เอซเทอ 3:15 - Northern Pwo Karen Thai Bible

¹⁵ โพล้ง โชะไละ นอ ปชื่ง ลี้, บี่ซุ้ดี๊ กจุ้แฆว้ อ ทอางแบเลา, แบเด้าะ ไละ อางแบเลา เท่อ นอ, เจ่ทาง เว๊ ลู่ง เว่ง ทล่างคุ้แคว่เท่อ ซูซา พ้า, กจุ้แฆว้ นอ ชี๊น้าง โอ้ ซกุ้ เท่อ ดี๊ ฮามาง, พี่ เว่ง ทล่างคุ้แคว่เท่อ ซูซา พ้า เติ้งทางเติ้งล้าง อ แค๊ นอ

เอซเทอ 3:15 교차 참조

ทอคางไท้ะ 37:25

พี่ อซื๊งเว๊ ชี๊น้าง, บี่ซุ้ ม อาง ทอาง อ แค๊ นอ, อซื๊งเว๊ บุ้ทาง อ เมะ, แด โพล้ง อีซมาเอง ซีง ลแพ น๊างมู๊ง, เฌ๊นี่ ลู่ง กีเลอา, โอ ดี๊ เอ้า น๊างมู๊ง, ต้าง ทน๊าม๊า, ที๊ง น๊าม๊า, ดี๊ ทซู เท้าล้อง, ลี้ ลู่ง อีไย้ะ

1​กจุ้แฆว้ 14:27

กจุ้แฆว้ เรโฮโบอาง ไต้ทางนี่ก้ะ นางปด้างทะ ซ้ะแน๊ ดี๊ ท่องบ้าง เท่งก้ะ เว๊ อ ล่าง, ฌ้อง อางกีล้าง เว๊ ลู่ง ซึ้พู ยู่แคว่ทะ-อ้ะ, พี่ อ โอ แคว่ทะ บลาง อ ป้ะตู๊ง นอ อ จูง พ้า

เอซเทอ 1:10

ลู่ง มื่ง เนว๊ นี้ง ล นี้ง พ้า, ท่อง กจุ้แฆว้ อ ซ้ะฆวี๊ง ดี๊ ไซ้ะ ซไบ้ะ แซ ที๊ง นอ, อ เว๊ อางแบเลา เมฮูมาง, บีซาทา, ฮางโบนา, บิ้ทา, อาบะทา, เซทา, ดี๊ คาระค้ะ, พี่ เก กแคว๊ได้ะดีง เนว๊ แฌ้, พี่ แม้ เอะ กจุ้แฆว้ อาฮ้ะซูเอระ อ เท่อ

เอซเทอ 4:16

“ลี้ แดเทา, เกม๊า กุ้ซยอง นี่ โพล้ง ยู เลาพะ, พี่ อางฆื๊ง แด-อ้ะ ลู่ง ซูซา พ้า, ดี๊ ดืงอาง ทอางทโอ้ ลู่ง จ ฌ่าง, เกม๊า อาง เท่อ ดี๊ โอ้ เท่อ ล ฌี้ ซ๊านี้ง, เลา มแน้ เลา มแช๊, แย้ ดี๊ จ เพล่ มืง ม ดืงอาง ทอางทโอ้ บี่ซุ้ดี๊ แน้ ปะ, ฌ้อง นอ จ ม ลี้ฆ้าง โอ กจุ้แฆว้, ทึเมะ อ เก ทลือค๊างพะ ทอางกีล้าง ฌี้ๆ, จ เมะ แบ ซี๊ง ฌี้ นอ, จ ม ซี๊ง ล้อ”

เอซเทอ 8:15

พี่ ล พ๊า แย๊ โมเดไค ไจทาง พ้องไฆวะ กจุ้แฆว้ อ เมะ นอ, อ เว๊ ซุ้ ไช๊แค่ อ เปย้า ดี๊ อ แอว้, ล พ๊าฆ่าง ดี๊ คูคล้าง ท๊อง พ้ะดู, ดี๊ ไช๊แค่ พ้ะโท๊ อ ลึ้, เมะ โพล้ง เว่ง ซูซา พ้า นอ, ซองลี้ เซิงมึซ้ะมึ

ทอางปฆ้า 37:7

เกม๊า โอกโช้ ลู่ง กแช่ยาเว อ เมะแซ พ้า, ดี๊ เฌา โอคุ้แท๊-อ้ะ เอ้งโช่งเอ้งไน๊ เท่อ, พี่ โพล้ง ต้องนอง ทฌ้องทางเกทาง ลู่ง อเกล้อพ้า นอ-อ้า พี่ โพล้ง แม้โพะ อ ทช๊องมองเว้ ทอ้าทซ๊าง อ ไค๊ นอ-อ้า ล ฌี้

ทอางด้อง 1:16

เมะเว๊ อ ซื๊งเว๊ อ คาง ลี้ซยู๊ฌูง ทอ้าทซ๊าง ดี๊ อ ซื๊งเว๊ ปชื่ง ลี้ แม้ซี๊ง โพล้ง

ทอางด้อง 29:2

พี่ โพล้งแบกแช่แยว้อซ้ะ แอทางโฌ่ทาง นอ, โพล้งเฌงพูฆ๊างพู ซ้ะอวีงซ้ะโทะ เท่อ แบเด้าะ ท่อง โพล้งอ้าโพล้งซ๊าง โพะคอง เท่อ นอ, โพล้งเฌงพูฆ๊างพู ฌางล้างย้าล้าง ล้อ

ทอางด้อง 31:4

โอ้, เลมูเอง-เอ้อ, ล เกิ้ง แบ พี่ กจุ้แฆว้ ล เกิ้ง แบ พี่ กจุ้แฆว้ ม โอ้ ไซ้ะ ซไบ้ะแซ ที๊ง ล เกิ้ง แบ พี่ โพล้ง โพะคอง เท่อ ม แบซ้ะ ไซ้ะ

ทอางด้อง 4:16

อไฌ่บี่อี้ง, อ ซื๊งเว๊ มี๊ง ล นี่ แบ, เมะ ล นี่ แม้ ทอ้าทซ๊าง แบ นอ อ ซื๊งเว๊ ม ล มี๊ง แบ, เมะ ล นี่ ดึ้ เกม๊า โพล้ง แบท้า แบ นอ

โฮเชยา 7:5

ลู่ง ก กจุ้แฆว้ อ มื่งนี้ง แม้มึอางอวีง นอ, ท อคูอแน่ ช๊องไก้มี๊งน้าง ดี๊ ไซ้ะ ซไบ้ะแซ ที๊ง อ จืง กจุ้แฆว้ นึซยอง ซกุ้ โละซ้ะ ดี๊ โพล้ง พี่ อ เอ ทไคล้ ไฌ๊ซ้ะ ลแพ นอ

อาโม 6:6

โพล้ง พี่ เจ่ โท๊กีง ควี้งล้าง โอ้ ไซ้ะ ซไบ้ะแซ ที๊ง ดี๊ เท้าล้าง อล้องอย่าง ดี๊ ทซู ลู่ง อ ฌี้ ทึ แบเด้าะ ล เมะมองแน๊อึ้ ลู่ง โยซิ้ อ ท เซงทื่งเฌ๊ฌ้อง อไฌ่อ กย้อง พ้า แบ

โยฮาง 16:20

จ โล้ เอะ น ซื๊ง โต้ๆ, ล้อ, น ซื๊ง เมะที๊ง เมะน๊อง ม ล้าง, น ซื๊ง ม ฌาง ล้าง ย้า ล้าง น้ะ มะ ล้อ, แบเด้าะ โพล้ง ฌางคู คู ล แพ นอ ม ซ้ะอวีง ซ้ะโทะ เว๊, น ซื๊ง ม ซ้ะอึ้ ซ้ะช๊า เท่อ ดู มะ, แบเด้าะ พี่ น ซื๊ง ซ้ะอึ้ ซ้ะช๊า เท่อ นอ, ม เก ทาง ท ซ้ะอวีง ซ้ะโทะ ล้อ

ท​เน​โพล​ทาง 11:10

โพล้ง กุ้ อ แฌ้ พี่ อ โอ ฌางคู โคล๊ง คู ม ซ้ะอวีง ซ้ะโทะ เว๊, พี่ อ แด เว๊ พีงญาง คี๊ง แฌ้ นอ ซี๊ง ไฆวะ เย้า, อซื๊งเว๊ ม ลื่ง อาง โละ อ ซ้ะ ดี๊ ม เกล๊าง โละ ซ้ะ ท เกล๊าง มึ ซ้ะ, อ ไฌ่ บี่ อี้ง โม ไคล้ คิ้ กแช่ แยว้ คี๊ง แฌ้ นอ แม้ ปได้ โพล้ง พี่ อ โอ ลู่ง ฌางคู โคล๊ง คู ล แพ นอ น้ะ มะ ล้อ