พ้า
ฮาทา ไท้ โละ เอะ น่าง เอซเทอ, แบฆ้ะ ดี๊ เท่อ พี่ โมเดไค โล้ เว๊ นอ
ซ้ะอวีง ซ้ะโทะ ฆึ ดี๊ โพล้ง พี่ อ โอ ดี๊ ท ซ้ะอวีง ซ้ะโทะ, ฌาง ฆึ ดี๊ โพล้ง พี่ อ ฌาง
เท่อ ลู่ง ก ล้อง ก ย่าง อี้ง เม้ง ฌี้ เม้ง ฌี้ เมะ แบ น้ะ แบ โน๊ง นอ, อ แฌ้แพ ม แบ น้ะ แบ โน๊ง ปะ ล้อ, เท่อ ลู่ง ก ล้อง ก ย่าง เม้ง ฌี้ เม้ง ฌี้ เมะ นี่ ท, อางปฆ้า นอ อ แฌ้แพ ม เซิง ฆวี๊ง ซ้ะ มึ ฆึ ปะ
ช๊องมอง ล้าง ซ้ะ ล แพ้ ล ฌี้, น แบ ช๊องมอง ลู่ง โพล้ง อ แฌ้แพ อ ฌ่าง ปะ
โพล้ง ลื่ง เท่อ อ คู ดู ทึ ล แฌ้ อี้ง, เก โพล้ง ลู่ง อ ย๊างเซิง ย๊างซ้ะ เฆ้อ พี่ ก เซิง แช่ ซ้ะ แช่ นอ ล้อ, เมะ เว๊ อ เว๊ แบ ท ลองดุ้ อ ซ้ะ บี่ ซุ้ เฆ้อ กุ้ อ เม้ง, แบเด้าะ อ ท เด้บ้ะ ล โอ แบ
