เอซเทอ 3:11 - Northern Pwo Karen Thai Bible

¹¹ ดี๊ ไคล้ ดี๊ ฮามาง ไจ้ะเว๊, “จี้ ดี๊ โพล้งเฌงพูฆ๊างพู นอ, จ อางกีล้าง เอะ แน้, บี่ซุ้ น ม แม้ เอะ อ ซื๊งเว๊ ท๊อง น แคว่-อ้ะ ฌี้ แม้ นอ”

เอซเทอ 3:11 교차 참조

เอซเทอ 3:10

กจุ้แฆว้ เบ้าะล้างนี่ อ จูงไซ้ะ พี่ โอ ดี๊ อดู้งอยาง ลู่ง อ จูง ล้อง นอ, เกล๊าง เอะ ฮางเมดาทา โพล้ง อาก้ะ อ พู, เมะเว๊ ฮามาง, พี่ เก โพล้ง ยู อดีงอแด้

เอซเทอ 3:12

ฌ้อง อ กุ้ นี่ โพล้งกวิ้ไนไละ ลู่ง บลาง พ้า เฌ๊ฆ้าง, ลู่ง มื่ง ชี๊งซ๊า นี้ง ล นี้ง, แล้ อ ต้องคู ล เบง, เกม๊า อ กวิ้ทาง ไละ อางแบเลา เท่อ, บี่ซุ้ดี๊ ฮามาง อางแบเลา เว๊ นอ กุ้เม้ง, โซ๊ง เว๊ ลี้ท้อง กจุ้แฆว้ อ ทอดูอคูอแน่ ดี๊ ท้อง โพล้งโพะคองเว่ง, พี่ โอ ยู่แคว่ เว่งดูคล้องโท๊ คระ กุ้ จอง, ดี๊ ท้อง โพล้ง กุ้ชื้อ อกดูกแซย่, ดี๊ เว่งดูคล้องโท๊ กุ้ จอง, เก โพล้ง กุ้ชื้อ อ ไละเมะ, บี่ซุ้ดี๊ อ กแช่ อ คว่าง, กวิ้ล้าง เว๊ ลู่ง กจุ้แฆว้ อาฮ้ะซูเอระ อเม้งอแซ พ้า, ฌ้อง แม้ไน ล้าง ทเอิ้งล้าง ดี๊ กจุ้แฆว้ อ จูงไซ้ะ พี่ โอ อดู้งอยาง

ทอางปฆ้า 73:7

อ ซื๊งเว๊ ซีง ลแพ นอ, อ เมะคลี๊ง พู๊ลู๊ทางนี่ ดี๊ บองอืง อ ซื๊งเว๊ อเซิงอซ้ะ, โอฆวี้ทะ ดี๊ ทช๊องมอง ลู่ง ออ้าอซ๊าง

เยเรมี 26:14

แบเด้าะ ยี๊แด นอ, อี้งเซ้อ, จ โอ ลู่ง น ซื๊ง จูง พ้า, เกม๊า น แม้ เอะ แย้, ท๊อง น แคว่-อ้ะ อฌี้อแอว้ อเกิ้งอด้าง นอ ล้อ

เยเรมี 40:4

อี้งเซ้อ, ล นี้ง แย๊ อี้ง, จ ทูแพล่ไฆวะ แน้ ดี๊ พลี้งท้ะ ลู่ง น จูง ล้อง, เมะ แบ น ซ้ะ พี่ ม เฌ๊ ลู่ง บาบีโลง ดี๊ แย้ นอ, เกม๊า เฌ๊ แดเทา, จ ม ยู่แคว่ แน้ เมะ ฌี้, แบเด้าะ เมะ ล แบ น ซ้ะ แบ พี่ ม เฌ๊ ลู่ง บาบีโลง ดี๊ แย้ นอ, เฌ๊ ล ฌี้, แคว่เซ้อ, ค่าง เลาพะ อี้ง โอ ลู่ง น เมะแซ พ้า, น ม ลี้ พี่จองเล้ นอ ลี้ ซี, ท๊อง น แคว่-อ้ะ ฌี้ ดี๊ แบ น ซ้ะ นอ ล้อ

ลูกา 23:25

อ เว๊ กูแพล่ โพล้ง พี่ อซื๊งเว๊ อางท่าง-อ้ะ ล แฌ้ นอ, เมะ เว๊ พี่ อ แบซุ้ ลู่ง ท เติ้งทาง เติ้งล้าง ดี๊ ท แม้ ซี๊ง โพล้ง อ กย้อง, แบ เด้าะ เกม๊า โพล้ง ลี้ แพล้ ทาง กแช่ เยซู ลู่ง เซง ป้างกิ้ อ ล้อง, บี่ ซุ้ โพล้ง ล มู๊ง นอ แบ อ ซ้ะ นอ ล้อ