21 พี่ ล พ๊า แย๊ โมรเดไค ชี๊น้าง ลู่ง บลาง อ ป้ะตู๊งไท้ะ นอ, บิ้ทาง ดี๊ เทเร้ะ, พี่ เก กจุ้แฆว้ อ กได้ะดีง คี๊ง แฌ้, พี่ แคว่ทะ ป้ะตู๊งอเคิง นอ, โอ ดี๊ อ ทซ้ะทาง, ดี๊ อางฆื๊ง นี่ อช๊าอโท่ แม้ซี๊ง กจุ้แฆว้ อาฮ้ะซูเอระ
ดาเว ไคล้ ดี๊ อาบีไช, ดี๊ อ กแช่ อ กดูกแซย่ เลาพะ นอ ไจ้ะเว๊, “แคว่เซ้อ, จ กแช่ อ พู เท่งซ้ะ เต้ๆ, เฌาโละ ม แม้นี่ จ ทโอม๊า ได้ะ, แบทเล้?, โพล้ง เบงยามีง ล แฌ้ อี้ง ล แม้ เว๊ แบ, แคว่-อ้ะ บละ, เกม๊า อ ชูอ้า แด เว๊, เมะเว๊ กแช่ยาเว โล้ เอะ-อ้ะ เย้า
แบเด้าะ อ กดูกแซย่ เมะเว๊ ซีงรี, พี่ อ เก ซึ้คู ยู่แคว่ เลาะ ดึ้ซึ้ เท่อ พุ้พ๊าง ล แฌ้ นอ, ช๊องมอง กไบล้ะ เท่อ ดี๊-อ้ะ, พี่ อ เว๊ โอ ลู่ง เว่ง ทีราซา พ้า อ แค๊ นอ, กจุ้แฆว้ นอ โอ้ เท่อ ท่อง อ ม้า เว๊ ลู่ง อาราซา พี่ อ เก ซึ้คู ยู่แคว่ บลาง, ลู่ง เว่ง ทีราซา พ้า ล แฌ้ นอ อ เด้า พ้า
กจุ้แฆว้ อ กดูกแซย่ เฌ้เทิงทาง แม้ ทกไบล้ะ, ดี๊ แม้ซี๊งไฆวะ โยอ้ะ ลู่ง บลาง มีโล พ้า, ลู่ง เกล้ พี่ ลี้ล้าง ลู่ง ซีลา พ้า
อาโมง อ กดูกแซย่ นอ ฆู๊ง โละซ้ะ กไบล้ะ ดี๊-อ้ะ, ดี๊ แม้ซี๊งไฆวะ เว๊ ลู่ง อ บลาง พ้า
ดี๊ ลู่ง กจุ้แฆว้ อาฮ้ะซูเอระ อ ชู้ แค๊ พี่ อ เก ทางซ๊าง กจุ้แฆว้ นอ, อ ซื๊งเว๊ กวิ้ไละ ฟ่อง โพล้ง ยูดา ดี๊ เยรูซเลง
ท่อง โพล้ง กุ้ซยองนี่ มืงน้าง เฌ๊ คี๊ง พ๊า ล พ๊า นอ, โมเดไค ชี๊น้าง โอ ลู่ง บลาง อ ป้ะตู๊งไท้ะ
ล แน้ แย๊ นอ, กจุ้แฆว้ มี๊ง ล นี่ แบ, อ เว๊ อางแบเลา เกม๊า เฌ๊โชะ ไละ กวิ้ไน ทกึทาง อ ซ้ะ พี่ เกิ้ง นางแบ-อ้ะ, เมะเว๊ เฌ๊โชะ ไละ ทกวิ้ไน เท่อ, อ ซื๊งเว๊ พ้ะ ไละ นอ เอะ กจุ้แฆว้
ดี๊ แด ทไคล้ กวิ้ เว๊ บี่อี้ง, โมเดไค นี่ โล้ เท่อ แบฆ้ะ ดี๊ กจุ้แฆว้ อ กแคว๊ได้ะดีง, เมะเว๊ บีทานา ดี๊ เทเร้ะ คี๊งแฌ้ นอ อ ไฌ่, พี่ อ เก โพล้งแคว่ทะป้ะตู๊งอเคิง, อ ซื๊งเว๊ เฌา อางฆื๊ง เกล้ ม แม้ซี๊ง กจุ้แฆว้ อาฮ้ะซูเอระ
กแช่แยว้ เก โพล้ง พี่ เกล๊าง ทน้าทฆ่าง เอะ กจุ้แฆว้ ดี๊ เก โพล้ง ซไบล้ะ นี่ อ เพล่ ดาเว, เกม๊า พ้องไฆวะ ดี๊ น้ะ ลู่ง ออ้าอซ๊าง
ดานีเอง อางท่าง กจุ้แฆว้, ดี๊ อ เว๊ ต๊างทาง ช้ะร้ะ, เมช้ะ ดี๊ อาเบเนโก, เก โพล้ง ยู่แคว่ เว่งดูคล้องโท๊ บาบีโลง, แบเด้าะ ดานีเอง โอ ลู่ง บลาง พ้า ได้ะ ล้อ
