เอซเทอ 2:15 - Northern Pwo Karen Thai Bible

¹⁵ ท่อง ท้อง อช๊าอโท่ น่าง เอซเทอ, พี่ เก อาบีฮาอีง อ พู, พี่ อ เก โมเดไค อ ม้างโจ้, พี่ ฮะนี่ เว๊ เก อ พู, ม ลี้ฆ้าง โอ กจุ้แฆว้ นอ, อ เว๊ ล อางท่างนี่ เท่อ น่าง เม้ง แบ, โอ เว๊ ที่ เฮไก กจุ้แฆว้ อ กแคว๊ได้ะดีง, พี่ ยู่ทะแคว่ทะ กมืง โล้ฌ้า เอะ-อ้ะ นอ เอซเทอ นอ ล้อ, น่าง เอซเทอ แบเมะล้างซ้ะ โพล้ง กุ้ แฌ้ พี่ แด-อ้ะ นอ

เอซเทอ 2:15 교차 참조

เอซเทอ 2:14

กมืง นอ ลี้ฆ้าง โอ เว๊ ลู่ง มื่งแฌล้าง โค๊, ดี๊ ลู่ง โฌ้โค๊ นอ ไท้ๆ, ลู่ง ฮาเรง คี๊ง จอง ล จอง นอ อ พ้า, โอ ลู่ง ชาอะกา, กจุ้แฆว้ อ กแคว๊ได้ะดีง, พี่ ยู่ทะแคว่ทะ กมืง ลู่ง กจุ้แฆว้ เว๊ ลแพ นอ, อ ทยู่แคว่ พ้า, อ เว๊ ล นี่ ลี้ฆ้าง โอ กจุ้แฆว้ ล้าแบ, ท๊อง เว๊ กจุ้แฆว้ ม แบ อ ซ้ะ ดี๊-อ้ะ, ดี๊ กุ้ทาง อ เม้ง เกม๊า ลี้ฆ้าง โอ-อ้ะ นอ ล้อ

เอซเทอ 2:16

โพล้ง ลี้ฌ้า เอซเทอ, ลี้ฆ้าง โอ กจุ้แฆว้ อาฮ้ะซูเอระ ลู่ง บลาง พ้า, ลู่ง แล้ อ เบง ล ชี๊ง ล เบง นอ, พี่ เก แล้ เทเบะ ลู่ง เนว๊เนง ล เนง พ้า ลู่ง อ เว๊ อ ชู้ แค๊

เอซเทอ 2:3

ดี๊ เกม๊า กจุ้แฆว้ ต๊างทางนี่ โพล้ง แม้คิ้ เอะ อ เท่อ, ลู่ง เว่งดูคล้องโท๊ อมื่งอบ้าง พ้า กุ้ จอง, เกม๊า อางกีซยองนี่ มืงน้าง เช๊งเกล้ง, พี่ อ ฌี้ กุ้ แฌ้, เฌ๊ ลู่ง ฮาเรง เว่ง ทล่างคุ้แคว่เท่อ ซูซา พ้า, เกม๊า อ โอ กจุ้แฆว้ อ เพล่ เฮไก กแคว๊ได้ะดีง อ ท ยู่ทะแคว่ทะ พ้า, ดี๊ เกม๊า อ เกล๊าง ทฆ้าทโฆ่ ไต้ฆี๊ง ทาง ซ้ะ เอะ กมืง ลแพ นอ

เอซเทอ 8:1

ล นี้ง แย๊ นอ, กจุ้แฆว้ อาฮ้ะซูเอระ เกล๊าง ฮามาง อ เด้า, พี่ เก โพล้ง ยู ลแพ อดีงอแด้ นอ, เอะ น่าง เอซเทอ, โมเดไค ลี้ฆ้าง โอ กจุ้แฆว้, เมะเว๊ น่าง เอซเทอ นี่ โล้ เว๊, อ เว๊ นอ เก ทเม้งเล้ ดี๊ น่าง เอซเทอ

เอซเทอ 9:29

ฌ้อง อาบีฮาอีง อ พูมืง น่าง เอซเทอ, ล พ๊าฆ่าง ดี๊ โมเดไค โพล้ง ยู นอ, นี่ กวิ้ไละ ระ ไละกวิ้ยื่ง คี๊งเบง ล เบง, พี่ แบฆ้ะ ดี๊ ทไฌ่ ปูรีง อี้ง นอ เมาน่าง

ทอางด้อง 15:33

ทดู้งแบยางแบ กแช่ยาเว นอ, ม ซอง เท่อ เกม๊า เกทาง ทโกงซีมองแบ ดี๊ ท ชางล้างซ้ะ นอ, เฌ๊ วี่ง ทฆี๊งทแล้

ซาโลโมอแท๊ 6:9

จ ทูลี่ง มู่ แอว้, จ แคว๊น่าง ฌี้ทึแอว้ทึ เก ล เม้ง ฆ่าง ล้อ น เก พู พี่ มู่ เอ เว๊ กวี้ง เว๊ เก โพล้ง พี่ อ กึทาง นี่ แน้ อ ท แบเมะล้างซ้ะ กเย่ มืงคูมืงน้าง ลแพ นอ แด แน้, ดี๊ กุ้ แน้ ไจ้ะเว๊ ทมึทพ้า เลา ดี๊ กจุ้แฆว้ อ แม๊, ดี๊ อ แม๊ พู นอ, อางปฆ้า แน้ บี่อี้ง

ซาโลโมอแท๊ 8:10

จ เก กางแป จ นู่ง คี๊ง แพ้ บี่ซุ้ดี๊ ทล่างคุ้แคว่จู้เท่อ อกย้องบี่นอ, ลู่ง อ เว๊ อ เมะแซ พ้า จ เก ด้องซุ้ โพล้ง เฌ๊โชะ เอะ ทมึทพ้า

ท​แม้ 7:10

แม้ พ้อง ไฆวะ เว๊ ดี๊ ท น้ะ ท โน๊ง กุ้ อ เม้ง, พี่ โยซิ้ ลี้ กจุ้แฆว้ อีไย้ะ อ เมะแซ พ้า นอ, กแช่ แยว้ ดึ้ เกม๊า โยซิ้ โอ ดี๊ ท โกง ซี มอง แบ, ต้ะ กจุ้แฆว้ เฆว๊ อ ซ้ะ ดี๊ โยซิ้ ฌี้ มะ ล้อ, อางกี ล้าง โยซิ้ เก ทอดู ยู่แคว่ เอะ อ ที๊ง อ ค่าง อ เด้า อ ล่าง เลา ปะ ล้อ