20 ทบี่นอ, ท่อง กจุ้แฆว้ โล้ล้าง ทอางแม้เลา เฆ้ง อมื่งอบ้าง, พี่ อ เล่ อ โท๊ พ้า นอ, กเย่ กมืง กุ้ แฌ้ นอ, แบ แม้ฆี๊งแม้แล้ อ แว้, ทึเมะ อ เว๊ อ ม ดู ฌี้ ซยาง ฌี้”
ทโล้ อี้ง นอ, เก เท่อ พี่ แบ กจุ้แฆว้ อ ซ้ะ, ดี๊ แบ ทอดูอแซย่ อ ซ้ะ, กจุ้แฆว้ แม้โพะ เมมูคาง อ ทโล้ อี้ง อ ไค๊ ล้อ
ลู่ง ทกึทาง อ ซ้ะ ลแพ อี้ง พ้องไค๊ไฆวะ, พี่ กจุ้แฆว้ อาฮ้ะซูเอระ อ ทซ้ะทาง ล้างซยืง เย้า นอ, อ เว๊ นางแบทางไท้ น่าง วาที ดี๊ เท่อ พี่ อ แม้ เว๊, ดี๊ ไละ อางแบเลา เท่อ, พี่ อ กแช่ กวิ้ทาง เว๊ แบฆ้ะ ดี๊ น่าง วาที
กมืง ลู่ง อ ทาง แซย่ ซีง ล แพ-เอ้อ, ชู่ง น ซื๊ง แว้ บี่ ซุ้ น ชู่ง กแช่ เยซู คริ้ นอ ไช้ะ
แบเด้าะ แบฆ้ะ ดี๊ น ซื๊ง ปะ, เมะ เว๊ แว้ กุ้ อ แฌ้ เกิ้ง เอ อ แม๊ บี่ ซุ้ เอ ล้าง อ กแช่, ดี๊ แม๊ กุ้ อ แฌ้ เกิ้ง ดู้ง แบ ยาง แบ อ แว้ ล้อ
ดี๊ โพล้งเฌงพูฆ๊างพู กุ้ แฌ้, ม แน่ฌ๊า เว๊, ดี๊ ดู้งแบยางแบ เท่อ, ดี๊ ล ลือค๊างพะ เท่อ ล้า แบ ล้อ
ฌ้อง กแคว๊ กุ้ แฌ้ ลู่ง เว่ง พ้า นอ, ม แม้นี่ โล่ง ไควะ-อ้ะ ท้อง อ ซี๊ง, ทบี่นอ, น ม แม้ไฆวะ ทอ้าทซ๊าง ลู่ง นซุ้นแกล้ พ้า, โพล้ง อีซลาเอง กุ้ แฌ้ ม แน่ฌ๊า เว๊, ดี๊ ยางแบซ้ะเม เท่อ ล้อ
กมืง ลู่ง อ ทาง แซย่ ซีง ล แพ-เอ้อ, ชู่ง น แว้ นอ ไช้ะ, บี่ ซุ้ โพล้ง แบ้ แยว้ เกิ้ง แม้ เว๊
