19 ท่อง โพล้ง กุ้ซยองนี่ มืงน้าง เฌ๊ คี๊ง พ๊า ล พ๊า นอ, โมเดไค ชี๊น้าง โอ ลู่ง บลาง อ ป้ะตู๊งไท้ะ
พี่ ล พ๊า แย๊ โมรเดไค ชี๊น้าง ลู่ง บลาง อ ป้ะตู๊งไท้ะ นอ, บิ้ทาง ดี๊ เทเร้ะ, พี่ เก กจุ้แฆว้ อ กได้ะดีง คี๊ง แฌ้, พี่ แคว่ทะ ป้ะตู๊งอเคิง นอ, โอ ดี๊ อ ทซ้ะทาง, ดี๊ อางฆื๊ง นี่ อช๊าอโท่ แม้ซี๊ง กจุ้แฆว้ อาฮ้ะซูเอระ
แบเด้าะ ทลแพ อี้ง เลาพะ นอ, ล ล้างเปิ่ง ลู่ง จ ฌ่าง แบ, พี่ จ แด โมเดไค โพล้ง ยู, ชี๊น้าง โอ ลู่ง บลาง อ ป้ะตู๊งไท้ะ ได้ะ นอ
ล นี้ง แย๊ นอ ฮามาง ไจทาง ดี๊ ทเซิงฆวี๊งซ้ะโย้, ดี๊ เซิงมึซ้ะมึ, แบเด้าะ ท่อง ฮามาง แด โมเดไค ลู่ง บลาง อ ป้ะตู๊งไท้ะ ล ชี๊เทิงทาง แบ, ล ว้ะโทะ ลู่ง อ เมะแซ พ้า แบ นอ, อ เว๊ ซ้ะ เฌ๊ทาง ดี๊ โมเดไค
ดานีเอง อางท่าง กจุ้แฆว้, ดี๊ อ เว๊ ต๊างทาง ช้ะร้ะ, เมช้ะ ดี๊ อาเบเนโก, เก โพล้ง ยู่แคว่ เว่งดูคล้องโท๊ บาบีโลง, แบเด้าะ ดานีเอง โอ ลู่ง บลาง พ้า ได้ะ ล้อ
